“კოდინგის სკოლა 1500 ქალისთვის” პროექტის ფარგლებში მესამე ნაკადის ბენეფიციარების რეგისტრაცია დაიწყო

“კოდინგის სკოლა 1500 ქალისთვის” პროექტის ფარგლებში მესამე ნაკადის ბენეფიციარების რეგისტრაცია დაიწყო!

ტექნოლოგიებში ქალთა როლის გაძლიერების ხელშეწყობის მიზნით, USAID-ის დამსაქმებლები პროფესიული განათლებისთვის პროგრამის ფარგლებში და 40-მდე პარტნიორი კომპანიის მხარდაჭერით, ბიზნესისა და ტექნოლოგიების უნივერსიტეტი ახორციელებს უპრეცედენტო მასშტაბის პროექტს – “კოდინგის სკოლა 1500 ქალისთვის”.

მომზადება / გადამზადების პროგრამები

პროექტის ფარგლებში ბენეფიციარების მომზადება/გადამზადება მიმდინარეობს ტექ ინგლისურში (A1/A2 და B1/B2 დონეები), რომელიც სავალდებულოა ყველა ბენეფიციარისთვის და რეგისტრაციის დროს არჩეულ ერთ-ერთ ტექ მიმართულებაში:

ციფრული მარკეტინგი
გრაფიკული დიზაინი
ციფრული პროდუქტების ტესტირება
UI/UX დიზაინი
Front-end დეველოპმენტი (საჭიროებს წინარე გამოცდილებასა და ცოდნას ტექნოლოგიების/ტექნიკური საგნების), კანდიდატებს შესაძლოა, დამატებით ჩაუტარდეთ ტესტირება/გასაუბრება
Back-end დეველოპმენტი – Python ან C# (საჭიროებს წინარე გამოცდილებასა და ცოდნას ტექნოლოგიების/ტექნიკური საგნების), კანდიდატებს შესაძლოა, დამატებით ჩაუტარდეთ ტესტირება/გასაუბრება

მნიშვნელოვანი თარიღები

აპლიკაციების მიღება: 8-28 მარტი, 2024
შესარჩევი პროცესი: 1-12 აპრილი, 2024
ტექ ინგლისურის სწავლება: 15 აპრილი-16 მაისი, 2024
ტექ კურსების სწავლება: 20 მაისი-23 აგვისტო, 2024
ინდივიდუალური მენტორშიფი: 9-13 სექტემბერი, 2024
კარიერული ბუთქემფი: 16-20 სექტემბერი, 2024
Pitch Yourself ღონისძიება: 11 ოქტომბერი, 2024

დაინტერესებულ პირთა რეგისტრაცია მიმდინარეობს შემდეგ ბმულზე

სამიზნე ლოკაციები

თუ ცხოვრობ და ან რეგისტრირებული ხარ საქართველოს ნებისმიერ მუნიციპალიტეტში გარდა 5 თვითმმართველი ქალაქისა (თბილისი, ბათუმი, ქუთაისი, რუსთავი, ფოთი) მაშინ გაიარე რეგისტრაცია და შემოგვიერთდი

სამიზნე ასაკობრივი ჯგუფი

პროექტის მიზნობრივი ჯგუფია სამიზნე მუნიციპალიტეტებში მცხოვრები/რეგისტრირებული 16-40 წლის ქალბატონები.

შერჩევის პროცესი და ეტაპები

ონლაინ სააპლიკაციო ფორმის შევსება
ზოგადი საბაზისო უნარების ტესტი
სააპლიკაციო ფორმაში მითითებული სამოტივაციო წერილის შეფასება (მხოლოდ საჭიროების შემთხვევაში)

ზოგადი საბაზისო უნარების ტესტირების შედეგად დგება აპლიკანტების სარეიტინგო სია, რომლის მიხედვითაც ხდება მონაწილეთა განაწილება შესაბამის ჯგუფებში.

სამოტივაციო წერილი უნდა პასუხობდეს შემდეგ კითხვებს:

რატომ გსურთ პროექტში მონაწილეობა? (1 ქულა)
რატომ გსურთ კონკრეტულად ამ ტექ კურსის გავლა? (1 ქულა)
რა გავლენას მოახდენს თქვენ სამომავლო პროფესიულ გეგმებზე აღნიშნული პროექტი? (1 ქულა)

*სააპლიკაციო ფორმაში მოცემული სამოტივაციო წერილი ფასდება მხოლოდ იმ შემთხვევაში, თუ რანჟირების ეტაპზე აპლიკანტების ქულები თანაბარია.

პროექტის ბენეფიციარები შესარჩევი ეტაპის დასრულების შემდეგ გადიან ინგლისური ენის ცოდნის დონის დასადგენ ტესტირებას, რათა მათი განაწილება მოხდეს ტექ ინგლისური ენის შესაბამისი დონის კურსზე.

