BTU-ს სტუდენტებისთვის
როდის იწყება და სრულდება 2020-2021 სასწავლო წლის გაზაფხულის სემესტრის სასწავლო და საგამოცდო პერიოდი BTU-ში?

2020-2021 სასწავლო წლის გაზაფხულის სემესტრი დაიწყო 09.03.2021 და დასრულდება 31.07.2021. სასწავლო პროცესის (ლექციების) დასრულება: 19.06.2021. საგამოცდო პერიოდი: 28.06.2021-31.07.2021. საზაფხულო არდადეგები დაიწყება 2021 წლის 1 აგვისტოს. შენიშვნა: 2021-2022 სასწავლო წლის შემოდგომის სემესტრის დაწყების ზუსტი თარიღი არ არის ამ ეტაპზე ცნობილი.


აკადემიური კალენდარი შეგიძლიათ იხილოთ ბმულზე

როგორ ხდება BTU CLASSROOM -დან განცხადების გადმოგზავნა?
განცხადების გასაგზავნად სტუდენტი უნდა შევიდეს BTU CLASSROOM -ის სისტემაში, მარცხნივ სვეტში დააჭიროს რუბრიკას ,,განცხადებები“, შემდგომ ,,განცხადების დამატება“, შემდგომ ,,აირჩიე შაბლონი“.

სტუდენტი ირჩევს განცხადების შაბლონს მისი მოთხოვნის შესაბამისად, მაგალითად, თუ სტუდენტს ესაჭიროება სტუდენტობის დამადასტურებელი დოკუმენტი, ირჩევს შაბლონს ,,ცნობა სტუდენტობის შესახებ“, თუ სტუდენტს სურს სტატუსის შეჩერება, ირჩევს შაბლონს ,,სტუდენტის სტატუსის შეჩერება“ და ა. შ.

იმ შემთხვევაში, თუ არ არის წარმოდგენილი სტუდენტის სურვილის შესაბამისი შაბლონი, უნდა აირჩიოს ,,თავისუფალი ბლანკი“. მაგალითად გამოცდების აღდგენის შესახებ განცხადებები თავისუფალ ბლანკში იწერება. შაბლონის არჩევის შემდგომ, სტუდენტმა უნდა ჩაწეროს განცხადების ტექსტი, შეავსოს ტელეფონის ნომრისა და მისამართის ველები და დააჭიროს ღილაკს  ,,ხელმოწერა და გაგზავნა“.

იხილეთ ინსტრუქცია

1.


2.



3. 

4. 
როგორ შეიძლება აღვადგინო გაცდენილი შუალედური გამოცდა/ქვიზი, საკონტროლო წერა?
საპატიო მიზეზით გამოტოვებული შუალედური გამოცდის/ქვიზის/საკონტროლო წერის აღსადგენად სტუდენტმა განცხადება უნდა გადმოგზავნოს სისტემა  BTU CLASSROOM -დან, თავისუფალი ბლანკის საშუალებით, არაუგვიანეს შუალედური გამოცდის/ქვიზის/საკონტროლო წერის ჩატარებიდან 10 სამუშაო დღის ვადაში. განცხადებაში სტუდენტმა უნდა მიუთითოს, თუ რომელი სასწავლო კურსის ფარგლებში ითხოვს, კონკრეტულად რომელი შეფასებითი კომპონენტის აღდგენას. განცხადებასთან ერთად სტუდენტმა უნდა ატვირთოს დოკუმენტი, რომელიც დაადასტურებს, რომ კონკრეტულად შუალედური გამოცდის/ქვიზის/საკონტროლო წერის დღეს და დროს ვერ შეძლებდა დასწრებას. ასეთი დოკუმენტი შესაძლოა იყოს ჯანმრთელობის შესახებ ცნობა, სამსახურის ცნობა თუ სხვა (დამოკიდებულია მიზეზზე). დოკუმენტი უნდა იყოს გამცემი ორგანიზაციის ტიტულოვან ფურცელზე, ხელმოწერით და ბეჭდით ან ელექტრონული შტამპით დამოწმებული.
რამდენ დღეში ხდება განცხადების განხილვა?
ბიზნესისა და ტექნოლოგიების უნივერსიტეტის საქმისწარმოების წესის შესაბამისად, შემოსული სტანდარტული განცხადების განხილვა ხდება 5 სამუშაო დღის ვადაში. უმეტეს შემთხვევაში, განცხადების განხილვა ხდება უფრო ნაკლებ დროში, თუმცა ზოგიერთ შემთხვევაში, არასტანდარტული განცხადების განხილვას შესაძლოა მეტი დრო დასჭირდეს.
სად შემიძლია გადავამოწმო დაწერილი განცხადების პასუხი?

სტუდენტის მიერ BTU CLASSROOM- ის სისტემიდან გადმოგზავნილ განცხადებაზე პასუხის ნახვა შესაძლებელია ისევ რუბრიკაში ,,განცხადებებიდაჭერით. თავდაპირველად განცხადებას აქვს სტატუსი ,,განხილვაში“. მას შემდეგ, რაც ადმინისტრაცია განიხილავს განცხადებას, მიენიჭება სტატუსი: დადებითი (რაც იმას ნიშნავს, რომ სტუდენტის მოთხოვნა დაკმაყოფილდა და არის მწვანე ფერის) ან უარყოფითი (რაც ნიშნავს, რომ სტუდენტის მოთხოვნა არ დაკმაყოფილდა და არის წითელი ფერის). ხშირ შემთხვევაში, შესაძლოა განცხადების პასუხს ახლდეს კომენტარი, თუ რატომ დაკმაყოფილდა ან არ დაკმაყოფილდა სტუდენტის მოთხოვნა.

1.


2.

რა შეფასებითი კომპონენტების აღდგენა არის შესაძლებელი სტუდენტის განცხადების საფუძველზე?
სტუდენტის მიერ საპატიო მიზეზით (რომელიც დასტურდება დოკუმენტურად) გაცდენილი შეფასებითი აქტივობები, რომელიც აღდგენას ექვემდებარება არის: შუალედური და დასკვნითი გამოცდები, ქვიზები, საკონტროლო წერები. გადასაგზავნი დავალებების, ჯგუფური პრეზენტაციის ფორმატის დავალებების, ქეისების, პრაქტიკული სავარჯიშოების და .. აღდგენა არ ხორციელდება.

ასევე, გასათვალისწინებელია, რომ თუ შუალედური გამოცდის ფორმატი არის ჯგუფური პრეზენტაციის წარდგენა, ობიექტური მიზეზის საფუძველზე (შესაბამის ვადებში წარმოდგენილი განცხადების და დოკუმენტაციის საფუძველზე) გამოცდის აღდგენა შეუძლია მხოლოდ ჯგუფის იმ წევრს, ვინც წარადგენს აღნიშნულ განცხადებას და დოკუმენტაციას (და არა მთლიანად ჯგუფს).

