ბიზნესისა და ტექნოლოგიების უნივერსიტეტი აცხადებს კონკურსს კანცელარიის სამსახურის მენეჯერის პოზიციაზე

შპს “ბიზნესისა და ტექნოლოგიების უნივერსიტეტი” აცხადებს კონკურსს კანცელარიის სამსახურის მენეჯერის პოზიციაზე.

მდებარეობა: თბილისი
სამუშაო განაკვეთი: სრული (ორშაბათი – პარასკევი)
სამუშაო საათები: 10:00-დან 18:00

ძირითადი მოვალეობები:

• ბტუ-ს საქმისწარმოების საკითხების ორგანიზება, ერთიანი საქმისწარმოების უზრუნველყოფა და კანცელარიის საქმეთა ნომენკლატურის მიხედვით საქმეების სწორად წარმოება;

• საქმისწარმოების ელექტრონული ვერსიის უზრუნველყოფაში მონაწილეობა, მათ შორის, ადამიანური რესურსების საინფორმაციო ბაზის შექმნა;

• ბტუ-ს დოკუმენტების, დადგენილებების, ბრძანებების, ბლანკების (ტიტულიანი, ბრძანების) შენახვა და მათი სარგებლობის კონტროლი;

• საქმისწარმოების ერთიანი წესისა და სხვა მოქმედი ნორმატივების შესაბამისად კორესპონდენციის დადგენილ ვადაში გაფორმების და დოკუმენტების კონტროლის ორგანიზება, შემსრულებლებისათვის მათი დროული მიწოდება, დოკუმენტების შესრულების მიმდინარეობის კონტროლი და ანალიზი;

• ბტუ-ს პერსონალის და სწავლების სუბიექტთა პირადი საქმეების გახსნა და ადრესატისთვის გადაცემა, პირად საქმეებში შესაბამისი ბრძანებების და გადაწყვეტილებების ასახვა, მათ შორის, შრომითი ხელშეკრულებების გაფორმების ორგანიზება;

• კომპეტენციის სფეროს შესაბამისად დაინტერესებულ პირთა აზრის გამოკითხვა და მონაცემების პირველადი დამუშავება;

• არქივში მისაღები დოკუმენტების (მათ შორის საქმისწარმოებით დასრულებული პრაქტიკული დანიშნულების დოკუმენტების) შერჩევის, მოწესრიგების, დაკომპლექტების, გამოყენების, შენახვის უზრუნველყოფა, მათთვის საცნობარო აპარატის შექმნა;

• კონკურსების ჩატარების და საკონკურსო კომისიის მუშაობის ორგანიზაციულ ინფორმაციული მხარდაჭერა, შესაბამისი დოკუმენტებისა და სხვა მასალების მომზადება;

• ბტუ-ს სტრუქტურული ერთეულებისათვის საჭირო დოკუმენტაციის მომზადება, სტრუქტურული ერთეულების დებულებებისა და თანამდებობრივი ინსტრუქციების (არსებობის შემთხვევაში) პერსონალისათვის მიწოდება და გაცნობა;

საკვალიფიკაციო მოთხოვნები:

• უმაღლესი განათლება (სასურველია იურიდიული განათლება);

• მსგავს პოზიციაზე მუშაობის არანკლებ 3 წლიანი გამოცდილება;

• ინგლისური ენის ცოდნა (B1 დონე);

• სავალდებულოა საოფისე კომპიუტერული პროგრამების ცოდნა.

პიროვნული თვისებები:

• ორგანიზებულობა და პუნქტუალობა;

• პასუხისმგებლობის გრძნობა;

• სტრესულ გარემოში მუშაობის უნარი;

• კომუნიკაბელურობა და თავაზიანობა;

• გუნდურად მუშაობის უნარი;

• შრომისმოყვარეობა.

განაცხადის მიღების ბოლო ვადაა 20 მაისი.

შესარჩევი კონკურსი ითვალისწინებს წარდგენილი დოკუმენტების შესწავლას და გასაუბრებას კონკურსანტთან, რომლის საბუთებითაც დადასტურდება საკონკურსო მოთხოვნებთან შესაბამისობა.

დაინტერესების შემთხვევაში გთხოვთ, გამოაგზავნოთ თქვენი რეზიუმე ელ. ფოსტაზე: [email protected] და სათაურის ველში მიუთითოთ პოზიციის დასახელება.