კვლევითი სტრატეგია

კვლევების განვითარების სტრატეგია/დაგეგმილი სამეცნიერო კვლევითი პროექტების მოკლე მონახაზი

უნივერსიტეტში მიმდინარეობს მუშაობა დაგეგმილი კვლევების განვითარება – შესრულებაზე საქართველოში ციფ­რუ­ლი ეკონომიკის ტრანსფორმაციის, განვითარებისა და დანერგვის მიმართულებით.

ძირითადი საკვლევი მიმარ­თუ­ლება დაყოფილია რამდენიმე სფეროდ, კერძოდ: უმაღლეს სკოლებში ციფრული სწავლება ხელოვნურ ინტელექტზე დაყრდნობილი პლატფორმებით. კვლევის მიზანია, დადგინდეს ხელოვნური ინტელექტის პრინციპზე აწყობილი ტექნოლოგიური პლატფორმის, რო­­­გორც ინოვაციური სწავლების მოდელის, გამოყენების შესაძლებლობები და სწავლების ხარისხის გა­უმ­ჯობესების საშუალებები.

ჩატარებულია საპილოტე კვლევები, რომლებშიც მონაწილეობდა ბტუ-ს 33 სტუდენტი. კვლევის შედეგები სტატისტიკურად არის გაანალიზებული. მიღებული შედეგები მი­ღე­ბუ­ლია სა­ერ­თა­შორისო სამეცნიერო კონფერენციაზე წარსადგენად, მომზადებულია საკონფერენციო მოხსენება და სტატია მი­ღე­ბულია დასაბეჭდად. საპილოტე კვლევის შედეგების მიხედვით იგეგმება მასშტაბური კვლევა ტექ­ნო­ლოგიური პლატფორმის სხვადასხვა სასწავლო კურსში დასანერგად, სწავლების ეფექტიანობის შესწავლა და შედარებითი ფინანსური ანალიზის ჩატარება.

დაიგეგმა და ჩატარდა კვლევა განახლებადი ენერგორესურსების თვალსაზრისით საქართველოს პოტენ­ცია­ლის შესასწავლად. კვლევის შედეგებმა გვაჩვენა, რამდენად არის ათვისებული განახლებადი ენერგიის წყა­როე­ბი ეკონომიკური პროგრესის მიღწევის მიზნებისათვის. კვლევის შედეგები გამოქვეყნებულია უცხოენოვან კვლე­ვით  გამოცემაში Journal of Environmental Science and Renewable Resources სათაურით Renewable Energy Potential and Its Utilization in Georgia (განახლებადი ენერგოწყაროების პოტენციალი და მათი გამოყენება საქართველოში). კვლევის შედეგად, ასევე, გამოქვეყნდა მონოგრაფიის ტიპის წიგნი Methodological and Conce­p­tual Basis for Energy Development in Georgia (ენერგეტიკის განვითარების მეთოდოლოგიური და კონცეპტუა­ლუ­რი საფუძვლები საქართველოში). წიგნის მიზანია, გააცნოს დაინტერესებულ  პირებსა და ორგანიზაციებს კვლევის შედეგები და პრობლემების  გადაჭრის შესაძლო გზები. დაგეგმილი კვლევის შედეგების მოხსენება წარდგენილია საერთაშორისო სამეცნიერო კონფერენციაზე. მოხსენების თეზისი მიღებულია და იბეჭდება.

დაიგეგმა კვლევითი პროექტი თემაზე: საქართველოს ენერგეტიკული ბალანსის სტრუქტურისა და ცვლი­ლე­ბების ტენდენციების შესწავლა.
§დაიგეგმა და მიმდინარეობს კვლევა, რომლის მიზანია საქართველოს რკინიგზის ჰოლდინგის ძირითადი ინ­დი­კატორების საფინანსო-ეკონომიკური და სტატისტიკური მდგომარეობის შესწავლა და ანალიზი. ფინან­სუ­რად ეკონომიკური მოდელებით [U1] მიზეზობრივი კავშირების დადგენა სარკინიგზო ტვირთის მგრძნობელობასა და ქვეყნის ეკონომიკურ ზრდას შორის. კვლევის მთავარი ამოცანა იყო რკინიგზის EVA და საქართველოს ეკონომიკის კორელაცია, CAGR მოდელს შორის ტვირთმგრძნობელობის ურთიერთობის შექმნა. ჩატარებული კვლევის შედეგად დადგინდა მიზეზობრივი კავშირები სარკინიგზო ტვირთის მგრძნობელობასა და ქვეყნის ეკონომიკურ ზრდას შორის. ჩატარებული კვლევის შედეგი გამოქვეყნებულია  უცხოენოვან კვლევით  გამოცემაში International Journal of Business and Mana­gement სათაურით Development of Railway Silk Road as a Platform for Promoting Georgia’s Economic Growth.