 
იმ შემთხვევაში, თუ შუალედურ გამოცდაში, საკონტროლო წერაში, ქვიზში, ვერ გადავლახე მინიმალური ზღვარი, შემიძლია თუ არა განმეორებით ჩაბარება?
შედეგის გაუმჯობესების მიზნით, სტუდენტის მიერ უკვე შესრულებული შუალედური გამოცდის, ქვიზის, საკონტროლო წერის თუ სხვ. განმეორებით შესრულება არ ხდება (გამონაკლისია მხოლოდ დასკვნითი გამოცდა, რომელზეც ცალკე რეგულაციები ვრცელდება)
იმ შემთხვევაში, თუ ვერ ვახერხებ ჩემი ცხრილით გათვალიწინებულ დღეს და დროს გამოცდის, ქვიზის, საკონტროლო წერის თუ სხვ. ჩაბარებას, შემიძლია თუ არა ჩავაბარო სხვა ჯგუფთან ერთად?
შეფასებითი აქტივობის ჩაბარება უნდა განხორციელდეს სტუდენტის ცხრილით გათვალისწინებულ დღეს და დროს (თუ ყველა ჯგუფისათვის და სტუდენტისათვის ლექტორის ან ადმინისტრაციის მიერ სხვა გრაფიკი არ არის დადგენილი). იმ შემთხვევაში, თუ სტუდენტი საპატიო მიზეზით ვერ ახერხებს გამოცდაზე დასწრებას, უნდა დაწეროს  განცხადება აღდგენაზე, შესაბამისი წესების დაცვით (იხილეთ გამოცდის აღსადგენად განცხადების გადმოგზავნის ინსტრუქცია ზემოთ)
როგორც არის შესაძლებელი უნივერსიტეტის მიერ დამოწმებული სტუდენტური ცნობის, ფორმა 26-ის, სასწავლო ბარათის, ანგარიშფაქტურის და სხვ. მიღება?
იმისათვის, რომ სტუდენტმა მიიღოს  უნივერსიტეტის მიერ დამოწმებული დოკუმენტი (ცნობა, ნიშნების ფურცელი, ფორმა 26 თუ სხვ), უნდა გადმოგზავნოს განცხადება BTU CLASSROOM- ის სისტემიდან შესაბამისი შაბლონით (იხილეთ განცხადების გადმოგზავნის ინსტრუქცია ზემოთ). მოთხოვნილი დოკუმენტი სტუდენტს გაეგზავნება ელექტრონული სახით ბიზნესისა და ტექნოლოგიების უნივერსიტეტის კორპორატიულ ელ. ფოსტაზე, 5 სამუშაო დღის ვადაში.
რომელი მინიმალური ბარიერების გადალახვა არის სავალდებულო სასწავლო კურსის წარმატებით ჩასაბარებლად (კრედიტის მისაღებად)?
დასკვნით გამოცდაზე გასვლის უფლების მოსაპოვებლად, სავალდებულოა სტუდენტმა დააკმაყოფილოს ორი წინაპირობა:

1. „აქტივობის კომპონენტში“ (მოიაზრება ყველა აქტივობა გარდა შუალედური და დასკვნითი გამოცდებისა: დავალებები, პრეზენტაცია, ქვიზი, ქეისი, საკონტროლო წერა თუ სხვა) სტუდენტმა უნდა გადალახოს ჯამური ქულის 41%. წინააღმდეგ შემთხვევაში სტუდენტი დასკვნით გამოცდაზე არ დაიშვება;

2. „აქტივობის კომპონენტს" + შუალედური გამოცდები: სტუდენტმა უნდა გადალახოს ჯამური ქულის 41%. წინააღმდეგ შემთხვევაში სტუდენტი დასკვნით გამოცდაზე არ დაიშვება;

დასკვნით გამოცდაში მინიმალური ბარიერის გადალახვა სავალდებულოა.

თუ რომელიმე კომპონენტში ვერ გადალახავს სტუდენტი ზღვარს, მაგალითად დავალება 1 ში/პირველ შუალედურ გამოცდაში/რომელიმე ქეისში  ან სხვა, სტუდენტს უბრალოდ უნულდება შეფასება იმ კონკრეტულ დავალებაში, თუმცა ეს იმას არ ნიშნავს, რომ მას აღარ აქვს შესაძლებლობა, მოიპოვოს კრედიტი.

სასწავლო კურსში კრედიტის მისაღებად ყველა ზემოაღნიშნული ზღვრების გადალახვის შემთხვევაში სტუდენტს უნდა ჰქონდეს ჯამურად მინიმუმ 51 ქულა. (საბოლოოდ, ჯამურად უნდა მიიღოს ერთ-ერთი დადებითი შეფასება (51-100 ქულა).

 
შემიძლია თუ არა შევიცვალო პროგრამა და როგორ ხდება შიდა მობილობა?

სწავლების პირველი წლის (პირველი კურსის)  ბოლოდან სტუდენტს აქვს შესაძლებლობა განახორციელოს პროგრამის ცვლილება (მაგალითად მენეჯმენტის პროგრამიდან გადავიდეს საინფორმაციო ტექნოლოგიების პროგრამაზე). ამისათვის მან განცხადებით უნდა მიმართოს უნივერსიტეტს (განცხადება იგზავნება BTU CLASSROOM- ის სისტემიდან), რექტორის ბრძანებით დამტკიცებულ მობილობისათვის განსაზღვრულ ვადაში. განცხადების განხილვის შემდგომ, მომზადდება პროგრამული თავსებადობის დასკვნა, რომელზე ხელმოწერითაც სტუდენტი დაადასტურებს პროგრამის საბოლოო ცვლილებაზე თანხმობას.

