ფულდას გამოყენებით მეცნიერებათა უნივერსიტეტის (გერმანია) საერთაშორისო ზამთრის სკოლა 2022

ბიზნესისა და ტექნოლოგიების უნივერსიტეტის მენეჯმენტისა და ფინანსების საბაკალავრო პროგრამების და ბიზნესის ადმინისტრირება და თანამედროვე ტექნოლოგიების მაგისტრატურის საფეხურის სტუდენტებს ფულდას გამოყენებით მეცნიერებათა უნივერსიტეტი შესაძლებლობას გაძლევთ მონაწილეობა მიიღოთ საერთაშორისო ზამთრის სკოლაში, რომელიც 2022 წლის 10-29 იანვარს გაიმართება ონლაინ რეჟიმში ან/და ფიზიკურ ფორმატში (სტუდენტის სურვილისამებრ) ფულდას გამოყენებით მეცნიერებათა უნივერსიტეტში (გერმანია).

კონკურსში მონაწილეობის წინაპირობა: გერმანული ენის მინიმუმ B2 დონეზე ცოდნა.

ზამთრის სკოლაში მონაწილეობის გადასახადი შეადგენს:

1200 ევრო – სკოლის ონლაინ ვერსიაში მონაწილეობის მსურველებისთვის

1990 ევრო – ფიზიკურ ფორმატში დამსწრეთათვის

შენიშვნა: შესაძლოა, გერმანულმა მხარემ დააფინანსოს 1 სტუდენტის ზამთრის სკოლაში მონაწილეობის ხარჯი (1990 ევრო + საცხოვრებლის ხარჯი); შერჩეულ სტუდენტს დასაფარი ექნება მხოლოდ საერთაშორისო მგზავრობის და დაზღვევის ხარჯები. 

დაინტერესებულმა სტუდენტებმა, არაუგვიანეს ა/წ 11 ოქტომბერს 16:00 საათისა უნდა გადმოგზავნონ სრული სააპლიკაციო პაკეტი [email protected]ზე.

სააპლიკაციო დოკუმენტაცია

• CV (ინგლისურ ენაზე)
• მოტივაციის წერილი (გერმანულ ენაზე)
• ნიშნების ფურცელი (ინგლისურ ენაზე)
• გერმანული ენის ცოდნის დამადასტურებელი დოკუმენტი (სერტიფიკატი ან/და უნივერსიტეტის მიერ გაცემული ცნობა, სადაც დასტურდება თქვენი ენობრივი კომპეტენცია – B2 დონე; ინგლისურ ენაზე)
• პასპორტის ასლი

დამატებითი კითხვების შემთხვევაში მოგვწერეთ: [email protected]–ზე.