კომუნიკაცია და პრეზენტაციის კურსი ბავშვებისთვის

ეფექტიანი კომუნიკაციისა და ფიჩინგის კურსი შექმნილია ყველა იმ ადამიანისთვის, ვისაც სურს წარმატების მიღწევა როგორც სასწავლო დაწესებულებებსა და სამომავლო საქმიანობაში, ასევე, ზოგადად, ურთიერთობების მართვისას. 

კურსის მონაწილეები დაეუფლებიან ეფექტიანი კომუნიკაციის ხელოვნებას და ისწავლიან, როგორ წარადგინონ პრეზენტაცია/ფიჩი შესაბამის აუდიტორიასთან,  რაც წარმატების მიღწევის მთავარი იარაღია. 

კურსის პროცესში, მონაწილეები შეძლებენ:

– განივითარონ კომუნიკაციის უნარები. შეძლონ, თავისუფლად, ეფექტიანად და მეტი თვითდაჯერებულობით გამოხატონ საკუთარი შესაძლებლობები, იდეები და ინიციატივები, მოამზადონ და წარადგინონ ეფექტური პრეზენტაციები

– შეისწავლონ საკუთარი სხეულის ენა და განივითარონ ვერბალური და არავერბალური კომუნიკაციის უნარ-ჩვევები

– შეისწავლონ გუნდში მუშაობის წესები და ტექნიკა

– განივითარონ საკუთარი ემოციების აღქმის, გამოხატვის, მართვისა და რეგულირების, თვითმოტივაციის, ასევე, ემპათიისა და სოციალური უნარები

– მეტი კომპეტენციითა და უნარებით შეძლონ სხვა ადამიანების დარწმუნება და მათთან არგუმენტირებული საუბარი, მოლაპარაკება

– ისწავლონ დიდი მოცულობის ინფორმაციასთან ურთიერთობა, შეძლონ, ერთმანეთისგან გამიჯნონ ნამდვილი და ყალბი ინფორმაცია

– ისწავლიან, როგორ მოამზადონ ეფექტური ფიჩი სხვადასხვა ტიპის აუდიტორიისთვის (ინვესტორები, ჟიური, პარტნიორები და ა.შ.)

– შეძლებენ საკუთარი იდეის სტრუქტურირებულად, მოკლედ და დამაჯერებლად წარდგენას

– შეისწავლიან ფიჩის მომზადების მთავარ ელემენტებს –  მესიჯის ფორმულირებასა და სლაიდების აგებასა

კურსი მოიცავს როგორც თეორიულ, ასევე, პრაქტიკულ ნაწილს, – გუნდში მუშაობის სტიმულირებას, ინტერაქციული ხასიათის შეხვედრებს, როლურ თამაშებს, სიტუაციების განხილვას.

კურსის დასრულების შემდეგ მონაწილეებს გადაეცემათ ოფიციალური სერტიფიკატი ბიზნესისა და ტექნოლოგიების უნივერსიტეტისგან.