საქართველოს განათლებისა და მეცნიერების მინისტრის 2021 წლის 26 მარტის  მობილობის წესში ცვლილების შესახებ ბრძანების №07/ნ საფუძველზე, ის სტუდენტები, რომლებიც უმაღლეს საგანმანათლებლო დაწესებულებებში ჩაირიცხნენ 2020 წლის ერთიანი ეროვნული გამოცდების საფუძველზე და სურთ შიდა მობილობით სარგებლობა, უნდა აკმაყოფილებდნენ  პროგრამის დაშვების წინაპირობებს და ერთიან ეროვნულ გამოცდებზე ჩაბარებული უნდა ჰქონდეთ შესაბამისი საგანი (გადალახული უნდა ჰქონდეს მინიმალური კომპეტენციის ზღვარი). მაგალითად თუ სტუდენტს სურს მენეჯმენტის პროგრამიდან საინფორმაციო ტექნოლოგიების ან ფინანსების პროგრამაზე შიდა მობილობის განხორციელება, ჩაბარებული უნდა ჰქონდეს მათემატიკის საგანი ერთიან ეროვნულ გამოცდებზე. თუ სტუდენტს არ აქვს აღნიშნული საგანი ჩაბარებული, აქვს შესაძლებელობა შესაბამის ვადებში დარეგისტრირდეს ერთიან ეროვნულ გამოცდებზე მხოლოდ ამ საგნის ჩაბარების მიზნითბმულზე

იმ პროგრამებზე, სადაც სავალდებულოდ ჩასაბარებელ საგნად მითითებულია ისტორია/მათემატიკა (მაგალითად მენეჯმენტის პროგრამა)  ერთ-ერთ საგანში მინიმალური კომპეტენციის ზღვრის გადალახვა ითვლება პროგრამაზე დაშვების წინაპირობის დაკმაყოფილებად.

მობილობის მსურველ 2020 წლის ერთიანი ეროვნული გამოცდების საფუძველზე  ჩარიცხულ სტუდენტებს, თუ  2020 წლამდე მიღებული აქვთ მონაწილეობა ერთიან ეროვნულ გამოცდებში და შესაბამის საგანში გადალახული აქვთ მინიმალური კომპეტენციის ზღვარი, საშუალება ეძლევა მიღებული შედეგი გამოიყენოს მობილობის მიზნებისათვის.

 

შენიშვნა: ცვლილებები არ ეხებათ 2020 წლის ერთიან ეროვნულ გამოცდებამდე ჩარიცხულ პირებს. ისინი პროგრამაზე მობილობით სწავლის გაგრძელებას შეძლებენ იმგვარად, როგორც ეს დაშვებული იყო 2020 წლის ერთიან ეროვნულ გამოცდებამდე.

როგორ და რა ვადით ხდება სტუდენტის სტატუსის შეჩერება?
სტუდენტის გადაწყვეტილებით სტატუსის შეჩერება შესაძლებელია სწავლების ნებისმიერ ეტაპზე, რისთვისაც სტუდენტმა BTU CLASSROOM- ის სისტემიდან განცხადება უნდა გადმოგზავნოს შესაბამისი შაბლონით (იხილეთ განცხადების გადმოგზავნის ინსტრუქცია ზემოთ). თუ სტუდენტი სემესტრის დაწყებიდან 5 სამუშაო დღის ვადაში მიმართავს რექტორს განცხადებით სტატუსის შეჩერების შესახებ, მას განცხადებით (სადაც უნდა იყოს მითითებული საბანკო რეკვიზიტებიც) მოთხოვნით შემთხვევაში, დაუბრუნდება გადახდილი სწავლის საფასურის 90%. ამ ვადის გასვლის შემდეგ გადახდილი თანხა პირს არ დაუბრუნდება (ბტუ-ში სტუდენტის სტატუსის აღდგენის შემთხვევაში, ეს თანხა ჩაითვლება სტატუსის აღდგენის შემდეგ გადასახდელ სწავლის საფასურში). გასათვალისწინებელია ის ფაქტიც, რომ ზემოაღნიშნული ვადის გასვლის შემდეგ სტატუსის შეჩერების განცხადების გადმოგზავნის შემთხვევაში, ამ თარიღამდე არსებული გავლილი სასწავლო კვირების პროპორციულად მოხდება სტუდენტის მიერ გადახდილი სწავლის საფასურის ჩამოჭრა.

სტუდენტის სტატუსის შეჩერება შესაძლებელია არაუმეტეს 5 წლის ვადით.

თუ სტუდენტს სტატუსის შეჩერების სემესტრში გავლილი აქვს აკადემიური რეგისტრაცია (დარეგისტრირებული აქვს სასწავლო კურსები და მიღებული აქვს შეფასებები), სტატუსის შეჩერების შემთხვევაში, აღნიშნული რეგისტრაცია უქმდება (უქმდება როგორც რეგისტრაცია სასწავლო კურსებზე, ასევე-შეფასებები) 

 
როგორ ხდება სტუდენტის სტატუსის აღდგენა?
სტატუსშეჩერებული სტუდენტისათვის სტუდენტის სტატუსის აღდგენა ხდება სტატუსის შეჩერებიდან არაუმეტეს 5 წლის განმავლობაში. ფინანსური დავალიანების, ფინანსური ვალდებულებების/ხელშეკრულების პირობების შეუსრულებლობის გამო სტატუსის შეჩერების შემთხვევაში, სტატუსის აღდგენისთვის აუცილებელია დარღვევის აღმოფხვრა.

სტატუსის აღდგენის მიზნით სტუდენტმა BTU CLASSROOM- ის სისტემიდან განცხადება უნდა გადმოგზავნოს შესაბამისი შაბლონით (იხილეთ განცხადების გადმოგზავნის ინსტრუქცია ზემოთ) ბტუ- მიერ სტატუსის აღდგენისთვის დადგენილ ვადაში (არაუგვიანეს სემესტრული ადმინისტრაციული რეგისტრაციის პერიოდში)
როგორ შემიძლია ავიღო დამატებითი კრედიტები?

სტანდარტულად სემესტრში რეკომენდებულია 30 კრედიტის არჩევა. შესაძლებელია სემესტრში სტუდენტს არჩეული ჰქონდეს 30 კრედიტზე ნაკლებიც (მაგალითად 29 კრედიტი), თუმცა აუცილებელია  შემდეგ სემესტრებში სტუდენტმა დააბალანსოს აღნიშნული ნაკლული კრედიტი (მაგალითის მიხედვით აირჩიოს რომელიმე სემესტრში 31 კრედიტი), იმისათვის, რომ პროგრამის დასრულებისას (ბაკალავრების შემთხვევაში, 8 სემესტრის ბოლოს) ჰქონდეს სრული 240 კრედიტი. თუ სტუდენტს სემესტრში დაფარული აქვს 30 კრედიტის გადასახადი, თუმცა აირჩია ნაკლები კრედიტი (მაგალითად 29, 28 ან 27  კრედიტი), აღნიშნული ნაკლული კრედიტების საფასური მას ბალანსზე ენახება და შეუძლია შემდეგ სემესტრებში გამოყენება (შესაბამისად 30 კრედიტზე  მეტის არჩევა).

სტუდენტს, რომელსაც სასწავლო გეგმით გათვალისწინებული კრედიტების გარდა სურს დამატებითი კრედიტების არჩევა, შესაძლებლობა აქვს აკადემიური რეგისტრაციის პერიოდში დაარეგისტრიროს დამატებითი სასწავლო კურსები.