პირველი ეტაპის შემდეგ დაიგეგმა კვლევის გაგრძელება მეორე ეტაპად. მიზნად დასახული იყო რკინიგზის ინდუსტრიის მიერ 2006-2019 წლებში შექმნილი დამატებული ღირებულების სტატისტიკური ანალიზი და სს „საქართველოს რკინიგზის“ ზოგად მაჩვენებლებს შორის კორელაციის დადგენა. მასზე  მოქმედი ფაქტორები, საქართველოს რკინიგზის ფინანსური მაჩვენებლების შედარებითი ანალიზი პოსტსაბჭოთა სივრცეში. მიღე­ბუ­ლი შედეგები გამოქვეყნებულია   უცხოენოვან კვლევით გამოცემაში International Journal of Business and Management–  სათაურით – Statistical and Financial Analysis of Georgian Railway`s Main Performance Indicators in 2006-2019.

• დაგეგმილი და ჩატარებული არის კვლევა, რომლის მიზანი იყო ქართული სამეწარმეო ბაზრის  მზაობის დადგენა ინდუსტრიული რევოლუციის 4.0 მოთხოვნებისადმი. შესწავლილი არის მდგომარეობა მცირე და მსხვილ სამეწარმეო კომპანიებში. გამოტანილია შესაბამისი დასკვნები და წარმოდგენილია გა­დაჭ­რის შესაძლო გზები, რომლებიც ხელს უწყობს ქვეყნის ეკონომიკურ კეთილდღეობას. შედეგები გაგზავნილი და მი­ღე­ბული არის საერთაშორისო კონფერენციაზე წარსადგენად,  სტატია  მიღებულია დასაბეჭდად.
• უნივერსიტეტში არსებული სასწავლო პროგრამებისთვის „ბიზნეს ადმინისტრირება (მენეჯმენტი)“, „ბიზნეს ადმინისტრირება (ფინანსები)“, „საინფორმაციო ტექნოლოგიები“, დაგეგმილი და შესრულებული კვლევები, რომლებიც მიზნად ისახავდა ისეთი არაპროფილური საგნებს ეფექტურად სწავლების მეთოდების შერჩევას, როგორებიცაა   სასწავლო კურსები „აკადემიური წერა“ და „კვლევის მეთოდები“. კვლევის ფარგლებში ჩა­ტა­რდა სწავლების მეთოდების გამოყენების შედარებითი ანალიზი. შედეგად დადგენილი და შემუშავე­ბუ­ლია  სტუდენტების ჩართულობის, საგნის ათვისების, მოტივაციის, კვლევითი უნარ-ჩვევების განვითარებისა და სწავლების ეფექტურობის გაზრდის გზები. მიღებული შედეგები  წარსადგენად მიღებულია ორ სხვა­და­სხვა საერთაშორისო სამეცნიერო კონფერენციაზე, მომზადებულია საკონფერენციო მოხსენებები და სტატიე­ბი მიღებულია  დასაბეჭდად.
  საუნივერსიტეტო ბიბლიოთეკის სტრატეგიული განვითარებისთვის ჩატარებულია ადგილობრივი, სტუ­დენტების საჭიროებებზე დაყრდნობით კვლევა, უცხოური უნივერსიტეტების გამოცდილების შესწავლით შე­მუ­შავებულია საუნივერსიტეტო ბიბლიოთეკის განვითარების სტრატეგია, რომელიც მოიცავს  თანამედ­როვე ტექნოლოგიების დანერგვისა და ნაბეჭდი მასალების გაციფრულების ხერხებს. მიღებული შედეგები  წარ­სადგენად მიღებულია საერთაშორისო სამეცნიერო კონფერენციაზე, მომზადებულია საკონფერენციო მოხ­სე­ნება და სტატია მიღებულია  დასაბეჭდად.

  მიმდინარე კვლევებში მონაწილეობას იღებდნენ ბტუ-ს სტუდენტები (სწავლების საბაკალავრო, სამაგისტრო, სადოქტორო საფეხურებიდან) და უნივერსიტეტის აკადემიური პერსონალი.

