საინფორმაციო ტექნოლოგიები (IT)

საინფორმაციო ტექნოლოგიების საბაკალავრო პროგრამა მოიცავს პროგრამირების, კომპიუტერული სისტემების, მონაცემთა ბაზების, ქსელების, კიბერუსაფრთხოებისა და პროგრამული უზრუნველყოფის ინჟინერიის სისტემურ შესწავლას. განსაკუთრებული აქცენტი კეთდება პრაქტიკულ უნარებზე: სტუდენტები მუშაობენ რეალურ ტექნოლოგიურ პროექტებზე, ქმნიან პროგრამულ პროდუქტებს, სწავლობენ თანამედროვე განვითარების მეთოდოლოგიებსა და გუნდურ მუშაობას.

პროგრამა თანამედროვე, AI-ინტეგრირებულ სასწავლო გარემოშია აგებული: სტუდენტები იყენებენ ხელოვნური ინტელექტის, მათ შორის გენერაციული AI-ის ინსტრუმენტებს პროგრამული უზრუნველყოფის განვითარებაში, მონაცემთა ანალიზში, ავტომატიზაციასა და ციფრული გადაწყვეტილებების შექმნაში. საინფორმაციო ტექნოლოგიების პროგრამის სტუდენტებს შესაძლებლობა აქვთ ისარგებლონ გაცვლითი, მათ შორის,ორმაგი დიპლომის პროგრამებით ევროპულ პარტნიორ უნივერსიტეტებთან, ასევე გაიარონ სტაჟირება წამყვან ქართულ და საერთაშორისო ტექნოლოგიურ კომპანიებში, რაც მათ გლობალურ კარიერულ შესაძლებლობებს უზრუნველყოფს.