სემესტრში განსაზღვრულზე მეტ კრედიტებზე რეგისტრაცია დასაშვებია, თუ წელიწადში დატვირთვა არ გახდება 75 კრედიტზე მეტი (შემოდგომის სემესტრში არაუმეტეს 40, ხოლო გაზაფხულის სემესტრში არაუმეტეს 50 კრედიტისა).

ზემოთ მითითებული შემთხვევა (დამატებითი კრედიტები) იწვევს დამატებით ფინანსურ ვალდებულებას და შესაძლებელია შესაბამის ვადებში შესაბამისი კრედიტების საფასურის გადახდის შემთხვევაში (1 კრედიტის ღირებულებაა 37.50 ლ).

შემიძლია თუ არა შედეგის გაუმჯობესების მიზნით პროგრამის კონკრეტული კომპონენტ(ებ)ის (მაგალითად რომელიმე კონკრეტული სასწავლო კურსის) განმეორებით შესწავლა?
 თუ სტუდენტს სურს, რომელიმე სასწავლო კურსის განმეორებით შესწავლა შედეგის გაუმჯობესების მიზნით, აკადემიური რეგისტრაციის პერიოდში, განცხადება უნდა დააფიქსიროს BTU CLASSROOM- ის სისტემიდან. გასათვალისწინებელია, რომ ერთი და იგივე სასწავლო კურსში ორჯერ კრედიტის მინიჭება არ ხდება და შესაბამისად უკვე გავლილი და მინიჭებული კრედიტი გაუქმდება. ასევე, აღნიშნული შემთხვევა იწვევს დამატებით ფინანსურ ვალდებულებას და შესაძლებელია შესაბამისი კრედიტების საფასურის გადახდის დამადასტურებელი დოკუმენტის წარდგენის შემთხვევაში (1 კრედიტი=37.50).
რა შემთხვევაში გაიცემა წარჩინების დიპლომი?
წარჩინების დიპლომი გაიცემა თუ პროგრამის კომპონენტების 85%-ში მიღებულია „A“ შეფასებები (მათ შორის საბაკალავრო/სამაგისტრო ნაშრომში; “summa cum laude” - სადოქტორო ნაშრომში), დანარჩენ 15%-ში მიღებულია არანაკლებ „B“ შეფასება, ყველა სხვა შემთხვევაში გაიცემა ჩვეულებრივი დიპლომი.
როდის და როგორ უნდა გადავიხადო 2020-2021 სასწავლო წლის გაზაფხულის სემესტრის სწავლის საფასური?

გაზაფხულის სემესტრი როგორც პირველი, ასევე, მეორე და მაღალი წლის სტუდენტებისათვის დაიწყება 2021 წლის 9 მარტს. სწავლის საფასურის დაფარვა უნდა მოხდეს არაუგვიანეს 5 მარტისა.

შესაბამის ვადაში სწავლის საფასურის გადაუხდელობა იწვევს სტუდენტის სტატუსის შეჩერებას, რომელიც რეგულაციების მიხედვით, იგივე სემესტრში აღდგენას არ ექვემდებარება.

სწავლის საფასურის გადახდა ხდება შემდეგი ბანკების ონლაინ მომსახურებისა და სწრაფი გადახდის აპარატების მეშვეობით: თიბისი ბანკი, ბაზის ბანკი, პაშა ბანკი, ფინკა ბანკი, მიკროსაფინანსო ორგანიზაცია კრისტალი.

გადახდა ხორციელდება შემდეგი პროცედურით: კომუნალური გადახდები > განათლება > ბიზნესისა და ტექნოლოგიების უნივერსიტეტი > სტუდენტის პირადი ნომერი > თანხის დაფიქსირება > გადახდა.

აღნიშნული მეთოდით, თანხა სტუდენტის საუნივერსიტეტო ბალანსზე აისახება მომენტალურად. მნიშვნელოვანია, გადახდის მომენტში ყურადღება მიაქციოთ ბანკის საკომისიოს, რომელსაც ყველა ბანკი თავად აწესებს. იმ შემთხვევაში თუ გადახდას განახორციელებთ საბანკო ანგარიშზე ჩარიცხვით, გთხოვთ, გამოიყენოთ შემდეგი საბანკო რეკვიზიტები და აუცილებლად მიუთითოთ სტუდენტის პირადი ნომერი

მიმღების დასახელება: ბიზნესისა და ტექნოლოგიების უნივევერისტეტი

ანგარიშის ნომერი, ვალუტა GE17PC0133600100066077 GEL

ბანკის დასახელება: პროკრედიტ ბანკი, საქართველო

ბანკის კოდი MIBGGE22

 

გაითვალისწინეთ, რომ საბანკო ანგარიშზე სწავლის საფასურის გადარიცხვის შემთხვევაში, თანხა სისტემაში აისახება რამდენიმე დღის შემდეგ.

რას ნიშნავს დასკვნითი გამოცდის განმეორებითი გამოცდა და რა შემთხვევაში აქვს უფლება სტუდენტს გავიდეს განმეორებით გამოცდაზე?

განმეორებითი გამოცდა ინიშნება დასკვნითი გამოცდის შედეგების გამოქვეყნებიდან არანაკლებ 5 დღეში. სტუდენტს აქვს უფლება, გავიდეს განმეორებით გამოცდაზე იმ შემთხვევაში, თუ:

  • მან გადალახა სემესტრული და შუალედური შეფასებების მინიმალური ზღვრები, თუმცა ვერ გადალახა დასკვნითი გამოცდის მინიმალური ზღვარი და ყველა შეფასების (შუალედური და დასკვნითი) შედეგად უგროვდება 41 და მეტი ქულა (მათ შორის იმ შემთხვევაშიც, როცა სტუდენტს უგროვდება 51 ქულა და მეტი)
  • მან გადალახა სემესტრული და შუალედური, ასევე, დასკვნითი შეფასებების მინიმალური ზღვრები, თუმცა ყველა შეფასების (შუალედური და დასკვნითი) დაჯამების შედეგად  უგროვდება 41 – 50 ქულა.

განმეორებით გამოცდაზე გასვლის შემთხვევაში, სტუდენტს დასკვნით გამოცდაზე მიღებული ქულა უუქმდება და საბოლოო შეფასებაში უფიქსირდება განმეორებით გამოცდაზე მიღებული ქულა.

სტუდენტმა ხელახლა უნდა გაიაროს კურსი იმ შემთხვევაში, თუ მან შუალედურ (მათ შორის სემესტრული) და დასკვნით გამოცდებზე (მათ შორის განმეორებითი გამოცდის შედეგად) გადალახა მინიმალური ზღვრები, თუმცა მის მიერ დაგროვებული  ქულათა ჯამი არ უტოლდება ან აღემატება 51-ს.   

