პროკრედიტის ბანკინგის სკოლა ფინანსების პროგრამის სტუდენტებისთვის

პროკრედიტ ბანკისა და ბიზნესისა და ტექნოლოგიების უნივერსიტეტის თანამშრომლობის ფარგლებში, ბიზნესის ადმინისტრირება/ფინანსების პროგრამის სტუდენტებისთვის, ბანკინგის სკოლა იქმნება.

პროკრედიტ ბანკინგის სკოლის პრეზენტაცია 5 აპრილს, ბიზნესისა და ტექნოლოგიების უნივერსიტეტში გაიმართა, პროკრედიტ ბანკის წარმომადგენლებმა ბზიზნესისა და ტექნოლოგიების უნივერსიტეტის სტუდენტებს გააცნეს ბანკი, მათი მიზანი, სტრატეგია და გეგმები. ასევე პრეზენტაციაზე ისაუბრეს ბანკინგის სკოლის შესახებ.

მასტერკლასები და ვორკშოპები 8 შეხვედრის ფარგლებში, წინასწარ შერჩეული სტუდენტებისთვის,  შემდეგ თემატიკაზე გაიმართება:

▪ პროკრედიტ ბანკინგის სკოლის მიმოხილვა; საბანკო საქმის განვითარების ეტაპები;

▪ ბანკინგი როგორც ბიზნესი: რა, როგორ და რატომ?;

▪ ფული, ფინანსური სისტემები და ბანკინგი;

▪ რისკები და რეგულაციები საბანკო საქმეში;

▪ საქართველოს საბანკო სისტემა და შედარებითი ანალიზი;

კურსის დასასრულს, სტუდენტები იმუშავებენ ჯგუფურ პროექტზე.

მასტერკლასებსა და ვორკშოპებს გამართავენ პროკრედიტბანკის ტოპ მენეჯერები.

ფინანსების პროგრამის სტუდენტებმა, სარეგისტრაციო ფორმა იხილეთ მეილზე.