BTU აგრძელებს ევროკავშირის მიერ დაფინანსებული ერაზმუს+ ინსტიტუციური განვითარების პროექტის HEIn4-ის აქტივობების განხორციელებას

ბიზნესისა და ტექნოლოგიების უნივერსიტეტი წარმატებით აგრძელებს ევროკავშირის მიერ დაფინანსებული ერთ-ერთი ყველაზე მასშტაბური ერაზმუს+ ინსტიტუციური განვითარების პროექტის HEIn4-ის აქტივობების განხორციელებას.
2022 წლის მაისში, ივნისსა და აგვისტოში უნივერსიტეტის ცენტრალური ადმინისტრაციის, ფაკულტეტის, კვლევების ცენტრის, საერთაშორისო ურთიერთობების, მარკეტინგის სამსახურის და კარიერული განვითარების ცენტრის 9 წარმომადგენელმა მიიღო მონაწილეობა პროექტის ევროპელი პარტნიორების საუკეთესო პრაქტიკებისა და გამოცდილების გაზიარების მიზნით გენტში, პორტოსა და სტოკჰოლმში განხორციელებულ სამუშაო ვიზიტებში.

HEIn4 პროექტის სტრატეგიული მიზანია: საქართველოსა და უკრაინის უმაღლესი საგანმანათლებლო დაწესებულებების როლის გაძლიერება ინდუსტრიულ ტრანსფორმაციაში ინდუსტრიული პარადიგმა 4.0-ის მეშვეობით.

პროექტის პარტნიორები:

ევროპული უნივერსიტეტები და ორგანიზაციები:
ლუვენის კათოლიკური უნივერსიტეტი, ბელგია (პროექტის კოორდინატორი)
პორტოს პოლიტექნიკური ინსტიტუტი, პორტუგალია
სტოკჰოლმის ტექნოლოგიური სამეფო ინსტიტუტი, შვედეთი
გენტის ვოლვოს ავტოქარხანა, ბელგია

საქართველო:
ბიზნესისა და ტექნოლოგიების უნივერსიტეტი
აკაკი წერეთლის სახელმწიფო უნივერსიტეტი
ბათუმის შოთა რუსთაველის სახელმწიფო უნივერსიტეტი
საქართველოს ინოვაციების და ტექნოლოგიების სააგენტო

უკრაინა:
დონეცკის ეროვნული ტექნიკური უნივერსიტეტი
ლუცკის ეროვნული ტექნიკური უნივერსიტეტი
უკრაინის ეროვნული მეტალურგიული აკადემია
ოდესის ი.ი. მეჩნიკოვის სახელობის ნაციონალური უნივერსიტეტი
ფესტოს საწარმო