სტუდენტს კურსი ჩაეთვლება გავლილად და მას მიენიჭება კრედიტი მხოლოდ იმ შემთხვევაში, თუ მან გადალახა სემესტრული და შუალედური შეფასებებისა და დასკვნითი გამოცდისთვის განსაზღვრული მინიმალური ზღვრები და მიიღო ჯამურად ერთ-ერთი დადებითი შეფასება (51-100 ქულა).

 
როგორ ხდება შეფასების/გადაწყვეტილების გასაჩივრება?

ბტუ-ს შინაგანაწესის, სტუდენტის შესახებ ინფორმაციის მე-6 მუხლის მე-2 ქვეპუნქტის თანახმად, შეფასების/გადაწყვეტილების გასაჩივრება ხდება:

1. თუ სტუდენტის ნაშრომი (შუალედური გამოცდა, დასკვნითი გამოცდა, სხვ.) ფასდება მხოლოდ ერთი შემფასებლის მიერ და სტუდენტი არ ეთანხმება მიღებულ შეფასებას/ნაშრომის მიმართ მიღებულ გადაწყვეტილებას, მას შეუძლია შეფასება/გადაწყვეტილება გამოცხადებიდან მომდევნო სამუშაო დღეს წერილობითი საპრეტენზიო განცხადებით გაასაჩივროს. საპრეტენზიო განცხადება იგზავნება BTU CLASSROOM- ის სისტემიდან, თავისუფალი ბლანკის საშუალებით;

2. პროტესტი უნდა იყოს დასაბუთებული, მასში მკაფიოდ უნდა იყოს მითითებული რას აპროტესტებს სტუდენტი. ზოგადი ხასიათის განცხადება არ განიხილება. გადაწყვეტილება პროტესტის განუხილველად დატოვებაზე საბოლოოა და გასაჩივრებას არ ექვემდებარება;

3. საპრეტენზიო განცხადების განხილვა მიმდინარეობს ფაკულტეტის დებულებით დადგენილი წესით. განხილვის შედეგი სტუდენტისთვის ცნობილი ხდება საპრეტენზიო განცხადების წარდგენიდან არაუმეტეს 05 სამუშაო დღეში. 

 
რა ხდება მაშინ, თუ კონკრეტულ სასწავლო კურსში ვერ მოვიპოვე დადებითი შეფასება, კრედიტი?

იმ შემთხვევაში, თუ სტუდენტმა სასწავლო კურსში ვერ მოიპოვა კრედიტი (დადებითი შეფასება) და ეს კონკრეტული სასწავლო კურსი არის პროგრამით გათვალისწინებული სავალდებულო საგანი, სტუდენტმა მომდევნო სემესტრებში უნდა აირჩიოს აღნიშნული კურსი.  თუ ზემოაღნიშნული არ არის სავალდებულო კომპონენტი, შესაძლებელია სტუდენტმა ის ჩაანაცვლოს სხვა არჩევითი სასწავლო კურსით (მის ნაცვლად გაიაროს სხვა არჩევითი საგანი). 

 
რა ფორმატით მიმდინარეობს 2020-2021 სასწავლო წლის გაზაფხულის სემესტრის სასწავლო და საგამოცდო კომპონენტი BTU-ში?

პანდემიით გამოწვეული ვითარების გამო, 2020-2021 სასწავლო წლის გაზაფხულის სემესტრი ბიზნესისა და ტექნოლოგიების უნივერსიტეტში ხორციელდება შერეული ფორმატით, რაც გულისხმობს თითოეულ სასწავლო კურსში (აკადემიური პერსონალის თანხმობით) შუალედური გამოცდ(ებ)ის, დასკვნითი გამოცდისა და აკადემიური პერსონალის მიერ რეკომენდებული კომპონენტების ჩატარების წინა კვირაში სასწავლო პროცესის  აუდიტორიაში განხორციელებას. გამონაკლისს წარმოადგენს 19:00 საათიანი ლექციები კომენდანტის საათის ცვლილებამდე. აუდიტორიაში სასწავლო პროცესის მიმდინარეობისას პარალელურად კვლავ უზრუნველყოფილია Google Meet -ის მეშვეობით ჩართვა, რათა სასწავლო პროცესში შეუფერხებლად მიიღონ მონაწილეობა იმ სტუდენტებმაც, ვინც მიეკუთვნებიან რისკ ჯგუფს (ან სხვა ობიექტური მიზეზით, მაგალითად არ აქვთ საცხოვრებელი თბილისში) და ვერ შეძლებენ უნივერსიტეტში მოსვლას. ზემოაღნიშნული გარემოებების გამო, გამოცდების ჩატარება დაგეგმილია დისტანციურად (თუ განსხვავებული მითითებები არ იქნება საქართველოს განათლებისა და მეცნიერების სამინისტროს მხრიდან).

 
BTU-ში ჩაბარებასთან დაკავშირებული პროცედურები
როგორ ხდება მიღება საბაკალავრო პროგრამებზე?
ბიზნესისა და ტექნოლოგიების უნივესრიტეტის საბაკალავრო პროგრამებზე ჩაბარება ხდება ერთიანი ეროვნული გამოცდების საშუალებით.

ჩვენი კოდი ერთიანი ეროვნული გამოცდების ჩაბარებისას:

  • ბიზნესის ადმინისტრირება - მენეჯმენტი - 1950101
  • ბიზნესის ადმინისტრირება - ფინანსები - 1950102
  • საინფორმაციო ტექნოლოგიები - 1950103

ბიზნესისა და ტექნოლოგიების უნივერსიტეტის საბაკალავრო პროგრამებზე მოსახვედრად აბიტურიენტებმა ერთიან ეროვნულ გამოცდებზე უნდა ჩააბარონ შემდეგი საგნები

ბიზნესის ადმინისტრირება - მენეჯმენტი:

  • ქართული ენა და ლიტერატურა
  • უცხო ენა
  • მათემატიკა ან ისტორია

ბიზნესის ადმინისტრირება - ფინანსები:

  • ქართული ენა და ლიტერატურა
  • უცხო ენა
  • მათემატიკა

აინფორმაციო ტექნოლოგიები:

  • ქართული ენა და ლიტერატურა
  • უცხო ენა
  • მათემატიკა

ბიზნესისა და ტექნოლოგიების უნივერსიტეტში სწავლის მსურველ აბიტურიენტებს სხვა დამატებითი საგამოცდო საგნების ჩაბარება არ მოუწევთ! 
როგორ ხდება მიღება სამაგისტრო პროგრამებზე?

