გამომცემლობა ინტელექტი
გამომცემლობა ინტელექტი 1994 წელს დაარსდა და უკვე ორი ათეული წელია გამოსცემს სასკოლო სახელმძღვანელოებს. ინტელექტი ყოველწლიურად 300-ზე მეტი დასახელების წიგნს ბეჭდავს. მათგან აღსანიშნავია მხატვრული და დოკუმენტური ლიტერატურის საუკეთესო ნიმუშები; კლასიკური და თანამედროვე პროზა და პოეზია და სამეცნიერო-პოპულარული ლიტერატურა როგორც ქართულ, ისე უცხო ენაზე
გამომცემლობა პალიტრა
,,პალიტრა L“ 2005 წელს დაარსდა და ძალიან მალე დაიმკვიდრა საქართველოს საგამომცემლო სფეროში წამყვანი პოზიცია. წლების განმავლობაში გამომცემლობამ არაერთი მნიშვნელოვანი პროექტი განახორციელა. მან საშუალება მკითხველს საშუალება მისცა, გაეცნო თანამედროვე მსოფლიო მნიშვნელობის ავტორები, გაეახლებინა მოძველებული საოჯახო ბიბლიოთეკა და მხარი დაეჭირა თანამედროვე ქართველი ავტორებისთვის.
გამომცემლობა წიგნები ბათუმში
გამომცემლობა ,,წიგნები ბათუმში” 2014 წელს დაარსდა. გამომცემლობამ განსაკუთრებული წვლილი შეიტანა საქართველოში ჟანრული ლიტერატურის პოპულარიზაციაში: თარგმნა კლასიკური და თანამედროვე ფენტეზი და სამეცნიერო ფანტასტიკის ჟანრის ნაწარმოებები.
გამომცემლობა ლურჯი ოკეანე
“ლურჯი ოკეანე” – ეს არის გამომცემლობა “პალიტრა L” -ის მიმართულება, რომელიც გულისხმობს მსოფლიოში აღიარებული ბიზნესლიტერატურის ქართულ ენაზე გამოცემას. პროექტის ფარგლებში უკვე გამოიცა არაერთი ბესტსელერი. აღსანიშნავია, რომ გამომცემლობის მიერ შერჩეული ბიზნესლიტერატურა განკუთვნილია როგორც პროფესიონალებისათვის, ასევე დამწყებთათვის