დოქტორანტობის კანდიდატთა რეგისტრაცია, უცხო ენის გამოცდა, გასაუბრება, ჩარიცხვა

დოქტორანტობის კანდიდატთა რეგისტრაცია, უცხო ენის გამოცდა, გასაუბრება, ჩარიცხვა

წარმოსადგენი დოკუმენტების ჩამონათვალი

1. სადოქტორო საგანმანათლებლო პროგრამა „ბიზნესის ადმინისტრირება“:

2. სადოქტორო საგანმანათლებლო პროგრამა „ციფრული მმართველობა და ხელოვნური ინტელექტი საჯარო სექტორში“:

დოქტორანტობის კანდიდატთა საყურადღებოდ

კონკურსის პირველი ეტაპი – წარმოდგენილი დოკუმენტების მოთხოვნებთან შესაბამისობის შემოწმება/დადასტურება, ასევე, შესაბამისი დოკუმენტური დადასტურების არარსებობის შემთხვევაში უცხოურ (ამ დებულებაში მითითებულ შემთხვევებში – ასევე, ქართულ) ენაში გამოცდის (ტესტირება, ზეპირი, წერითი ან კომბინირებული ფორმა) ჩაბარება და მოთხოვნილ დონეზე ფლობის დადასტურება, რაც არის დაშვების პირობა შიდასაუნივერსიტეტო გამოცდაზე/გამოცდებზე (თუ ეს გამოცდა/გამოცდები გათვალისწინებულია პროგრამის კურიკულუმში), რომლითაც უნდა მოხდეს მოთხოვნილ სფერო(ებ)ში კომპეტენციის დადასტურება. კონკურსის პირველი ეტაპის დაძლევა (ყველა ზემოთ მოთხოვნილი პირობის დაკმაყოფილება) არის კონკურსის მეორე ეტაპზე დაშვების წინაპირობა;

კონკურსის მეორე ეტაპი – დოქტორანტობის კანდიდატი გადის საკონკურსო დარგობრივ კომისიასთან გასაუბრებაზე და წარადგენს კვლევის ხედვას (საკვლევი თემა/პრობლემა და მისი აქტუალობა, პრობლემის კომპლექსურობა, კვლევის მიზანი, საკვლევი ჰიპოთეზა, ლიტერატურის მიმოხილვა, მეთოდოლოგია, კვლევის მოსალოდნელი შედეგები, მათი გავლენა კვლევის სფეროზე და ა.შ.).

პირი დოქტორანტურაში შეიძლება ჩაირიცხოს თუ დააკმაყოფილებს პროგრამაზე სწავლისთვის დადგენილ ყველა პირობას. ჩარიცხვა ხდება გამოცხადებული ვაკანტური ადგილების ფარგლებში, კონკურსის შედეგების საფუძველზე;

თანაბარქულიანი დოქტორანტობის კანდიდატთა შემთხვევაში მხედველობაში მიიღება: კვლევის ხედვაში მიღებულ შეფასება, ასევე სამეცნიერო პუბლიკაციების არსებობა/რაოდენობა; სამეცნიერო კონფერენციებში მონაწილეობა; სასწავლო/კვლევით საქმიანობასთან დაკავშირებული სხვა დოკუმენტები და მასალები (სერტიფიკატები, პატენტები, ა.შ.).

თითოეული დოქტორანტისთვის კვლევის თემა, სადოქტორო ნაშრომის სათაური და დოქტორანტის სამეც­ნი­ერო ხე­ლ­მ­ძ­ღვანელის ვინაობა მტკი­ც­დება სადისერ­ტა­ციო საბ­ჭოს მიერ დოქტორანტურაში ჩარიცხ­ვი­ს­თა­ნავე მაგ­რამ არაუგვიანეს დოქტორანტურაში სწავ­ლის დაწყებისა.

