კვლევა

ბიზნესისა და ტექნოლოგიების უნივერსიტეტის კვლევითი პროექტებისა და ინოვაციების სამსახური ფოკუსირდება კვლევებზე ციფრული ეკონომიკის, ციფრული მეწარმეობის და ციფრული ტექნოლოგიების მიმართულებით. სტუდენტებს შესაძლებლობა აქვთ მონაწილეობა მიიღონ მიმდინარე კვლევით პროექტებში. დამოუკიდებლად აირჩიონ მათთვის საინტერესო კვლევა, ჩაერთონ დაგეგმვის, განხორციელების და შედეგების ანალიზის პროცესში და გაიღრმავონ ცოდნა და კვლევითი უნარები.


Journal of Business and Technology University

Journal of Business and Technology – ბიზნესისა და ტექნოლოგიების უნივერსიტეტის სამეცნიერო ჟურნალია, რომლის პირველი ნომერიც 2021 წლის ბოლოს გამოვა. 

ჟურნალი ყოველწლიურად, მხოლოდ ონლაინ ფორმატში გამოიცემა, ინგლისურ ენაზე. გამოცემა მოიცავს სამეცნიერო მასალებსა და პუბლიკაციებს, რომლებიც ბიზნესსა და ტექნოლოგიებს შეეხება.

ბიზნესისა და ტექნოლოგიების უნივერსიტეტის სამეცნიერო ჟურნალის სარედაქციო კოლეგია უმაღლესი რანგის საერთაშორისო მეცნიერებით დაკომპლექტდა. მათ შორის არიან: ვებსტერის უნივერსიტეტის (აშშ), ლეიდენის უნივერსიტეტის (ნიდერლანდების სამეფო), ტალინის ტექნოლოგიური უნივერსიტეტის (ესტონეთი), ჰენლის ბიზნესის სკოლის (დიდი ბრიტანეთი), ნიუკასლის ბიზნესის სკოლის (დიდი ბრიტანეთი), შტაინბაისის უნივერსიტეტის (გერმანია), კიოლნის ტექნოლოგიური უნივერსიტეტის (გერმანია), ბრაგანჩას პოლიტექნიკური ინსტიტუტისა (პორტუგალია) და გაეროს ხელოვნული ინტელექტისა და რობოტიქსის ცენტრის წარმომადგენლები. საქართველოდან სარედაქციო კოლეგიის წევრია ბიზნესისა და ტექნოლოგიების რექტორი, პროფესორი ნინო ენუქიძე და კვლევითი ცენტრის დირექტორი, პროფესორი ზვიად გაბისონია. სამეცნიერო ჟურნალში BTU-ში ჩატარებული კვლევების პუბლიკაციები გამოქვეყნდება. ამ ეტაპზე უნივერსიტეტის 20–მდე პროფესორი სხვადასხვა კვლევაზე მუშაობს, რომელთა შედეგების შეჯამება და შეჯერება მოხდება და შესაბამისად, მომზადდება ჟურნალის პირველი ნომერი. პარალელურად, BTU-სთან აფილირებულ პირებს მსოფლიოს სხვადასხვა ქვეყნიდან ჟურნალთან თანამშრომლობის შესაძლებლობა ექნებათ.

ჟურნალის გამოცემის ერთ–ერთი მთავარი მიზანი ახალგაზრდა მეცნიერების სტიმულირებაა. სწორედ ამიტომ ჟურნალში იქნება სპეციალური რუბრიკა, რომელიც BTU-ს მაგისტრანტების, დოქტორანტებისა და პოსტდოქტორანტების პუბლიკაციებს დაეთმობა.


სამეცნიერო პრემია ბიზნესისა და ტექნოლოგიების დარგში

ბიზნესისა და ტექნოლოგიების უნივერსიტეტის (BTU) კვლევითმა ცენტრმა, სამეცნიერო კვლევებისა და მეცნიერების პოპულარიზაციისთვის, ყოველწლიური პრემია დააწესა.

სამეცნიერო პრემია გაიცემა ბიზნესისა და ტექნოლოგიების სფეროში, აკადემიური წლის განმავლობაში, მეცნიერის მიერ განხორციელებული საქმიანობის, გამოქვეყნებული ნაშრომებისა და სხვადასხვა აქტივობების შეფასების შემდეგ. სპეციალურად შექმნილი მეცნიერთა და საერთაშორისო ექსპერტთა ჯგუფი მსოფლიოს სხვადასხვა მოწინავე კვლევით ცენტრებსა და ინსტიტუციებს წარმოადგენს. მათ მიერ შეფასებული კანდიდატის სამეცნიერო საქმიანობა მოიცავს სხვადასხვა კრიტერიუმებს. ესენია: მაღალ მეცნიერულ დონეზე შესრულებული და საყოველთაოდ აღიარებული სამეცნიერო ნაშრომების რაოდენობა და ხარისხი, გამოქვეყნებული პუბლიკაციების რეიტინგი, კვლევების ციტირების ინდექსები. ასევე – კვლევების განვითარებასა და პოპულარიზაციაში შეტანილი წვლილი და სხვა.

მეცნიერი, რომელიც მოიპოვებს შესაბამისი სფეროს სამეცნიერო პრემიას, მიენიჭება ბიზნესისა და ტექნოლოგიების უნივერსიტეტის სამეცნიერო პრემიის ლაურეატის წოდება, გადაეცემა ლაურეატის დიპლომი და ფულადი ჯილდო.

პრემიის ლაურეატების პირველი დაჯილდოება 2021 წლის ბოლოს იგეგმება.