ინფორმატიკის ოლიმპიადა მოსწავლეთათვის

31 მარტს ბიზნესისა და ტექნოლოგიების უნივერსიტეტში ტექნოლოგიური ფესტივალის ფარგლებში ტარდება პროგრამირების მხარდაჭერის ასოციაციასთან ერთად ინფორმატიკაში მოსწავლეთა ოლიმპიადის უკომპიუტერო ტური.

ოლიმპიადა ტარდება მათთვის, ვინც ჯერ არ ფლობს დაპროგრამების საფუძვლებს. ამ ტურში მონაწილეებს შევთავაზებთ ამოცანებს, რომელთა ამოხსნა შესაძლებელია რეალურ დროში კომპიუტერის დახმარების გარეშე, თუ მოსწავლე მიაგნებს ამოხსნის სათანადო ალგორითმს.

უკომპიუტერო ნომინაციაში მონაწილეობისთვის ვეპატიჟებით ძირითადად მე-11 და მე-12 კლასების მოსწავლეებს.

ოლიმპიადაში მონაწილეობისათვის მსურველებმა უნდა შეავსონ სარეგისტრაციო ფორმა 30 მარტის 20:00-დე.

ოლიმპიადა პერსონალურია (ანუ, არა გუნდური). დასაწყისი 13:00-ზე, ხანგრძლივობა – 3 საათი.

ოლიმპიადის დროს არ შეიძლება რაიმე მოწყობილობებით (მათ შორის, კალკულატორით) სარგებლობა.
მონაწილეთათვის სასარგებლო იქნება გაეცნონ შარშანდელი ოლიმპიადის ამოცანებს.

გამარჯვებულებს და პრიზიორებს გადაეცემათ შესაბამისი სერტიფიკატები და ბიზნესისა და ტექნლოგიების უნივერსიტეტში სწავლის – 25% იანი ვაუჩერი.

ოლიმპიადაში მონაწილეობა უფასოა!