გაცვლითი პროგრამები ბიზნესისა და ტექნოლოგიების უნივერსიტეტის მაგისტრატურის საფეხურის პირველი და მეორე სემესტრის სტუდენტებისთვის!

ერაზმუს+ საერთაშორისო კრედიტ–მობილობის პროგრამა:

კობლენცის გამოყენებით მეცნიერებათა უნივერსიტეტი, გერმანია

სასწავლო მიმართულება: ბიზნესის ადმინისტრირება და თანამედროვე ტექნოლოგიები

სავალდებულო წინაპირობა: ინგლისური ენის მინიმუმ B2 დონეზე ფლობა

მობილობის პერიოდი: 2019/2020 სასწავლო წლის გაზაფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 850 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი.

 

ორმხრივი თანამშრომლობის ფარგლებში მოქმედი გაცვლითი პროგრამა:

ბრაგანჩას პოლიტექნიკური ინსტიტუტი, პორტუგალია

სასწავლო მიმართულება: ბიზნესის ადმინისტრირება და თანამედროვე ტექნოლოგიები

სავალდებულო წინაპირობა: ინგლისური ენის მინიმუმ B2 დონეზე ფლობა

მობილობის პერიოდი: 2019/2020 სასწავლო წლის გაზაფხულის სემესტრი

სტიპენდია მოიცავს: უფასო სწავლა, დაბინავება უნივერსიტეტის საერთო საცხოვრებელში სპეციალური ტარიფით (მობილობასთან დაკავშირებული ხარჯების აღწერა იხილეთ დანართი 1-ში).

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი.

სააპლიკაციო პროცესი :

დაინტერესებულმა სტუდენტებმა არაუგვიანეს ა/წ 4 ოქტომბრის 14 საათისა უნდა გადმოგზავნონ სააპლიკაციო დოკუმენტაციის სრული ჩამონათვალი შემდეგ ელ-ფოსტის მისამართზე: [email protected]

–         მეილის სათაურში ქართულ ენაზე მიუთითეთ: სახელი და გვარი, სწავლის საფეხური (მაგისტრატურა);

–         მეილის ტექსტში მიუთითეთ: სახელი და გვარი (ლათინურად, როგორც პასპორტში გაქვთ), სწავლის საფეხური (Master), აკადემიური მოსწრების საშუალო ქულა (როგორც ნიშნების ფურცელში გაქვთ), სასურველი უნივერსიტეტების ჩამონათვალი;

–         მეილზე დანართის სახით გადმოაგზავნეთ ქვემოთ მოცემული სააპლიკაციო დოკუმენტაცია PDF ფორმატში; თითოეულ მათგანს დაარქვით შესაბამისი სახელი ინგლისურად (მაგ.: Name & Surname_Motivation)

 

სააპლიკაციო დოკუმენტაცია:

• CV-ის ევროპული ფორმატი (ინგლისურ ენაზე)
• ცნობა სტუდენტის სტატუსის შესახებ (ინგლისურ ენაზე)
• ნიშნების ფურცელი (ინგლისურ ენაზე)
• მოტივაციის წერილი (ინგლისურ ენაზე)
• სარეკომენდაციო წერილი (ინგლისურ ენაზე)
• ინგლისური ენის ცოდნის დამადასტურებელი დოკუმენტი/სერთიფიკატი
• პასპორტის ასლი
• სასწავლო ხელშეკრულება (დანართი 2)
• სასურველი უნივერსიტეტების ჩამონათვალი
• ბაკალავრის დიპლომი
• ბაკალავრის დიპლომის დანართი (ინგლისურ ენაზე; შეფასების საშუალო ქულის მითითებით)

 

კანდიდატთა შესარჩევი პროცესი:

–         დოკუმენტაციის შეგროვება და [email protected]ზე გადმოგზავნა სტუდენტის მიერ;

–         დოკუმენტაციის შემოწმება/eligibility check საგარეო ურთიერთობების სამსახურის მიერ;

–         გასაუბრება კანდიდატთა შესარჩევ კომისიასთან;

–         კანდიდატებიდან სტიპენდიატების საბოლოო შერჩევა და შესაბამისი სტიპენდიის მინიჭება მასპინძელი უნივერსიტეტის მიერ.

 

მნიშვნელოვანი დეტალები:

–         სტიპენდიებთან დაკავშირებით საინფორმაციო შეხვედრა გაიმართება ა/წ 26 სექტემბერს 18:30 საათზე ბტუ-ს სივრცეში;

–         შესაძლოა, შეიცვალოს უნივერსიტეტების/მიმართულებების ჩამონათვალი, ადევნეთ პერიოდულად თვალყური განცხადებას.

 

დამატებითი ინფორმაცია:

–         საინფორმაციო ბროშურა (დეტალურად აღწერს კონკურსებში მონაწილეობის პროცესს);

–         კალენდარი (მოიცავს ინფოს საინფორმაციო შეხვედრის, გასაუბრების, საბოლოო პასუხების მიღებისა და სხვა მნიშვნელოვანი თარიღების შესახებ);

–         ერაზმუს+ პროგრამის სტიპენდიაზე განაცხადის გაკეთების მსურველ სტუდენტებს სავალდებულოა ჰქონდეთ მაღალი აკადემიური მოსწრება!

დამატებითი კითხვების შემთხვევაში მოგვწერეთ [email protected]ზე.