კარიერა

ბიზნესისა და ტექნოლოგიების უნივერსიტეტისთვის განათლებისა და ინდუსტრიის მჭიდრო კავშირი ერთ-ერთი მთავარი პრიორიტეტია. სწორედ ამიტომ, BTU აქტიურად თანამშრომლობს ადგილობრივ და საერთაშორისო დამსაქმებლებთან, რათა სტუდენტებსა და კურსდამთავრებულებს ჰქონდეთ რეალურ შრომის ბაზართან დაკავშირების, პროფესიული გამოცდილების მიღებისა და კარიერული განვითარების შესაძლებლობა.

დღეისათვის BTU-ს პარტნიორთა ქსელი აერთიანებს 350-ზე მეტ ადგილობრივ და საერთაშორისო ორგანიზაციას სხვადასხვა სექტორიდან. პარტნიორ ორგანიზაციებთან თანამშრომლობის ფარგლებში განხორციელებულია არაერთი კოლაბორაციული ინიციატივა, რომელიც ხელს უწყობს საგანმანათლებლო პროცესის ინდუსტრიის საჭიროებებთან დაახლოებას, სტუდენტებისთვის პრაქტიკული გამოცდილების შექმნას და კარიერული შესაძლებლობების გაფართოებას.

პარტნიორი ორგანიზაციები წარმოადგენენ როგორც AI და ტექნოლოგიურ, ფინანსურ სექტორებს, ისე საკონსულტაციო, მარკეტინგის, განათლების, ფსიქოლოგიის, ჯანდაცვის, ტურიზმის, ლოგისტიკისა და სხვა მნიშვნელოვან მიმართულებებს. ეს მრავალფეროვანი თანამშრომლობა BTU-ს სტუდენტებს აძლევს შესაძლებლობას, გაეცნონ სხვადასხვა ინდუსტრიას, დაამყარონ პროფესიული კავშირები და კარიერული განვითარება დაიწყონ მათთვის საინტერესო სფეროში.

ძირითადი მაჩვენებლები:

• 350-ზე მეტი ადგილობრივი და საერთაშორისო პარტნიორი ორგანიზაცია;
• 200-ზე მეტი კოლაბორაციული ინიციატივა პარტნიორ ორგანიზაციებთან;
• 600-ზე მეტი პროფესიული მიმართულების ღონისძიება, ტრენინგი, მასტერკლასი, ვორქშოპი.