ერაზმუს+ საერთაშორისო კრედიტ-მობილობის პროგრამის სტიპენდია ბიზნესისა და ტექნოლოგიების უნივერსიტეტის აკადემიური პერსონალისთვის ლუბლიანას ბიზნესის სკოლაში (სლოვენია)!

სავალდებულო წინაპირობა: ინგლისური ენის C1 დონეზე ცოდნა (სავალდებულოა, ინგლისურ ენაზე სწავლების გამოცდილება)
მობილობის მიზანი: 25-35 საათიანი სალექციო კურსის (კვირაში 8 საათი) შეთავაზება მასპინძელი უნივერსიტეტის ბაკალავრიატის საფეხურის სტუდენტებისთვის.

სასწავლო მიმართულებები:

• Marketing
• Business
• Management

გთხოვთ, იხილოთ ლუბლიანას ბიზნესის სკოლის ბაკალავრიატის საფეხურის პროგრამები.

შენიშვნა: განაცხადის გაკეთება არ შეუძლია აკადემიურ პერსონალს, რომლებიც კითხულობენ შემდეგ კურსებს:

• Career Orientation
• Project and event Management
• Intellectual Property Law

მობილობის პერიოდი: მარტი, აპრილი ან მაისი 2026 წელი
მობილობის ხანგრძლივობა: 3-4 კვირა
სტიპენდია მოიცავს: ორმხრივი საერთაშორისო მგზავრობის ხარჯების ანაზღაურება, თვიური სტიპენდია: 3400 ევრო (კვებისა და დაბინავების ხარჯების დასაფარად)

სააპლიკაციო პროცესი:დაინტერესებულმა პროფესორებმა არაუგვიანეს 2025 წლის 17 სექტემბრის 14 საათისა უნდა გადმოგზავნონ სააპლიკაციო დოკუმენტაციის სრული ჩამონათვალი შემდეგი ელ- ფოსტის მისამართზე: [email protected]

სააპლიკაციო დოკუმენტაცია:

• CV-ის ევროპული ფორმატი (ინგლისურ ენაზე)
• პუბლიკაციების სია (ინგლისურ ენაზე)
• დასაქმების დამადასტურებელი ცნობა (გაცემული ადამიანური რესურსების მართვის სამსახურის მიერ; ინგლისურ ენაზე)
• მოტივაციის წერილი (ინგლისურ ენაზე)
• სარეკომენდაციო წერილი (ინგლისურ ენაზე)
• ინგლისური ენის C1 დონეზე ცოდნის დამადასტურებელი დოკუმენტი/სერტიფიკატი (უცხოეთში მიღებული განათლების დამადასტურებელი დოკუმენტი ან/და ინგლისური ენის  საერთაშორისო სერტიფიკატი (IELTS, TOEFL, FCE) და ინგლისურ ენაზე სწავლების გამოცდილების დამადასტურებელი დოკუმენტი)
• BTU-ში წაკითხული საგნების სია (ინგლისურად)
• პოტენციური საგნების სია, რომელთა ჩატარებაც შესაძლებელია მასპინძელ უნივერსიტეტში (მხოლოდ ლუბლიანას ბიზნესის სკოლის ბაკალავრიატის პროგრამებიდან)
• პასპორტის ასლი
• სამუშაო გეგმის მონახაზი (დანართი 1)

კანდიდატთა შესარჩევი პროცესი:
– დოკუმენტაციის შეგროვება და [email protected]ზე გადმოგზავნა;
– დოკუმენტაციის შემოწმება/eligibility check საერთაშორისო ურთიერთობების სამსახურის მიერ;

– გასაუბრება BTU-ს და  ლუბლიანას ბიზნესის სკოლის კომისიასთან;
– კანდიდატებიდან სტიპენდიატების საბოლოო შერჩევა და შესაბამისი სტიპენდიის მინიჭება მასპინძელი უნივერსიტეტის მიერ.

დამატებითი ინფორმაცია:

• ერაზმუს+ პროგრამის სტიპენდიებზე განაცხადის გაკეთების შესაძლებლობა აქვთ ბიზნესისა და ტექნოლოგიების უნივერსიტეტის აკადემიურ პერსონალს და მოწვეულ ლექტორებს, რომელთაც რამდენიმესემესტრიანი უწყვეტი თანამშრომლობა აკავშირებთ უნივერსიტეტთან.
• დამატებითი კითხვების შემთხვევაში მოგვწერეთ [email protected]ზე.