ბიზნესისა და თანამედროვე ტექნოლოგიების სამაგისტრო პროგრამებზე ჩაბარება ხდება საერთო სამაგისტრო გამოცდის საშუალებით:

ბიზნესისა და ტექნოლოგიების უნივერსიტეტის სამაგისტრო საფეხურზე სწავლის გაგრძელების უფლება აქვს ბაკალავრს ან მასთან გათანაბრებული აკადემიური ხარისხის მქონე პირს.

იმისათვის, რომ მაგისტრანტობის მსურველმა ჩააბაროს ბიზნესისა და ტექნოლოგიების უნივერსიტეტში წარმატებით უნდა გაიაროს სამი საგამოცდო ეტაპი:

  1. საერთო სამაგისტო გამოცდა; 
  2. ჩააბაროს საუნივერსიტეტო გამოცდა ინგლისურ ენაში ან წარმოადგინოს B1 დონის დამადასტურებელი ვალიდური საერთაშორისო სერტიფიკატი;
  3. გასაუბრება სპეციალობაში.


ინფორმაციული სისტემების მართვა - DevOps სამაგისტრო პროგრამებზე ჩაბარება ხდება საერთო სამაგისტრო გამოცდის საშუალებით:

ბიზნესისა და ტექნოლოგიების უნივერსიტეტის სამაგისტრო საფეხურზე სწავლის გაგრძელების უფლება აქვს ბაკალავრს ან მასთან გათანაბრებული აკადემიური ხარისხის მქონე პირს.

იმისათვის, რომ მაგისტრანტობის მსურველმა ჩააბაროს ბიზნესისა და ტექნოლოგიების უნივერსიტეტში წარმატებით უნდა გაიაროს სამი საგამოცდო ეტაპი:

  1. საერთო სამაგისტო გამოცდა; 
  2. ჩააბაროს საუნივერსიტეტო გამოცდა ინგლისურ ენაში ან წარმოადგინოს B2 დონის დამადასტურებელი ვალიდური საერთაშორისო სერტიფიკატი;
  3. გამოცდა სპეციალობაში.
ზოგადი ინფორმაცია BTU-ზე
რა პროგრამები აქვს BTU-ს?

ჩვენთან არის უმაღლესი განათლების სამივე საფეხურის პროგრამები: საბაკალავრო, სამაგისტრო და სადოქტორო.

პროგრამების შესახებ დეტალური ინფორმაცია იხილეთ ბმულზე

 

სწავლის საფასური და დაფინანსება

საბაკალავრო პროგრამების საფასური:

  • ბიზნესის ადმინისტრირება - მენეჯმენტი - 2250 ლარი
  • ბიზნესის ადმინისტრირება - ფინანსები - 2250 ლარი
  • საინფორმაციო ტექნოლოგიები - 2250 ლარი

სამაგისტრო პროგრამების საფასური:

  • ბიზნესის ადმინისტრირება და საინფორმაციო ტექნოლოგიები - 2250 ლარი
  • ინფორმაციული სისტემების მართვა - DevOps - 2950 ლარი

სადოქტორო პროგრამის საფასური

  • ბიზნესის ადმინისტრირება - 3000 ლარი

სწავლის საფასური შესაძლებელია დაფინანსდეს შემდეგნაირად:

  • სახელმწიფო სასწავლო გრანტი
  • საუნივერსიტეტო სტიპენდია მაღალი აკადემიური მოსწრების მქონე სტუდენტებს
  • მაგისტრატურაში ჩაბარების მსურველთათვის - სახელმწიფო სასწავლო სამაგისტრო გრანტი

ვინ მასწავლის?
ლექ­ტო­რე­ბის სა­უ­კე­თე­სო გუნ­დი, რო­მლებიც სა­ქარ­თვე­ლოს უმ­სხვი­ლე­სი ორ­გა­ნი­ზა­ცი­ე­ბის ტოპ მე­ნე­ჯე­რებს წარ­მო­ად­გე­ნენ.
სტუდენტებს არა მხოლოდ ბიზნესის წარმოებისთვის საჭირო უახლეს ტექნოლოგიებს ასწავლიან, არამედ მათ დასაქმების პროგრამებს და ინდუსტრიასთან მნიშვნელოვანი კავშირების დამყარების შესაძლებლობასაც სთავაზობენ.

იხილეთ აკადემიური პერსონალის პროფილები
აქვს თუ არა BTU-ს გაცვლითი პროგრამები?

ბიზნესისა და ტექნოლოგიების უნივერსიტეტის საერთაშორისო ურთიერთობათა სამსახური უზრუნველყოფს ყველა საფეხურის სტუდენტის ჩართულობას გაცვლით პროგრამებში.

გაცვლითი პროგრამებით სარგებლობა სტუდენტებს შეუძლიათ როგორც ევროკომისიის მიერ დაფინანსებული ერასმუს+ ის საერთაშორისო კრედიტ-მობილობის პროგრამის ფარგლებში, ასევე ორმხრივი თანამშრომლობის ფარგლებში.

არის მოკლევადიანი და გრძელვადიანი გაცვლითი პროგრამები, საზაფხულო და ზამთრის სკოლები, სრულად ან ნაწილობრივ დაფინანსებული გაცვლითი პროგრამები.  

დამატებით ინფორმაცია

შემიძლია თუ არა დასაქმება სწავლის პერიოდში?

სტუდენტის კარიერული წინსვლის ხელშეწყობა ჩვენი კარიერული განვითარების ცენტრის მთავარი მიზანი. ბიზნესისა და ტექნოლოგიების უნივერსიტეტმა შეიმუშავა სისტემა, რომელიც შესაძლებლობას აძლევს სტუდენტს დასაქმდეს, სწავლის დაწყებისთანავე, შექმნას შთამბეჭდავი პორტფოლიო და სწრაფად გახდეს კონკურენტუნარიანი კადრი.

სმარტსტუდენტი “- ბიზნესისა და ტექნოლოგიების უნივერსიტეტის ერთ-ერთი პროექტია, რომელიც სტუდენტებს დასაქმების უნიკალურ საშუალებას სთავაზობს. პროექტის ფარგლებში, მსოფლიოს წამყვანი ბრენდები ტექნოლოგიების და ბიზნესის მიმართულებით ავსებენ გუნდს ახალი, სხარტი და ინოვაციური იდეების მქონე BTU-ს სტუდენტებით.

სტუდენტები საქმდებიან სხვადასხვა დეპარტამენტებში: მენეჯმენტი, ფინანსები, მარკეტინგი, ოპერაციები, საინფორმაციო ტექნოლოგიები, ლოჯისტიკა, ადმინისტრაცია და სხვა.