პროგრამა ხელს უწყობს დოქტორანტებისთვის ისეთი კომპეტენციებისა და ტრანსფერული უნარების გან­­ვითარებას, როგორიცაა, მაგ.: კვლევითი-სამეცნიერო საქმიანობის დაგეგმვა და განხორციელება, გრან­ტე­ბის მოძიება და ადმინისტრირება, ლიდერობა, ხელმძღვანელობა, სამეცნიერო ლიტერატურის კრიტი­კუ­ლი ანალიზი, მონაცემთა ანალიზი, სწავლება (პედაგოგიური უნარები), სამეცნიერო ენაზე აზრის გად­მო­ცემა და სხვა. პროგრამის სტრუქ­ტუ­რა მოი­ცავს სას­­წავლო კომ­პო­ნენ­ტს (არაუმეტეს 60 ECTS კრედიტი, მათ შორის არ­ჩევით და სავალ­დე­ბუ­ლო ნაწილს) და სამეც­ნიე­რო-კვლე­ვით კომპონენტს;

პროგრამის (კურიკულუმის) სასწავლო გეგმაში მითითებულია სასწავლო კურსების/სხვ., სამეცნიერო კვლევის პროექტის, კო­ლო­კ­­ვიუმის, სამეც­ნიე­რო პუბლიკაციების შესრულების და სადოქტორო ნაშ­რო­მის დაცვის სა­ვა­რა­უ­დო პერიოდები (ად­მი­ნისტრირების გამარტივებისთვის – სემესტრები), რაც შეიძ­ლება და­რ­­ჩეს უცვ­ლე­ლი/შე­ი­ც­ვა­ლოს დოქტორანტის ინდივიდუალური სასწავლო და/ან კვლევის გეგმ(ებ)ის შესაბა­მი­სად. საჯარო დაცვაზე სადოქტორო ნაშრომის წარ­დ­გე­ნამდე აუცი­ლე­ბე­ლია პროგრამის სასწავლო კომპონენტისთვის დადგენილი კრე­­დი­ტე­ბის მიღება, სა­მე­ც­ნიერო კვლევის პროექტის, კოლოკვიუმის, სამეცნიერო პუბლი­კა­ციე­ბის და წი­ნა­მდებარე დე­ბუ­ლებით დადგე­ნილი მოთხოვნების შესრულება;

ინდივიდუალურ სასწავლო და კვლევით გეგმებს ადგენენ  დოქტორანტი და მისი სამეცნიერო ხელმძღვანელი;

ინდივიდუალური სასწავლო გეგმა დგება დოქტორანტის ხელმძღ­ვა­ნე­ლის დანიშვნისთანავე. გეგმაში აისა­ხე­ბა სას­წავლო კომპონენტის სა­ვა­ლ­­დებულო და არჩე­ვი­თი სას­წავ­ლო კურსები/სხვ. და მათი გავლის სე­მესტ­­რე­ბით გაწერილი გრა­ფი­კი (გეგმაში რეკომენდაციის სახით შე­საძ­ლებელია მიეთითოს სასწავლო კურსები, რომლებიც არ არის გათვალისწინებული პროგრამით და რო­მელ­თა შესწავლა არის სასურველი);

ინდივიდუალური კვლევის გეგმა დგება არაუგვიანეს ერთი თვისა დოქ­ტო­­რანტურაში ჩა­რიც­ხვი­დან/სწავ­ლის და­წყებიდან. გეგმა იქმნება კვლევის განხო­რ­ციელებისა და სა­დოქტორო ნაშრომის მო­სამზადებლად, გეგმამ ხელი უნდა შეუწყოს დოქტორანტს დოქტორანტის საკვ­ლე­ვი თემის შესაბამისად საქმიანობის წარმართვასა და სადოქტორო ნაშრომის კანონმდებლობით და­დ­გე­ნილ ვადაში დასრულებაში. კვლევის გეგმაში მოკლედ არის მო­ცე­მუ­­ლი კვლე­ვის მიზანი, სადოქ­ტო­რო ნა­შ­რომის სტრუქ­ტუ­რა, კვლევის მეთოდოლოგია, კვლევის განხორციელების სავარაუდოო განრი­გი/გრა­­ფი­კი და სხვ. აუცილებელია ხელმძღვანელის მიერ დოქტორანტის სამეცნიერო-კვლევითი კომპო­ნენ­ტის თა­ნ­მიმდევრულად შესრულების პროგრესის პერიოდული დაკვირვება, უკუკავშირის მიცემა, დო­ქ­ტო­რან­ტის პროგრესიაზე დაკვირვება და განმავითარებელი შეფასების მიცემა.