თანამედროვე პროექტების მართვა სულ უფრო მეტად ეყრდნობა AI-ს და მის შესაძლებლობებს, გააუმჯობესოს გუნდის მუშაობა და პროექტების შესრულების სიზუსტე. ეს ქეისი ასახავს Asana-ს CIO საკეტ შრივასტავას ხედვას, თუ როგორ იყენებს კომპანია AI-ს პროექტების მონიტორინგის, პროგრესის ანალიზისა და დავალებების ავტომატიზაციისთვის.

ხელოვნური ინტელექტის როლი თანამედროვე პროექტების მართვაში: Asana-ს ინფორმაციული ტექნოლოგიების მიმართულებით დირექტორის, საკეტ შრივასტავას ხედვა

თანამედროვე ბიზნესსამყაროში ხელოვნური ინტელექტი სულ უფრო და უფრო მნიშვნელოვანი ხდება პროექტების მართვის პროცესში. Asana, ერთ-ერთი წამყვანი მენეჯმენტის სამუშაო პლატფორმა, 150000-ზე მეტ მომხმარებელს ემსახურება და მისი მიზანია კომპანიების ორგანიზაციული პროცესების გაუმჯობესება და ავტომატიზაცია. კომპანიამ ადრეული ეტაპებიდანვე დაიწყო ხელოვნური ინტელექტის გამოყენება და ახლა ის არა მხოლოდ ტექნიკური მხარდაჭერის, არამედ გუნდის სრულფასოვანი წევრის როლშია. Asana-ს დირექტორი ინფორმაციული ტექნოლოგიების მიმართულებით, საკეტ შრივასტავა, განმარტავს, თუ როგორ ტრანსფორმირდა ხელოვნური ინტელექტი Asana-ში და როგორ ეხმარება ის ბიზნესებს ამოცანების უკეთ მართვაში, ავტომატიზაციასა და პროგნოზირებაში.

ხელოვნური ინტელექტის ევოლუცია Asana-ში
Asana-მ ხელოვნური ინტელექტის ინტეგრირება ჯერ კიდევ 8-10 წლის წინ დაიწყო. შირვასტავას თქმით, ხელოვნური ინტელექტის გამოყენება მაშინ ძირითადად პროცესების ოპტიმიზაციას ემსახურებოდა, თუმცა ბოლო წლების განმავლობაში გენერაციული ხელოვნური ინტელექტის (Generative AI) ბუმმა შეიტანა მნიშვნელოვანი ცვლილებები. Asana-ში ხელოვნური ინტელექტი ახლა სრულფასოვანი “პარტნიორია”, რომელიც ეხმარება არა მხოლოდ ტექნიკურ ამოცანებში, არამედ პროექტების მართვის კოგნიტურ დავალებებში. ეს მოიცავს პროექტების სტატუსების ავტომატურ განახლებას, მუშაობის პროცესების ოპტიმიზაციასა და გადაწყვეტილებების რეკომენდაციას.

ხელოვნური ინტელექტი, როგორც ახალი თანამშრომელი:
Asana-ში ხელოვნური ინტელექტი მიიჩნევა “პარტნიორად”, რომელსაც შეუძლია ადამიანის მსგავსად იმუშაოს და მართოს სხვადასხვა პროცესი. მაგალითად, ხელოვნური ინტელექტი ავტომატურად ქმნის და აახლებს პროექტების სტატუსებს, რაც საშუალებას აძლევს მენეჯერებს, დაზოგონ დრო და ფოკუსირდნენ უფრო მნიშვნელოვან საკითხებზე. შრივასტავას თქმით, ეს არის ხელოვნური ინტელექტის ტრანსფორმაციის უმნიშვნელოვანესი ეტაპი – არა მხოლოდ ტექნიკური ავტომატიზაციის ინსტრუმენტი, არამედ პროექტების მართვის აქტიური მონაწილე.

ხელოვნური ინტელექტის ძირითადი როლი Asana-ში
ხელოვნური ინტელექტის გამოყენების ერთ-ერთი მთავარი ასპექტი პროექტების ეფექტიანობის ზრდა და მათი დროული შესრულებაა. მაგალითად, Asana-ში ხელოვნური ინტელექტი ეხმარება პროექტების მენეჯერებს სამუშაოების განაწილებაში, რაც უზრუნველყოფს გუნდის რესურსების ოპტიმალურ მართვას. ხელოვნური ინტელექტი აგროვებს ისეთ ინფორმაციას, როგორებიცაა რესურსების განაწილება და პროექტების სტრუქტურა, შემდეგ კი ამ მონაცემების საფუძველზე ქმნის რეკომენდაციებსა და პროგნოზებს.

ავტომატიზაცია და სამუშაოების ოპტიმიზაცია:
Asana ხელოვნურ ინტელექტს სხვადასხვა რუტინული ამოცანების ავტომატიზაციისათვის იყენებს. ესენია: სტატუს-რეპორტების მომზადება და კაპიტალური პროექტების პროგნოზირება. ხელოვნური ინტელექტი პასუხისმგებელია ავტომატურ ანგარიშგებაზე – აღწერს პროექტების მდგომარეობას და აფასებს შესაძლო რისკებს. ეს განსაკუთრებით მნიშვნელოვანია პროექტების მენეჯერებისთვის, რადგან ხელოვნური ინტელექტი უზრუნველყოფს ინფორმაციის ოპერატიულ მიწოდებასა და ოპტიმიზაციას, რაც ხელს უწყობს პროექტების დროულ შესრულებას.