როგორი შეფასების სისტემა მოქმედებს BTU-ში?

სტუდენტის სწავლის შედეგის მიღწევის დონის შეფასება ხდება 100-ქულიანი (max 100 ქულა) სისტემით .  საქართველოს მოქმედი კანონმდებლობის შესაბამისად სტუდენტთა შეფასების 100-ქულიანი სისტემა უშვებს 5 დადებით და 2 უარყოფით შეფასებას:

დადებითი შეფასებები:

  • (A) ფრიადი - 91-100 ქულა

  • (B) ძალიან კარგი - 81-90 ქულა

  • (C) კარგი - 71-80 ქულა

  • (D) დამაკმაყოფილებელი - 61-70 ქულა

  • (E) საკმარისი - 51-60 ქულა


უარყოფითი შეფასებები:

  • (Fx)  ვერ ჩააბარა - 41-50 ქულა  (სტუდენტს მეტი მუშაობა სჭირდება, ეძლევა დამოუკიდებელი მუშაობით დამატებით გამოცდაზე ერთხელ გასვლის უფლება

  • (F) ჩაიჭრა - 40 – 0 ქულა (სტუდენტის მიერ ჩატარებული სამუშაო არ არის საკმარისი და მას საგანი ახლიდან აქვს შესასწავლი)

როგორ გაიცემა სტიპენდია?
ყოველი სასწავლო წლის ბოლოს (გაზაფხულის სემესტრის დასრულების შემდგომ) რექტორის ბრძანებით განისაზღვრება, თუ რამდენი სტუდენტი იქნება სტიპენდიანტი საბაკალავრო პროგრამებიდანსაინფორმაციო ტექნოლოგიები და ბიზნესის ადმინისტრირება (მენეჯმენტი და ფინანსები), ასევე, ბიზნესის ადმინისტრირება და თანამედროვე ტექნოლოგიების სამაგისტრო პროგრამიდან.
ამავე ბრძანებით განისაზღვრება სტიპენდიის მოცულობა (წინა წლების გამოცდილებით, შეადგენდა სულ 1200 ლარს (კანონმდებლობით გათვალისწინებული გადასახადების ჩათვლით)). 
ის, თუ რამდენ ქულიანი სტუდენტი შესაძლოა მოხვდეს სტიპენდიატთა სიაში, დამოკიდებულია იმ წლის რეიტინგზე და სტუდენტების აკადემიურ მოსწრებაზე.
როგორ არის შესაძლებელი სწავლის საფასურის გადახდა რამდენიმე ეტაპად?

სწავლის წლიური საფასურის გაყოფა შესაძლებელია განცხადების საფუძველზე, მიზეზის დამადასტურებელი ოფიციალური დოკუმენტის წარდგენით. განცხადება სტუდენტმა უნდა გადმოგზავნოს BTU CLASSROOM- ის სისტემიდანამავე სისტემაში იხილავს სტუდენტი მის განცხადებაზე პასუხს 5 სამუშაო დღეში. საფასურის განაწილების საფუძველი შეიძლება იყოს ქვემოთ მოცემული შემთხვევები ან სხვა სახის მიზეზი, რომელიც დასტურდება ოფიციალური დოკუმენტით და უნივერსიტეტის ადმინისტრაცია მიიჩნევს რელევანტურად.

N

მიზეზი

დამადასტურებელი დოკუმენტის სახე

1

დაბალი შემოსავალი

მშობლის ან სტუდენტის სახელფასო ცნობა

2

შემოსავლის არ ქონა

ამონაწერი შემოსავლების სამსახურიდან

3

მრავალშვილიანი ოჯახის წევრობა

დედ-მამიშვილების დაბადების მოწმობები

4

სოციალურად დაუცველის სტატუსი

დამადასტურებელი საბუთი

5

დევნილის სტატუსი

დამადასტურებელი საბუთი

6

ჯანმრთელობის პრობლემები

ფორმა 100

7

მარჩენალის დაკარგვა

გარდაცვალების ცნობა

8

საბანკო ვალდებულებები

ამონაწერი ბანკიდან

9

ორი ან მეტი სტუდენტი ოჯახში

სტუდენტობის დამადასტურებელი ცნობა

როგორ შეიძლება გავხდე ბტუს თავისუფალი მსმენელი?

ნებისმიერ დაინტერესებულ პირს, ინტელექტუალური პოტენციალის და შესაძლებლობების განვითარების მიზნით, შეუძლია მიიღოს დამატებით განათლება ბტუ-ში:

 

1. დაინტერესებულ პირს შეუძლია გაეცნოს ბტუ-ს ვებგვერდზე განთავსებული პროგრამის აღწერილობას, პროგრამების სასწავლო კუმპონენტიდან აირჩიოს მისთვის სასურველი სასწავლო კურს(ებ)ი/მოდულ(ებ)ი და მიმართოს ბტუ-ს რექტორს განცხადებით აღნიშნულის თაობაზე:

2. განცხადებას განიხილავენ ბტუ-ს ფაკულტეტის დეკანი და შესაბამისი პროგრამის ხელმძღვანელი;

3. დაინტერესებულ პირს შეუძლია გაესაუბროს პროგრამის ხელმძღვანელს, მიიღოს/დააზუსტოს ინფორმაცია პროგრამის და სასწავლო კურს(ებ)ის/მოდულ(ებ)ის შესახებ, მიიღოს რეკომენდაციები მისი კვალიფიკაციის და სასწავლო კურს(ებ)ის/მოდულ(ებ)ის სპეციფიკის შესაბამისობიდან გამომდინარე და თავად განსაზღვროს მის მიერ შერჩეული სასწავლო კურს(ებ)ის/მოდულ(ებ)ის შესწავლის მიზანშეწონილობა;

4. არჩეული სასწავლო კურსის/მოდულის გავლა: ა) რეკომენდირებულია იმ პირთათვის, რომელთა კვალიფიკაცია/განათლების საფეხური შეესაბამება საგანმანათლებლო პროგრამის სფეროს და განათლების საფეხურს, ბ) არ რეკომენდირებული იმ შემთხვევაში თუ სწავლის მსურველი ვერ აითვისებს არჩეულ კომპონენტს მისი შესწავლის წინაპირებიდან გამომდინარე. უარყოფითი რეკომენდაციის მიუხედავად სწავლის გადაწყვეტილების მიღების შემთხვევაში პირი თავად იღებს პასუხისმგებლობას სასწავლო კურს(ებ)ის/მოდულ(ებ)ის დაძლევაზე;

5. სწავლა-სწავლება განხორციელდება შესაბამისი სასწავლო კურს(ებ)ის/მოდულ(ებ)ის სილაბუსების მიხედვით და გულისხმობს სილაბუსით ყველა გათვალისწინებული საკითხების შესწავლას და პირის გადაწყვეტილებით შესაბამისი აქტივობების შესრულებას და შეფასებას;

