კაპიტანი აფხაზეთი – როგორც მას სტუდენტები ეძახიან – ბიზნესისა და ტექნოლოგიების უნივერსიტეტის ასისტენტ-პროფესორია.

კითხულობს კურსებს: „შესავალი მეწარმეობაში“, „ინოვაციების მენეჯმენტი და სტარტაპი“.

იგი არის საერთაშორისო ურთიერთობების მაგისტრი და ახორციელებს საგანმანათლებლო და ინოვაციურ პროექტებს ადგილობრივ და საერთაშორისო ორგანიზაციებთან ერთად.

აქვს როგორც საჯარო, ისე კერძო სექტორში მუშაობის მდიდარი გამოცდილება. დაფუძნებული აქვს რამდენიმე სტარტაპი და შექმნილი აქვს 30-მდე ციფრული პროდუქტი.

ხშირად მონაწილეობს საერთაშორისო კონფერენციებში და ეროვნული ინოვაციური ეკოსისტემის განვითარების სტრატეგიულ პროგრამებში. არის რამდენიმე სახელმძღვანელოს ავტორი და რედაქტორი.

ფიქრობს რომ ყველა ადამიანი დაბადებიდან ანტრეპრენერია და უნივერსიტეტში მისი მთავარი მიზანი სტუდენტებისთვის სწორედ ამის შეხსენებაა.

ფლობს ქართულ, ინგლისურ და რუსულ ენებს.