BTU აცხადებს სტუდენტურ, წამახალისებელ ჯილდოს: ინფოგრაფიკებისა და ესეების კონკურსი მეცნიერებისა და ტექნოლოგიების თემაზე

BTU აცხადებს სტუდენტურ, წამახალისებელ ჯილდოს: ინფოგრაფიკებისა და ესეების კონკურსი მეცნიერებისა და ტექნოლოგიების თემაზე 

კონკურსის მიზანია BTU-ს სტუდენტების კვლევითი აქტივობის წახალისება, კვლევების შედეგების პრეზენტაციისა და წერითი უნარების განვითარება, ინოვაციური და კრეატიული იდეების ხელშეწყობა.      

BTU აწესებს ჯილდოს შემდეგ ნომინაციში:  

• კვლევის შედეგების ამსახველი საუკეთესო ვიზუალური მასალის (ინფოგრაფიკის) ავტორი;
• მეცნიერებისა და ინოვაციის თემაზე საუკეთესო ესეს ავტორი.

თოთოეულ ნომინაციაში გამარჯვებულისთვის ჯილდოს მოცულობა შეადგენს 300 ლარს.

 

კონკურსში მონაწილეობა შეუძლია BTU-ს აქტიური სტატუსის  მქონე ბაკალავრიატისა და მაგისტრატურის სტუდენტს;

წარმოსადგენი დოკუმენტები

კონკურსში მონაწილეობით დაინტერესებულმა სტუდენტმა უნდა წარმოადგინოს:

• განცხადება კონკურსში მონაწილეობის შესახებ;
• კვლევის შედეგების ამსახველი ვიზუალური მასალა (ინფოგრაფიკა), ან  
• ესე მეცნიერებისა და ინოვაციების თემაზე (იხილეთ ესეს სტრუქტურა)

 

კონკურსზე რეგისტრაციის წესი

აპლიკანტმა დოკუმენტები PDF ფორმატში უნდა გამოგზავნოს ელ.ფოსტაზე: [email protected]  2025  წლის 31 იანვარს  18:00 საათამდე.

 

შეფასება

ჯილდოზე წარმოდგენილი განაცხადები შეფასდება საკონკურსო კომისიის მიერ ქვემოთ მოცემული შეფასების კრიტერიუმების მიხედვით.

კრიტერიუმები კვლევის შედეგების ამსახველი ვიზუალური მასალის ნომინაციისათვის

კრიტერიუმი	ქულა
წარმოდგენილი მასალის დიზაინი, ორიგინალურობა და კრეატიულობა	1	2	3	მინიმუმ 1 მაქსიმუმ 3 ქულა
წარმოდგენილი ინფორმაციის სიცხადე	1	2	3	მინიმუმ 1 მაქსიმუმ 3 ქულა
მასალის პრეზენტაცია *	1	2	3	მინიმუმ 1 მაქსიმუმ 3 ქულა
ჯამური ქულა	მინიმუმ 3  მაქსიმუმ 9

 

* ინფოგრაფიკას წარმდგენმა სტუდენტმა საკონკურსო კომისიის წინაშე უნდა გააკეთოს მასალის პრეზენტაცია. პრეზენტაციის დრო და ადგილი სტუდენტს ეცნობება წინასწარ, ელექტრონული რეგისტრაციის დასრულების შემდეგ.

 

კრიტერიუმები მეცნიერებისა და ინოვაციის თემაზე საუკეთესო ესეს ნომინაციისათვის

კრიტერიუმი	ქულა
საკითხის აქტუალობა, სიცხადე და თანმიმდევრულობა, ესეს დიზაინი (სათაური, სტრუქტურა, აკადემიური ენა, ილუსტრაცია)	1	2	3	მინიმუმ 1 მაქსიმუმ 3 ქულა
ორიგინალურობა და კრეატიულობა	1	2	3	მინიმუმ 1 მაქსიმუმ 3 ქულა
მეცნიერებისა და ინოვაციის თემატიკასთან შესაბამისობა	1	2	3	მინიმუმ 1 მაქსიმუმ 3 ქულა
ჯამური ქულა	მინიმუმ 3  მაქსიმუმ 9

 

ჯილდოს მისაღებად აუცილებელი, მაგრამ არასაკმარისი პირობაა აპლიკანტმა მიიღოს 6 ან მეტი ქულა. 

 

მონაწილეობით დაინტერესებული სტუდენტებისთვის გაიმართება საკონსულტაციო შეხვედრები BTU-ს მეოთხე სართულის სივრცეში შემდეგ რიცხვებში:

• 17 დეკემბერი, 15:00;
• 24 დეკემბერი, 15:00;
• 16 იანვარი, 15:00.

კითხვების შემთხვევაში მიმართეთ ბტუ-ს კვლევების ცენტრს: [email protected]