ბიზნესისა და ტექნოლოგიების უნივერსიტეტი სხვადასხვა ინიციატივებისა და საერთაშორისო პროექტების ფარგლებში 6 ლაბორატორიის კონცეპტს აერთიანებს:
ლაბორატორია 4.0 – შექმნილია ევროკავშირის დაფინანსებით და მეოთხე ინდუსტრიული რევოლუციისა და მასთან დაკავშირებული ცვლილებების მიმართულებით ცნობიერების ამაღლებას, მოკლე და გრძელვადიანი ტრენინგ კურსების, გადამზადების პროგრამების ორგანიზებას და ცოდნის გაზიარებას ემსახურება.
iOS & Android ლაბორატორია – შექმნილია USAID-ის დაფინანსებით და სტუდენტების, ლექტორებისა და გარე ბენეფიციარების iOS და ანდროიდის მიმართულებით გადამზადების, პროექტების ინიცირებისა და გამოცდილების გაზიარებას ემსახურება.
AI ლაბორატორიის კონცეპტი შეიქმნა Mercedes Benz-ის წარმომადგენლობის ხელშეწყობით. BTU-ს სტუდენტებს და ნებისმიერ დაინტერესებულ ადამიანს აქვს საშუალება მსოფლიოს წამყვან IT კომპანიებთან ითანამშრომლონ და მათთვის საინტერესო პროდუქტები განავითარონ.
საქართველოში პირველი განახლებადი ენერგო წყაროების ლაბორატორია ცოდნის და გამოცდილების გაზიარების პლათფორმაა, რომლის საშუალებითაც ხდება საქართველოს ენერგო სექტორში მოქმედი კომპანიების წინაშე არსებული გამოწვევების განხილვა და შესაბამისი კვლევებისა და კონსულტაციებს გამართვა. ლაბის ფარგლებში 2022 წლიდან ხორციელდება ევროკავშირის მიერ დაფინანსებული ჟან მონეს მოდული, რომელიც ენერგო უსაფრთხოებისა და მდგრადი განვითარების მიმართულებებზე ფოკუსირდება.
ბლოქჩეინ ლაბორატორიის ინიციატივის ფარგლებში მიმდინარეობს სწავლება და გადამზადება ბლოკჩეინ სისტემების დეველოპმენტის მიმართულებით, ასევე, მისი ინტეგრირება ორგანიზაციულ პროცესებში.
კიბერუსაფრთხოების ლაბორატორიის ინიციატივა BTU-ში 2017 წლიდან შეიქმნა. სხვა აქტივობებთან ერთად ლაბორატორიის ფარგლებში განვითარდა და განხორციელდა ჟან მონეს პროექტი ევროკავშირის კიბერუსაფრთხოების განათლების მხარდაჭერა.
მდგრადობის ლაბორატორია BTU-ში 2023 წელს შეიქმნა.მისი მიზანია მდგრადობის მიმართულებით საგანმანათლებლო მოდულების და მასალების შექმნა, სამეცნიერო კვლევების და ინსტიტუციური განვითარების პროექტების განხორციელება, მცირე და საშუალო ბიზნესის მდგრადი განვითარების მხარდაჭერა, საუნივერსიტეტო კამპუსის მდგრადობის გეგმის შექმნა და სხვა
