სრულად დაფინანსებული გაცვლითი პროგრამები ბიზნესის ადმინისტრირების (მენეჯმენტის) საბაკალავრო პროგრამის სტუდენტებისთვის!

კონკურსში მონაწილეობის შესაძლებლობა აქვთ: ბიზნესის ადმინისტრირება (მენეჯმენტის) პროგრამის მესამე, მეოთხე, მეხუთე და მეექვსე სემესტრის სტუდენტებს

ერაზმუს+ საერთაშორისო კრედიტ-მობილობის პროგრამის ფარგლებში მოქმედი სრულად დაფინანსებული გაცვლითი პროგრამები 

კორუნიას უნივერსიტეტი, ესპანეთი

სავალდებულო წინაპირობა: ინგლისური ენის მინიმუმ B2 დონეზე ფლობა (დადასტურებული შესაბამისი სერტიფიკატით/ცნობით – აღებული უკანასკნელი 2 წლის მანძილზე)

მობილობის პერიოდი: 2024/2025 სასწავლო წლის გაზფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 850 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე.

აფიონ ქოჯათეფეს უნივერსიტეტი, თურქეთი

სავალდებულო წინაპირობა: ინგლისური ენის მინიმუმ B2 დონეზე ფლობა (დადასტურებული შესაბამისი სერტიფიკატით/ცნობით – აღებული უკანასკნელი 2 წლის მანძილზე)

მობილობის პერიოდი: 2024/2025 სასწავლო წლის გაზაფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 800 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე.

სააპლიკაციო პროცესი:

დაინტერესებულმა სტუდენტებმა არაუგვიანეს ა/წ 27 ნოემბრის 13:00 საათისა გადმოგზავნონ სააპლიკაციო დოკუმენტაციის სრული ჩამონათვალი შემდეგი ელ-ფოსტის მისამართზე: [email protected]

• მეილის სათაურში ქართულ ენაზე მიუთითეთ: სახელი და გვარი, სწავლის საფეხური (ბაკალავრიატი);
• მეილის ტექსტში მიუთითეთ: სახელი და გვარი (ლათინურად, როგორც პასპორტში გაქვთ), სწავლის საფეხური (Bachelor), აკადემიური მოსწრების საშუალო ქულა (როგორც ნიშნების ფურცელში გაქვთ), სასურველი უნივერსიტეტების ჩამონათვალი, უცხოური ენა (ინგლისური), პროგრამის დასახელება, რაზეც აკეთებთ განაცხადს (Erasmus+);
• მეილზე დანართის სახით გადმოაგზავნეთ ქვემოთ მოცემული სააპლიკაციო დოკუმენტაცია PDF ფორმატში; თითოეულ მათგანს დაარქვით შესაბამისი სახელი ინგლისურად (მაგ.: Name & Surname_Motivation)

სააპლიკაციო დოკუმენტაცია:

• CV-ის ევროპული ფორმატი (ინგლისურ ენაზე)
• ცნობა სტუდენტის სტატუსის შესახებ (ინგლისურ ენაზე)
• ნიშნების ფურცელი (ინგლისურ ენაზე)
• მოტივაციის წერილი (ინგლისურ ენაზე)
• სარეკომენდაციო წერილი (ინგლისურ ენაზე)
• ინგლისური ენის ცოდნის დამადასტურებელი დოკუმენტი/სერტიფიკატი (საკმარისია უნივერსიტეტში ჩაბარებული ენის კომპეტენციის დასადგენი ტესტირების ცნობა – მინიმუმ B2 დონე – გაცემული სასწავლო პროცესის მართვის სამსახურის მიერ)
• პასპორტის ასლი
• ერაზმუს პლიუსის გაცვლითი პროგრამისთვის შევსებული სასწავლო ხელშეკრულება (დანართი 1, დამოწმებული მხოლოდ სტუდენტის ხელმოწერით; იხილეთ სასწავლო ხელშეკრულების შევსების გზამკვლევი)
• სასურველი უნივერსიტეტების ჩამონათვალი

კანდიდატთა შესარჩევი პროცესი:

• დოკუმენტაციის შეგროვება და სააპლიკაციო დოკუმენტების [email protected]ზე გადმოგზავნა სტუდენტის მიერ;
• დოკუმენტაციის შემოწმება/eligibility check განვითარების და საერთაშორისო ურთიერთობების სამსახურის მიერ;
• გასაუბრება კანდიდატთა შესარჩევ კომისიასთან;
• კანდიდატებიდან სტიპენდიატების საბოლოო შერჩევა მასპინძელი უნივერსიტეტის მიერ.

კანდიდატთა შერჩევის კრიტერიუმები:

• აკადემიური მოსწრება: 0-10
• მოტივაცია: 0-10
• ზეპირი პრეზენტაცია/ენობრივი კომპეტენცია: 0-10
• მოწყვლადი ჯგუფები: 0-1

დამატებითი ინფორმაცია:

• მიმდინარე უნივერსიტეტების სიას შეიძლება დაემატოს ახალი უნივერსიტეტებიც. გთხოვთ, თვალყური ადევნოთ განცხადებას;
• გაეცანით გზამკვლევს, რომელიც დეტალურად აღწერს მიმდინარე კონკურსში მონაწილეობის პროცესს;
• დამატებითი კითხვების შემთხვევაში მოგვწერეთ [email protected]ზე.