ცხადდება დამატებითი კონკურსი ერაზმუს+ საერთაშორისო კრედიტ-მობილობის სრულად დაფინანსებულ გაცვლით პროგრამაზე ქარლოუს ტექნოლოგიურ ინსტიტუტში (ირლანდია) ბიზნესისა და ტექნოლოგიების უნივერსიტეტის ბაკალავრიატის საფეხურის მეორე და მესამე კურსის სტუდენტებისთვის

სასწავლო მიმართულებები: საინფორმაციო ტექნოლოგიები, ბიზნესის ადმინისტრირება–მენეჯმენტი, ბიზნესის ადმინისტრირება–ფინანსები

სავალდებულო წინაპირობა: ინგლისური ენის საერთაშორისო სერთიფიკატი (TOEFL ან IELTS, მინიმუმ B2 დონე)

მობილობის პერიოდი: 2021/2022 სასწავლო წლის შემოდგომის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 900 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე.

სააპლიკაციო პროცესი:

დაინტერესებულმა სტუდენტებმა არაუგვიანეს ა/წ 5 მაისის 12:00 საათისა უნდა გადმოგზავნონ სააპლიკაციო დოკუმენტაციის სრული ჩამონათვალი შემდეგ ელ–ფოსტის მისამართზე: [email protected]

– მეილის სათაურში ქართულ ენაზე მიუთითეთ: სახელი და გვარი, სწავლის საფეხური (ბაკალავრიატი);

– მეილის ტექსტში მიუთითეთ: სახელი და გვარი (ლათინურად, როგორც პასპორტში გაქვთ), სწავლის საფეხური (Bachelor), აკადემიური მოსწრების საშუალო ქულა (როგორც ნიშნების ფურცელში გაქვთ);

– მეილზე დანართის სახით გადმოაგზავნეთ ქვემოთ მოცემული სააპლიკაციო დოკუმენტაცია PDF ფორმატში; თითოეულ მათგანს დაარქვით შესაბამისი სახელი ინგლისურად (მაგ.: Name & Surname_Motivation)

სააპლიკაციო დოკუმენტაცია:

• CV–ის ევროპული ფორმატი (ინგლისურ ენაზე)

• ცნობა სტუდენტის სტატუსის შესახებ (ინგლისურ ენაზე)

• ნიშნების ფურცელი (ინგლისურ ენაზე)

• მოტივაციის წერილი (ინგლისურ ენაზე)

• სარეკომენდაციო წერილი (ინგლისურ ენაზე)

• ინგლისური ენის ცოდნის დამადასტურებელი საერთაშორისო სერთიფიკატი

• პასპორტის ასლი

• შევსებული სასწავლო ხელშეკრულება (დანართი 1; დამოწმებული მხოლოდ აპლიკანტის ხელმოწერით)

კანდიდატთა შესარჩევი პროცესი:

– დოკუმენტაციის შეგროვება და erasmusplus@btu.edu.ge-ზე გადმოგზავნა სტუდენტის მიერ;

– დოკუმენტაციის შემოწმება/eligibility check საერთაშორისო ურთიერთობების სამსახურის მიერ;

– გასაუბრება კანდიდატთა შესარჩევ კომისიასთან;

– კანდიდატებიდან სტიპენდიატების საბოლოო შერჩევა მასპინძელი უნივერსიტეტის მიერ.

მნიშვნელოვანი დეტალები:

• COVID-19 პანდემიის პირობებში, შესაძლოა, შეიცვალოს სტუდენტის გამგზავრების პერიოდი და განისაზღვროს შემდეგი სახით: ნაცვლად 2021/2022 სასწავლო წლის შემოდგომის სემესტრისა, 2021/2022 წლის გაზაფხულის სემესტრი.  

დამატებითი ინფორმაცია:

• გაეცანით საინფორმაციო ბროშურას, რომელიც დეტალურად აღწერს კონკურსში მონაწილეობის პროცესს;

• დამატებითი კითხვების შემთხვევაში მოგვწერეთ [email protected]ზე.