ფაკულტეტის საბჭოს წევრი-სტუდენტის არჩევნები

2020 წლის 17 სექტემბერს გაიმართება არჩევნები ბიზნესის ადმინისტრირების სამაგისტრო მიმართულებიდან ფაკულტეტის საბჭოს წევრი-სტუდენტის არჩევის მიზნით.

არჩევნებში მონაწილეობის უფლება აქვს აქტიური სტატუსის მქონე ყველა სტუდენტს, რომელსაც სწავლის პერიოდში არ აქვს მიღებული F შეფასება ან/და დაკისრებული დისციპლინური სანქცია;

სტუდენტს, რომელიც აკმაყოფილებს ზემოთ მითითებულ მოთხოვნებს, შეუძლია წამოაყენოს თავისი კანდიდატურა და შეავსოს სარეგისტრაციო ფორმა 2020 წლის 27 აგვისტოს ჩათვლით.

საბჭოს წევრი-სტუდენტები აირჩევიან  საყოველთაო, პირდაპირი, თანასწორი არჩევნების საფუძველზე ხმათა უმრავლესობით – ფარული კენჭისყრით.

არჩევნების შედეგები, შესაძლოა, გასაჩივრდეს გასაჩივრებისთვის დადგენილ ვადაში იმ შემთხვევაში, თუ დაფიქსირდა საარჩევნო კომისიის მიერ არჩევნების პროცედურის დარღვევის ან არჩევნების შედეგების გაყალბების ფაქტი. საჩივრის შეტანა ხდება განცხადებების წარდგენის ბტუ-ში მოქმედი წესით. არჩევნებში გამარჯვებულად ითვლება პირი, რომელმაც არჩევნებში დააგროვა ამომრჩეველთა ყველაზე მეტი ხმა.

არჩევნების მიმდინარეობის ვადები:

• არჩევნების ჩატარების თარიღი – 2020 წლის 17 სექტემბერი;
• არჩევნების პირველადი შედეგების გამოცხადება – 2020 წლის 17 სექტემბერი;
• არჩევნების პირველადი შედეგების გასაჩივრების ვადა – 2020 წლის 18 სექტემბერი;
• არჩევნების საბოლოო შედეგების გამოცხადება – 2020 წლის 21 სექტემბერი.

დამატებითი ინფორმაციისთვის, გთხოვთ, გაეცნოთ ფაკულტეტის საბჭოს  დებულებას.