სამეცნიერო პრემია ბიზნესისა და ტექნოლოგიების დარგში
ბიზნესისა და ტექნოლოგიების უნივერსიტეტის (BTU) კვლევითი ცენტრის ინიციატივით, უნივერსიტეტის აკადემირი პერსონალისთვის, სამეცნიერო კვლევებისა და მეცნიერების პოპულარიზაციისთვის, ყოველწლიურად ტარდება კონკურსი, რათა გამოვლინდეს სამეცნიერო პრემიის ლაურეატები.
სპეციალურად შექმნილი მეცნიერთა და საერთაშორისო ექსპერტთა ჯგუფი მსოფლიოს სხვადასხვა მოწინავე კვლევით ცენტრებსა და ინსტიტუციებს წარმოადგენს.
კანდიდატის სამეცნიერო საქმიანობა მოიცავს სხვადასხვა კრიტერიუმებს. ესენია: მაღალ მეცნიერულ დონეზე შესრულებული და საყოველთაოდ აღიარებული სამეცნიერო ნაშრომების რაოდენობა და ხარისხი, გამოქვეყნებული პუბლიკაციების რეიტინგი, კვლევების ციტირების ინდექსები. ასევე – კვლევების განვითარებასა და პოპულარიზაციაში შეტანილი წვლილი და სხვა.
გამარჯვებული მეცნიერი, ხდება ბიზნესისა და ტექნოლოგიების უნივერსიტეტის სამეცნიერო პრემიის ლაურეატის წოდების მფლობელი და იღებს შესაბმის დიპლომსსა და ფულად ჯილდოს.
სამეცნიერო პრემიის კონკურსის მიზანი: სამეცნიერო კვლევების პოპულარიზაცია, მათი სტიმულირება და უნივერსიტეტის მკვლევართა ღვაწლის აღიარება და დაფასება.
პრემიის კატეგორია და ფინანსური რაოდენობა
კონკურსი ითვალისწინებს ერთჯერადი პრემიით მეცნიერის/მკვლევარის დაჯილდოებას.
უნივერსიტეტის მიერ დაწესებული სამეცნიერო პრემია გაიცემა ბიზნესის სამეცნიერო სფეროში, კვლევების სფეროში და ტექნოლოგიების სამეცნიერო კვლევების სფეროში.
უნივერსიტეტის მიერ დაწესებული პრემიის ოდენობა განისაზღვრება:
- ბიზნესის სამეცნიერო კვლევების სფეროში – 5,000 (ხუთი ათასი) ლარი;
- ტექნოლოგიების სამეცნიერო კვლევების სფეროში – 5,000 (ხუთი ათასი) ლარი;
პრემიის მოსაპოვებლად კონკურსში მონაწილეობა შეუძლია:
- ბიზნესისა და ტექნოლოგიების უნივერსიტეტის აფილირებულ აკადემიურ პერსონალს;
- ბიზნესისა და ტექნოლოგიების უნივერსიტეტის მოწვეულ სპეციალისებს, რომლებიც არ არიან აფილირებული არცერთ უმაღლეს სასწავლებელთან;
საკონკურსო განაცხადი უნდა წარადგინოს თავად მეცნიერმა/მკვლევარმა ამ წესით დამტკიცებული ფორმის შესაბამისად.
კონკურსში მონაწილეობისათვის წარსადგენი დოკუმენტები
- განცხადება კონკურსში მონაწილეობის შესახებ;
- კონკურსის მიხედვით მიმდინარე აკადემიური წლის განმავლობაში მეცნიერის/მკვლევარის მიერ უნივერსიტეტის სახელით ადგილობრივ და საერთაშორისო რეფერირებად ჟურნალებში (ELSEVIER, Web of Science ა.შ.) ან
- გამოცემებში გამოქვეყნებული სამეცნიერო ნაშრომის (წიგნების, მონოგრაფიების, სტატიების, კვლევის შედეგების, კონფერენციის თეზისების/მასალების და სხვ.) ჩამონათვალი შესაბამისი ელექტრონული ფორმატის ბმულის ან/და ორიგინალის (ამონაბეჭდის) წარმოდგენით;
- მეცნიერის/მკვლევარის სამეცნიერო CV ბოლო 5 წლის მანძილზე მის მიერ გამოქვეყნებული სამეცნიერო ნაშრომის (წიგნების, მონოგრაფიების, სტატიების, კვლევის შედეგების, კონფერენციის თეზისების/მასალების და სხვ.), სამეცნიერო პრემიების/ჯილდოების, მოპოვებული სამეცნიერო გრანტების და სამეცნიერო კვლევითი სტიპენდიების მითითებით.
საკონკურსო კომისია
სამეცნიერო პრემიის გაცემის შესახებ გადაწყვეტილებას იღებს საკონკურსო კომისია, რომელიც შედგება შესაბამისი დარგის აღიარებული მეცნიერებისა და მკვლევარებისაგან.
კომისიის შემადგენლობაში შედიან შესაბამისი სამეცნიერო სფეროს აღიარებული მეცნიერები და მკვლევარები, საიდანაც მინიმუმ 2/3 უნდა შეადგენდნენ უცხოელი მეცნიერები.
პრემიის გადაცემის პროცედურა
გამარჯვებულ კანდიდატს, გარდა ფულადი პრემიისა მიენიჭება ბიზნესისა და ტექნოლოგიების უნივერსიტეტის სამეცნიერო პრემიის ლაურეატის წოდება
2021 წლის გამარჯვებულები
2021 წელს ჩატარებული ბიზნესისა და ტექნოლოგიების უნივერსიტეტის სამეცნიერო პრემიის ლაურეატი, წლის მეცნიერი ბიზნესის დარგში: ვახტანგ ჭარაია, BTU-ს აფილირებული პროფესორი. ჰარვარდის ბიზნეს სკოლის სტრატეგიისა და კონკურენტუნარიანობის ინსტიტუტის აფილირებული წევრი.
2021 წელს ჩატარებული ბიზნესისა და ტექნოლოგიების უნივერსიტეტის სამეცნიერო პრემიის ლაურეატი, წლის მეცნიერი ბიზნესის დარგში: ბიზნესისა და ტექნოლოგიების უნივერსიტეტის სამეცნიერო პრემიის ლაურეატი, წლის მეცნიერი ბიზნესის დარგში: დავით გონდაური, BTU-ს აფილირებული პროფესორი. ფინანსური მრჩეველი „საქართველოს რკინიგზაში“. რამდენიმე სამეცნიერო პუბლიკაციისა და წიგნის ავტორი.
მეცნიერები, რომელთაც მიენიჭათ ბიზნესისა და ტექნოლოგიების უნივერსიტეტის სამეცნიერო პრემიის ლაურეატის წოდება, გადაეცათ შესაბამისი სერტიფიკატი და ფულადი ჯილდო 5000 ლარის ოდენობით.