BTU-ს ჩართულობით საქართველოში პირველად, ISRAEL-GEORGIA SCHOOL OF DIGITAL CULTURE-ის მასშტაბური პროექტი განხორციელდა

ბიზნესისა და ტექნოლოგიების უნივერსიტეტის ჩართულობით, „ინტერნეტის განვითარების ინიციატივისა“ და ისრაელის საელჩოს ორგანიზებით, ISRAEL-GEORGIA SCHOOL OF DIGITAL CULTURE-ის მასშტაბური პროექტი განხორციელდა. 4 დღის განმავლობაში 30-მა ბენეფიციარმა გაიარა გადამზადების მოდულები შემდეგი მიმართულებებით:

• პერსონალურ მონაცემთა დაცვა;
• კიბერუსაფრთხოება, კიბერდანაშაული და კიბერსივრცის სამართლებრივი ასპექტები;
• ელექტრონული მმართველობა და მისი მნიშვნელობა;
• ჰიბრიდული გამოწვევები, დეზინფორმაცია, პროპაგანდა და ე.წ. “ყალბი ამბები”;
• ხელოვნური ინტელექტი და მანქანური სწავლება;
• ციფრული წიგნიერება და ციფრული ტრანსფორმაცია.

საქართველოსა და ისრაელის სპეციალისტებმა პროექტის მონაწილეები არამხოლოდ თეორიულ, არამედ – პრაქტიკულ კომპონენტებშიც გადაამზადეს. აპლიკანტებს მონაწილეობის დამადასტურებელი სერტიფიკატები გადაეცათ. გარდა ამისა, ბენეფიციარები მენტორებთან ერთად მათთვის საინტერესო მოდულის მიხედვით დაიწყებენ ფინალურ პროექტზე მუშაობას, რომელიც განთავსდება საერთაშორისო გამოცემა Cyberstellar-სა და BTU-ს Medium-ის პლატფორმაზე. აღნიშნულ ნაშრომებს გაეცნობიან ადგილობრივი და საერთაშორისო სპეციალისტები.