ერაზმუს+ საერთაშორისო კრედიტ-მობილობის სტაჟირების პროგრამა ბიზნესისა და ტექნოლოგიების უნივერსიტეტის ბაკალავრიატის საფეხურის მეორე და მესამე კურსის სტუდენტებისთვის!

სტაჟირების ადგილი:

გერმანიის ფედერაციული რესპუბლიკის ქალაქ კილში მდებარე რომელიმე კომპანია, ინსტიტუცია, დაწესებულება – პროგრამა განხორციელდება კილის გამოყენებით მეცნიერებათა უნივერსიტეტის მხარდაჭერითა და დაფინანსებით.

 

მიმართულება: საინფორმაციო ტექნოლოგიები

სავალდებულო წინაპირობა: გერმანული ენის მინიმუმ B2 დონეზე ფლობა

მობილობის/სტაჟირების პერიოდი: 2019/2020 სასწავლო წლის გაზაფხულის სემესტრი ან/და 2020/2021 სასწავლო წლის შემოდგომის სემესტრი

სტაჟირების ხანგრძლივობა: 2 თვე

სტიპენდია მოიცავს: ორმხრივი საერთაშორისო მგზავრობის ხარჯების ანაზღაურებას, ყოველთვიურ სტიპენდიას: 850 ევროს ოდენობით (კვებისა და დაბინავების ხარჯების დასაფარად)

 

სააპლიკაციო დოკუმენტაცია:

• CV-ის ევროპული ფორმატი (ინგლისურ ენაზე)
• ცნობა სტუდენტის სტატუსის შესახებ (ინგლისურ ენაზე)
• ნიშნების ფურცელი (ინგლისურ ენაზე)
• მოტივაციის წერილი (გერმანულ ენაზე)
• სარეკომენდაციო წერილი (ინგლისურ ენაზე)
• გერმანული ენის ცოდნის დამადასტურებელი დოკუმენტი/სერთიფიკატი (აღებული უკანასკნელი 2 წლის მანძილზე)
• პასპორტის ასლი
• სამუშაო გეგმის მონახაზი (დანართი 1)

 

სააპლიკაციო პროცესი:

დაინტერესებულმა სტუდენტებმა არაუგვიანეს ა/წ 7 ნოემბრის 14 საათისა უნდა გადმოგზავნონ სააპლიკაციო დოკუმენტაციის სრული ჩამონათვალი შემდეგ ელ-ფოსტის მისამართზე: [email protected]

–         მეილის სათაურში ქართულ ენაზე მიუთითეთ: სახელი და გვარი, სწავლის საფეხური (ბაკალავრიატი);

–         მეილის ტექსტში მიუთითეთ: სახელი და გვარი (ლათინურად, როგორც პასპორტში გაქვთ), სწავლის საფეხური (Bachelor), აკადემიური მოსწრების საშუალო ქულა (როგორც ნიშნების ფურცელში გაქვთ);

–         მეილზე დანართის სახით გადმოაგზავნეთ ქვემოთ მოცემული სააპლიკაციო დოკუმენტაცია PDF ფორმატში; თითოეულ მათგანს დაარქვით შესაბამისი სახელი ინგლისურად (მაგ.: Name & Surname_Motivation)

 

კანდიდატთა შესარჩევი პროცესი:

–         დოკუმენტაციის შეგროვება და [email protected]ზე გადმოგზავნა სტუდენტის მიერ;

–         დოკუმენტაციის შემოწმება/eligibility check საგარეო ურთიერთობების სამსახურის მიერ;

–         გასაუბრება კანდიდატთა შესარჩევ კომისიასთან;

–         კანდიდატებიდან სტიპენდიატების საბოლოო შერჩევა და შესაბამისი სტიპენდიის მინიჭება გერმანული უნივერსიტეტის მიერ.

 

მნიშვნელოვანი დეტალები:

–         სტაჟირების პროგრამისთვის მასპინძელ ინსტიტუციას, კომპანიას, ორგანიზაციას პოულობს თავად სტუდენტი – მასპინძელი კომპანიის მოძიების შემდეგ დოკუმენტაციის გადმოგზავნამდე გაიარეთ კონსულტაცია საგარეო ურთიერთობების სამსახურში;

–         სტიპენდიებთან დაკავშირებით საინფორმაციო შეხვედრა გაიმართება ა/წ 26 სექტემბერს 15:00 საათზე ბტუ-ს სივრცეში.

 

დამატებითი ინფორმაცია:

 

–         დამატებითი კითხვების შემთხვევაში მოგვწერეთ [email protected]ზე.