პროექტის ბენეფიციარები ვალდებულნი არიან ხელი მოაწერონ ,,კოდინგის სკოლა 1500 ქალისთვის’’ პროექტის საორგანიზაციო ჯგუფის მიერ მიწოდებულ სპეციალურ ხელშეკრულებას, რომელიც არეგულირებს პროექტის და პროექტის ბენეფიციარების თანამშრომლობის პირობებს, ვალდებულებებს და ამ ვალდებულებების შეუსრულებლობის შემთხვევაში (მაგ. კურსიდან გამოთიშვა) პასუსხიმგებლობის ზომებს/სახეებს.

სალექციო განრიგი

ტექ ინგლისური – ისწავლება კოდინგის პლათფორმის საშუალებით ვიდეო-გაკვეთილების სახით, ბენეფიციარის სასურველ დროს
ციფრული მარკეტინგი – კვირაში 2 შეხვედრა/ხანგრძლივობა: 2 საათი/სავარაუდო დრო: 19:00-21:00
გრაფიკული დიზაინი – კვირაში 2 შეხვედრა/ხანგრძლივობა: 2 საათი/სავარაუდო დრო: 19:00-21:00
ციფრული პროდუქტების ტესტირება – კვირაში 2 შეხვედრა/ხანგრძლივობა: 2 საათი/სავარაუდო დრო: 19:00-21:00
UI/UX დიზაინი – კვირაში 2 შეხვედრა/ხანგრძლივობა: 2 საათი/სავარაუდო დრო: 19:00-21:00
Front-end დეველოპმენტი – კვირაში 2 შეხვედრა/ხანგრძლივობა: 2 საათი/სავარაუდო დრო: 19:00-21:00 ან 15:00-17:00
Back-end დეველოპმენტი – კვირაში 2 შეხვედრა/ხანგრძლივობა: 2 საათი/სავარაუდო დრო: 19:00-21:00

არასამუშაო დღეებში (შაბათი და კვირა) ლექციები, შესაძლებელია, დაიგეგმოს დღის საათებშიც.

სწავლების ფორმატი

დისტანციური

* აქტივობების ნაწილი ჩატარდება ფიზიკურ ფორმატში (Pitch Yourself ღონისძიება).

რეგისტრაციის დროს გასათვალისწინებელი ინფორმაცია

სასწავლო პროცესში სრულყოფილად მონაწილეობისთვის, აუცილებელია, პროექტის მონაწილეს ჰქონდეს Gmail-ის ანგარიში (ელ-ფოსტა). აღნიშნულიდან გამომდინარე, რეგისტრაციის გავლა შესაძლებელი იქნება Gmail-ის ელ-ფოსტის საშუალებით.

აუცილებელია ინტერნეტში ჩართული კომპიუტერი შემდეგი მინიმალური მახასიათებლებით: OS: 64 bit-იანი ვერსია Windows 10, RAM: 4 GB.

პროექტში მონაწილე რეგიონული სკოლები და ინსტიტუციები

კომპიუტერისა და ინტერნეტის არმქონე ბენეფიციარებს მოემსახურებათ პროექტის ფარგლებში შექმნილი და ტექნიკურად სრულად აღჭურვილი კოდინგის ქალთა ოთახები შემდეგ ლოკაციებზე:

ახალციხის N1 საჯარო სკოლა, მის.: მიქუტიშვილის N2
გორის N5 საჯარო სკოლა, მის.: ზ. რუხაძის ქუჩა N62
წმინდა გაბრიელ ეპისკოპოსის სახელობის ოზურგეთის მუნიციპალიტეტის სოფელ ბახვის საჯარო სკოლა, მის.: ოზურგეთი, სოფელი ბახვი
ზუგდიდის N3 საჯარო სკოლა, მის.: რუსთაველის ქუჩა N192
ამბროლაურის N1 საჯარო სკოლა, ვ. კობახიძის ქუჩა N2
ონის მუნიციპალიტეტის ქალთა ოთახი, ცენტრალური ბიბლიოთეკა (მერიის გვერდზე), ოთახი მხარდაჭერის ნიშნად პროექტს დაუთმო ონის მუნიციპალიტეტის მერიამ სპეციალურად ონის მუნიციპალიტეტში მცხოვრები ბენეფიციარებისთვის
ტყიბულის N7 საჯარო სკოლა, მის.: ბრეგვაძის ქუჩა N14
წალენჯიხის N2 საჯარო სკოლა, მის.: გამსახურდიას ქუჩა N1
თელავის ინოვაციებისა და ტექნოლოგიების სააგენტო, მის.: რუსთაველის გამზირი N11