6. დაინტერესებული პირის მიერ გასათვალისწინებელია, რომ:

1) მსგავსი სწავლება არ წარმოადგენს საგანმანათლებლო პროგრამის ნაწილს;

2) მსგავსი სწავლება არ გულისხმობს შესაბამის სასწავლო კურს(ებ)ში/მოდულ(ებ)ში კრედიტების მინიჭებას - ბტუ-ს მიერ გაიცემა სასწავლო კურს(ებ)ის/მოდულ(ებ)ის მოსმენის დამადასტურებელი დოკუმენტი (ბტუ-ს გადაწყვეტილებით ცნობა/მოწმობა/სერტიფიკატი/სხვ.), რომელშიც იქნება მითითებული შესაბამისი სასწავლო კურს(ებ)ი/მოდულ(ებ)ის დასახელება და საათების რაოდემობა;

3) ბტუ-ში კანონმდებლობით დადგენილი წესით სტუდენტის სტატუსის მოპოვების შემთხვევაში არ მოხდება მოსმენილი სასწავლო კურს(ებ)ის/მოდულ(ებ)ის აღიარება საგანმანათლებლო პროგრამისმიზნებისთვის (არ იქნება მიჩნეული პროგრამის შესწავლილ კომპონენტად).

7. სწავლის საფასური გამოითვლება შემდეგნაირად: 1 საკონტაქტო საათისთვის დადგენილი ღირებულება x საკონტაქტო საათების რაოდენობაზე (1 საკონტაქტო საათის ღირებულება დგინდება თითოეული კონკრეტული სასწავლო კურსისთვის/მოდულისთვის);

 

8. ბტუ-ს და დაინტერესებულ პირს შორის ფორმდება ხელშეკრულება, რომელიც იდება თავისუფალი მსმენელის სტატუსით კონკრეტული სასწავლო კურსების/მოდულების გავლის მიზნით და არეგულირებს მხარეთა ურთიერთობებს, უფლებებსა და მოვალეობებს, მათ შორის განათლებით მომსახურების საფასურის ოდენობას და გადახდის წესს.

როგორ გამოითვლება GPA?

GPA-ს დათვლის წესი მოცემულია ბაკალავრიატის დებულების მე-2 მუხლის მე-10 პუნქტში (სტუდენტის შეფასება). თუ სტუდენტს აქვს სურვილი, მიიღოს დაანგარიშებული, მისი GPA-ს შესახებ ინფორმაცია, შეუძლია დაწეროს განცხადება BTU CLASSROOM- ის სისტემიდან.

GPA-ს გამოთვლის პრინციპი:

1) ქვემოთ მოცემული აკადემიური მოსწრების მაჩვენებლების (კოეფიციენტების) გაანგარიშების ერთ-ერთი მიზანია ბტუ-ში მიღებული შეფასებების აღიარების გამარტივება იმ უსდ-ის მიერ, რომელიც იყენებს საქართველოში მოქმედისგან განსხვავებულ, მათ შორის, GPA (Grade Point Average) შეფასების სისტემას, და საქართველოში მოქმედ შეფასების სისტემასთან ასეთ უსდ-ში მიღებული შეფასებების თავსებადობის დადგენა. სემესტრის/აკადემიური წლის GPA დამოკიდებულია სემესტრში/აკადემიური წლის განმავლობაში მისაღები და სტუდენტის მიერ მიღებული კრედიტების რაოდენობაზე და პროგრამის კომპონენტებში მიღებულ შეფასებებზე (ქულებზე);

2) ქვემოთ მოცემული გამოთვლები შესრულდება დამატებითი შეფასებების ჩატარების შემდეგ, რადგან Fx შეფასების შემთხვევაში სტუდენტს დამატებით შეფასებაზე მიღებული ქულით შეიძლება დაუგროვდეს ერთ-ერთი დადებითი შეფასების შესაბამისი ქულა (კრედიტი ჩაეთვალოს მიღებულად). გაანგარიშებისას მიღებული ციფრები მრგვალდება შემდეგი პრინციპით: ოთხი და ოთხს ქვევით - სიმცირისაკენ, ხოლო ხუთი და ზევით - მეტობისაკენ.

3) ბტუ-ში სტუდენტის აკადემიური მოსწრების დონე განისაზღვრება მიღებული ქულებით (100-ქულიანი სისტემით) და აღნიშნული ქულების ექვივალენტით - საშუალო აკადემიური შეფასებით (GPA);

4) პროგრამის კომპონენტის GPA გამოითვლება ფორმულით: GPA = (X - 50) x 0.06 + 1.0. სადაც X - არის პროგრამის კომპონენტში მიღებული ქულა (100-ქულიანი სისტემით).

100-ქულიანი სისტემის ქულები - შესაბამისი GPA ქულა

100 4

99 - 3,94

98 - 3,88

97 3.82

X -  (X-50) x 0,06+1.0

51 1,06

1- 50 0

 

GPA გამოითვლება მხოლოდ პროგრამის იმ კომპონენტებისთვის, სადაც სტუდენტს მიღებული აქვს კრედიტი (ერთ-ერთი დადებითი შეფასება);

5) სემესტრის GPA(S): სემესტრში ყველა მიღებული „GPA“ მრავლდება კრედიტების რაოდენობაზე და მათი ჯამი იყოფა სემესტრში მისაღები კრედიტების რაოდენობაზე ΣCR=30 (ან სხვა, რამდენზეც იყო დარეგისტრირებული სტუდენტი): GPA(S) = Σ(GPA x CR) / ΣCR

 

6) აკადემიური წლის GPA(a). აკადემიურ წელს ყველა მიღებული „GPA“ მრავლდება კრედიტების რაოდენობაზე და მათი ჯამი იყოფა აკადემიური წლის განმავლობაში მისაღები კრედიტების რაოდენობაზე (რამდენზეც იყო დარეგისტრირებული სტუდენტი): GPA(a) = Σ(GPA x CR) / ΣCR

7) დიპლომის GPA. პროგრამის GPA(p). პროგრამით სწავლის პერიოდში ყველა მიღებული „GPA“ მრავლდება კრედიტების რაოდენობაზე და მათი ჯამი იყოფა პროგრამის კრედიტების რაოდენობაზე: GPA(p)= Σ(GPA x CR) / ΣCR. დიპლომის GPA უდრის პროგრამის GPA-ს.

თუ სტუდენტს არ აქვს მიღებული პროგრამისთვის დადგენილი კრედიტების რაოდენობა, მაშინ პროგრამის GPA =0.