STEM BOX

გუნდის წევრები: გივი ბერიძე, ნიკოლოზ სიხარულიძე

STEM BOX რობოტიკის ქართული ინოვაციური სასწავლო პლატფორმაა – პროდუქტი, რომელიც მომავალ თაობას ტექნოლოგიურ სამყაროში გზას გაუკვალავს.

პროექტის სათავეში Edison Tech-ის გუნდი დგას, რომელმაც STEM BOX-ის ფარგლებში ყველა ის პრაქტიკული მიდგომა გააერთიანა, რომელიც ტექნოლოგიური იდეის სწრაფი პროტოტიპირებისთვისაა საჭირო. STEM BOX მოიცავს ჭკვიან მოდულებს (Smart Blocks), კონსტრუქტორებსა და სხვადასხვა ნივთს, რომლითაც ბავშვები და მოზარდები SMART მოწყობილობის შექმნას შეძლებენ.

STEM, მსოფლიოს მასშტაბით, საკმაოდ ტრენდული ტერმინია და ნიშნავს Science, Technology, Engineering & Mathematics. სწორედ ეს არის ის მნიშვნელოვანი კომპონენტები, რომელიც თანამედროვე სამყაროში გრანდიოზული წარმატების მისაღწევადაა საჭირო.