ერაზმუს+ საერთაშორისო კრედიტ-მობილობის პროგრამის სრულად დაფინანსებული გაცვლითი პროგრამა ინფორმაციული სისტემების მართვა-DevOps სამაგისტრო პროგრამის სტუდენტებისთვის რომის საპიენცას უნივერსიტეტში (იტალია)!

კონკურსში მონაწილეობის შესაძლებლობა აქვთ: მაგისტრატურის საფეხურის პირველი და მეორე სემესტრის სტუდენტებს.

სავალდებულო წინაპირობა: ინგლისური ან იტალიური ენის მინიმუმ B2 დონეზე ფლობა.

მობილობის პერიოდი: 2024/2025 სასწავლო წლის გაზაფხულის სემესტრი.

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 850 ევროს ოდენობით (კვებისა და დაბინავების ხარჯების დასაფარად).

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე.

სააპლიკაციო პროცესი:

დაინტერესებულმა სტუდენტებმა არაუგვიანეს ა/წ 18 ოქტომბრის 13:00 საათისა უნდა გადმოგზავნონ სააპლიკაციო დოკუმენტაციის სრული ჩამონათვალი შემდეგი ელ-ფოსტის მისამართზე: [email protected]

• მეილის სათაურში ქართულ ენაზე მიუთითეთ: სახელი და გვარი, სწავლის საფეხური (მაგისტრატურა);
• მეილის ტექსტში მიუთითეთ: სახელი და გვარი (ლათინურად, როგორც პასპორტში გაქვთ), სწავლის საფეხური (Master), აკადემიური მოსწრების საშუალო ქულა (როგორც ნიშნების ფურცელში გაქვთ), უცხოური ენა (ინგლისური ან იტალიური);
• მეილზე დანართის სახით გადმოაგზავნეთ ქვემოთ მოცემული სააპლიკაციო დოკუმენტაცია PDF ფორმატში; თითოეულ მათგანს დაარქვით შესაბამისი სახელი ინგლისურად (მაგ.: Name & Surname_Motivation)

სააპლიკაციო დოკუმენტაცია:

• CV-ის ევროპული ფორმატი (ინგლისურ ენაზე)
• ცნობა სტუდენტის სტატუსის შესახებ (ინგლისურ ენაზე)
• ნიშნების ფურცელი (ინგლისურ ენაზე)
• მოტივაციის წერილი (ინგლისურ ამ იტალიურ ენაზე)
• სარეკომენდაციო წერილი (ინგლისურ ენაზე)
• ინგლისური ან იტალიური ენის ცოდნის დამადასტურებელი დოკუმენტი/სერტიფიკატი (ინგლისურენოვანი სტუდენტებისთვის საკმარისია უნივერსიტეტში ჩაბარებული ენის კომპეტენციის დასადგენი ტესტირების ცნობა – მინიმუმ B2 დონე – გაცემული სასწავლო პროცესის მართვის სამსახურის მიერ) *
• პასპორტის ასლი
• შევსებული სასწავლო ხელშეკრულება (დანართი 1, დამოწმებული მხოლოდ სტუდენტის ხელმოწერით; იხილეთ სასწავლო ხელშეკრულების შევსების გზამკვლევი)
• ბაკალავრის დიპლომი და დიპლომის დანართი

კანდიდატთა შესარჩევი პროცესი:

• დოკუმენტაციის შეგროვება და სააპლიკაციო დოკუმენტების [email protected]ზე გადმოგზავნა სტუდენტის მიერ;
• დოკუმენტაციის შემოწმება/eligibility check განვითარების და საერთაშორისო ურთიერთობების სამსახურის მიერ;
• გასაუბრება კანდიდატთა შესარჩევ კომისიასთან;
• კანდიდატებიდან სტიპენდიატების საბოლოო შერჩევა მასპინძელი უნივერსიტეტის მიერ.

კანდიდატთა შერჩევის კრიტერიუმები:

• აკადემიური მოსწრება: 0-10
• მოტივაცია: 0-10
• ზეპირი პრეზენტაცია/ენობრივი კომპეტენცია: 0-10
• მოწყვლადი ჯგუფები: 0-1

მნიშვნელოვანი ინფორმაცია:

* მაგისტრატურის საფეხურის სტუდენტებს, რომლებსაც არ აქვთ ინგლისური ან/და იტალიური ენის ცოდნის დამადასტურებელი დოკუმენტი (და არც BTU-ში აქვთ ჩაბარებული ინგლისური/იტალიური ენის გამოცდა), შესაძლებლობა აქვთ ა/წ 15 ოქტომბერს დაწერონ ტესტი. რეგისტრაციისთვის მოგვწერეთ მეილზე: [email protected]ზე არაუგვიანეს ა/წ 11 ოქტომბრის 13:00 საათისა.

დამატებითი ინფორმაცია:

• გაეცანით გზამკვლევს, რომელიც დეტალურად აღწერს მიმდინარე კონკურსში მონაწილეობის პროცესს;

დამატებითი კითხვების შემთხვევაში მოგვწერეთ [email protected]ზე.