ინფორმაციული ტექნოლოგიების მიმართულებით დირექტორის  როლის ტრანსფორმაცია: ხელოვნური ინტელექტის ეპოქა
საკეტ შრივასტავა, Asana-ს ინფორმაციული ტექნოლოგიების მიმართულებით დირექტორი (Chief information officer იგივე information technology (IT) director),

განიხილავს ინფორმაციული ტექნოლოგიების მიმართულებით დირექტორის  როლის ტრანსფორმაციას და როგორ გადაინაცვლეს მათ მხოლოდ IT მომსახურებიდან ბიზნესსტრატეგიის ხელმძღვანელთა პოზიციაზე. მისი თქმით, ბოლო წლებში ინფორმაციული ტექნოლოგიების მიმართულებით დირექტორები ხდებიან ბიზნესის ლიდერები, რომლებიც არა მხოლოდ ინფორმაციული ტექნოლოგიების სისტემებს მართავენ, არამედ მნიშვნელოვან როლს ასრულებენ ორგანიზაციული სტრატეგიების განვითარებასა და ხელოვნური ინტელექტის ტექნოლოგიების ინტეგრაციაში.

კოვიდ-19-ის პანდემიამ ასევე მნიშვნელოვანი როლი შეასრულა ინფორმაციული ტექნოლოგიების მიმართულებით დირექტორის  როლის ტრანსფორმაციაში. პანდემიის პერიოდში, როდესაც კომპანიები სწრაფად გადავიდნენ დისტანციურ მუშაობაზე, ინფორმაციული ტექნოლოგიების დეპარტამენტები და მათი დირექტორები აღმოჩნდნენ ამ პროცესების მთავარი საკვანძო პირები. ამ პერიოდში, ინფორმაციული ტექნოლოგიების მიმართულებით დირექტორებმა აჩვენეს, რომ შეუძლიათ მართონ რთული ტექნოლოგიური და ბიზნეს გამოწვევები.

ხელოვნური ინტელექტი, როგორც გრძელვადიანი სტრატეგიული ინსტრუმენტი:
ასევე მნიშვნელოვანია, რომ გენერაციული ხელოვნური ინტელექტის ტექნოლოგიების დანერგვა დღეს ინფორმაციული ტექნოლოგიების მიმართულებით დირექტორებისათვის ერთ-ერთ მთავარ გამოწვევად და შესაძლებლობად მიიჩნევა. ხელოვნური ინტელექტის სტრატეგიის შემუშავება და მისი რეალიზაცია სწორედ მათი მოვალეობაა. შრივასტავას თქმით, ხელოვნური ინტელექტი უკვე აღარაა მხოლოდ ექსპერიმენტი ან ტესტირება, არამედ მნიშვნელოვანი ინსტრუმენტია, რომელიც ბიზნესების ეფექტიანობასა და ზრდას ემსახურება.

ხელოვნური ინტელექტის გავლენა თანამშრომელთა მუშაობაზე
ხელოვნური ინტელექტის ზრდა თანამშრომლებთან მუშაობის პროცესშიც შესამჩნევია. შრივასტავა აღნიშნავს, რომ ხელოვნური ინტელექტი ახლა უკვე მონაწილეობს თანამშრომლებთან ერთად საერთო დავალებების შესრულების სამუშაო პროცესში და ეხმარება მათ კოგნიტური ამოცანების გადაწყვეტაში. თანამშრომლები ახლა უფრო მეტად იყენებენ ხელოვნური ინტელექტის ტექნოლოგიებს, რაც აუმჯობესებს მათი მუშაობის ხარისხსა და პროდუქტიულობას.

ხელოვნურ ინტელექტთან პარტნიორობა და თანამშრომლობის კულტურა:
Asana-მ შექმნა სამუშაო ინოვაციების ლაბორატორია (Work Innovation Lab), რომელიც აკადემიურ სფეროსა და ინდუსტრიას შორის თანამშრომლობის პლატფორმაა. აქ ჩართული არიან სტენფორდის, ჰარვარდის და სხვა წამყვანი უნივერსიტეტების პროფესორები და მკვლევრები, აგრეთვე ისეთი კომპანიების წარმომადგენლები, როგორებიცაა Anthropic და OpenAI. ამ ლაბორატორიაში მუდმივად ტარდება კვლევები, რომლებიც ავითარებს ხელოვნური ინტელექტის ახალი ტიპის გადაწყვეტილებებს და ხელს უწყობს მათი ეფექტიანად ინტეგრირებას სამუშაო პროცესებში.

დასკვნა
Asana-ს  დირექტორი ინფორმაციული ტექნოლოგიების მიმართულებითსაკეტ შრივასტავა ხაზს უსვამს, რომ თანამედროვე ბიზნესსამყაროში ხელოვნური ინტელექტი (AI) განიხილება არა მხოლოდ როგორც ტექნიკური ინსტრუმენტი, არამედ როგორც სრულფასოვანი “თანამშრომელი”, რომელიც ეხმარება ორგანიზაციებს სამუშაოების მართვასა და ოპტიმიზაციაში. მისი თქმით, ხელოვნური ინტელექტის სწორად გამოყენება ხელს შეუწყობს ბიზნესების უფრო შედეგიან და პროდუქტიულ მუშაობას, რაც კომპანიებს საშუალებას მისცემს, სწრაფად განავითარონ და მართონ თავიანთი პროექტები.

წყარო: Me, Myself, and AI Podcast, MIT Sloan Management Review.