• უნივერსიტეტი გახდა ერთადერთი საგანმანათლებლო დაწესებულება რეგიონში, რომლის სტუდენტებიც ჩა­ერთნენ NASA-ს კოსმოსის ათვისების გლობალურ პროექტში და დაიწყეს მუშაობა განათლებაში ვირ­ტუ­ა­ლური და გაფართოებული რეალობის ინტეგრაციაზე. პროექტი გულისხმობს კოსმოსის ათვისებას, ტექ­ნი­კური და ტექნოლოგიური საკითხების გადაჭრას, მასში  მსოფლიოს წამყვან სპეციალისტებთან ერთად ჩართული იქნებიან ბიზნესისა და ტექნოლოგიების უნივერსიტეტის სპეციალისტები და სტუ­დენ­ტები. უნი­ვერსიტეტის სპეციალსიტები უკვე გადიან მომზადებას პროექტის ტექნიკურ დეტალებთან დაკავშირებით. პროექტის მიხედვით, ასევე, განხორციელდება მარსის ათვისების წინასწარი საპროექტო სამუშაოები, რაც გულისხმობს მარსზე 1 000 000 ადამიანზე გათვლილი ერთიანი ინფრასტრუქტურის კონცეფციის შექმ­ნას. HP-ის დახმარებით უნივერსიტეტში დაწყებულია ტექნიკური სივრცეების მომ­ზა­დება, საიდანაც გან­ხორ­ციე­ლ­დება საპროექტო სამუშაოები.
• კომპანია HP-ს ტექნიკური მხარდაჭერითა და ქართველი სპეციალისტების ჩართულობით, ბიზნესისა და ტექ­­ნო­ლოგიების უნივერსიტეტმა დაიწყო მუშაობა ხელოვნური ინტელექტის პროექტზე.

უნივერსიტეტის სპე­ცია­ლისტების მიერ უკვე განხორციელებული სამუშაოების გაცნობის შემდეგ მონაცემთა დამუშავების მსოფ­ლიოს მოწინავე კომპანიები Splunk და Qlik დაინტერესდნენ. Big Data-ს ხელოვნურ ინტელექტთან ინ­ტეგ­რირება უპრეცედენტო ანალიტიკურ მანქანას ქმნის, რომელსაც მოცულობითი ინფორმაციის მიღება, და­მუ­შა­ვება, ანალიზი უმოკლეს დროში შეეძლება. პროექტზე მუშაობა ბიზნესისა და ტექნოლოგიების უნი­ვერ­­სი­ტეტის სტუდენტების ჩართულობით  მიმდინარეობს.

• უნივერსიტეტის კვლევით ინტერესს ციფრული მეწარმეობა, ციფრული ეკონომიკა და ბიზნესში გამოყე­ნე­ბუ­­ლი ინოვაციური ტექნოლოგიები წარმოადგენს. უნივერსიტეტში დაარსდა მეწარმეობის ცენტრი, რომლის ფარგლებში ჰენლის უნივერსიტეტის მეწარმეობის ცენტრთან კოლაბორაციით მიმდინარეობს საქართველოს სამეწარმეო ეკოსისტემის კვლევა.
• დაიწყო კვლევითი პროექტი IX Millennium,  რომლის ფარგლებშიც საქართველოს ეროვნული მუზეუმი, ბტუ და კომპანია Microsoft განახორციელებენ კვლევას კოსმოსურ პირობებში ქართული ვაზის ჯიშების მოსაყვანად და შე­სა­ბა­მისი ტექნოლოგიების დასანერგად. სამეცნიერო პროექტს მასშტაბური საერთაშორისო გამოხმაუ­რე­ბა მოჰ­ყ­ვა და ამ ეტაპზე მიმდინარეობს მისი განვითარებისთვის საჭირო კვლევები.
• კომპანია HP-სთან პარტნიორობით ბტუ ჩაერთო NASA-ს მიერ ინიცირებულ კოსმოსის ათვისების გლო­ბა­ლურ სამეცნიერო პროექტში,  რომლის ფარგლებშიც აკადემიური პერსონალისა და სტუდენტების მიერ შემუშავდა „მო­მა­ვ­ლის გა­ნა­თ­ლების“ კონცეფცია, ხელოვნური ინტელექტისა და ვირტუალური რეალობის განათ­ლე­ბის პრო­ცე­ს­ში ინ­ტეგ­რირების ინსტრუმენტების შემუშავება, კვლევა და განვითარება; კვლევით პროექტზე მუ­შაო­ბისას სპეცია­ლის­ტებმა შექმნეს პირველი ქართული ხელოვნური ინტელექტი „Digital Mind“, რომე­ლიც გა­ნა­თლების პრო­ცესს უფრო ხელმისაწვდომს, სწრაფსა და მოსახერხებელს ხდის.
• უნივერსიტეტის მიერ  ინიცირებულია  „ციფრული აბრეშუმის გზის“ პროექტი, რომელიც გულისხმობს წევრ ქვეყნებს შორის ერთიანი ელექტრონული სავაჭრო სივრცის პორტალის შექმნას, კვლევასა და განვი­თა­რე­ბას. კვლევაში ბტუ-ს აკადემიური პერსონალი და სტუდენტები, ტექნიკური ჯგუფი, კომპანია Microsoft და საქართველოს ფინანსთან სამინისტრო მონაწილეობენ და ის რამდენიმე ეტაპად იყოფა.