BTU-ს ყოველწლიურ სამეცნიერო პრემიაზე რეგისტრაცია დაიწყო

ბიზნესისა და ტექნოლოგიების უნივერსიტეტი აცხადებს ყოველწლიურ სამეცნიერო პრემიას მეცნიერების, ტექნოლოგიებისა და ინოვაციებში მოღვაწეობის წახალისების, სამეცნიერო კარიერის განვითარებისათვის პერსონალის მოტივაციის ამაღლებისა და ბტუ-ს პრიორიტეტული დარგების განვითარების პოპულარიზაციის მიზნით.

ბტუ-ს მიერ დაწესებული სამეცნიერო პრემია გაიცემა ინოვაციებსა და ციფრული ტრანსფორმაციების დარგში. პრემია გაიცემა ერთჯერადად, კონკურსის წესით. ბტუ-ს მიერ დაწესებული პრემიის ოდენობა განისაზღვრება 5000 ლარით.

კონკურსის ადმინისტრირების გრაფიკი:

• კონკურსის გამოცხადება 8.04.2024
• საკონკურსო განაცხადის მიღება: 08.04.2024-03.05.2024 (18:00 საათი);
• მიღებული განაცხადების შესაბამისობის დადგენა კონკურსის პირობებთან: 07.05.2024-10.05.2024;
• კონკურსზე რეგისტრირებული განაცხადების შემფასებელი კომისიის შემადგენლობის დამტკიცება: 15.05.2024;
• შემფასებელი კომისიის სხდომა და განაცხადების შეფასება: 27.05.2024;
• კონკურსის შედეგების გამოცხადება – 29.05.2024.

კონკურსში მონაწილეობის პირობები:

კონკურსში მანაწილეობის მიღება შეუძლია ბტუ-ს აფილირებულ პერსონალს, ბტუ-ს არააფილირებულ და/ან მოწვეულ პერსონალს, რომელიც არ არის აფილირებული საქართველოს არცერთ სხვა უმაღლეს საგანმანათლებლო დაწესებულებასთან. 

კონკურსში მონაწილეობისათვის აუცილებელია შემდეგი დოკუმენტების წარმოდგენა:

• განცხადება კონკურსში მონაწილეობის შესახებ;
• Curriculum Vitae (ქართულ და ინგლისურ ენებზე) განახლებული ბოლო 1 წლის განმავლობაში ბტუ-ს სახელით გამოქვეყნებული სამეცნიერო ნაშრომების სიით (1,2,3), რომლებიც გამოქვეყნებულია ადგილობრივ და საერთაშორისო რეფერირებად, რეცენზირებად ჟურნალებში. პატენტის ან სხვა ინტელექტუალური საკუთრების შემთხვევაში არსებობის შემთხვევაში – მათი დამადასტურებელი დოკუმენტი.

(1. მონოგრაფიების, სახელმძღვანელოების, სტატიების, საკონფერენციო თეზისების ჩამონათვალი უნდა დასტურდებოდეს ელექტრონული ბმულების მითითებით;

2. უპირატესობა მიენიჭება იმ სამეცნიერო პუბლიკაციებს, რომლებიც ინდექსირებულია საერთაშორისო სამეცნიერო ბაზებში (Scopus, WoS, Erich plus, Index Copernicus, Google Scholar); 

 3 ე.წ. პრედატორ (PREDATORY JOURNALS) ჟურნალებში გამოქვეყნებული სამეცნიერო სტატიები არ მიიღება მხედველობაში, გადამოწმებისათვის  ეწვიეთ ბმულს.

• სამოტივაციო წერილი (ქართულ და ინგლისურ ენებზე);
• კონკურსანტის შეხედულებისამებრ დამატებითი დოკუმენტაცია შესაძლებელია წარმოდგენილ იქნას CV-ის დანართის სახით;

კონკურსში მონაწილეობის მისაღებად კონკურსანტმა საკონკურსო დოკუმენტაცია უნდა გამოაგზავნოს ელ.ფოსტაზე: [email protected].

განცხადება კონკურსში მონაწილეობის თაობაზე, კონკურსანტის CV და სამოტივაციო წერილი უნდა გაერთიანდეს ერთ PDF ფორმატის ფაილში სათაურით: კონკურსანტის გვარი_სამეცნიერო პრემია, ხოლო ნებისმიერი დამატებითი დოკუმენტი სათაურით: კონკურსანტის გვარი_დამატებითი საბუთები. დოკუმენტაციის ქართული და ინგლისური ვარიანტები ერთიანდება ცალ-ცალკე PDF ფაილებში. 

კონკურსზე რეგისტრირებული განაცხადების შეფასება

კონკურსზე რეგისტრირებული განაცხადების შეფასებას ახორციელებს ბტუ-ს რექტორის ბრძანებით დამტკიცებული კომისია შემდეგი კრიტერიუმების მიხედვით: 

თანაბარი ქულების დაგროვების შემთხვევაში უპირატესობა მიენიჭება იმ საკონკურსო განაცხადს, რომელიც მაღალ ქულას დააგროვებს პირველ კრიტერიუმში. აღნიშნულ კრიტერიუმში თანაბარი ქულების დაგროვების შემთხვევაში გადაწყვეტილებას იღებს საკონკურსო კომისია.

გისურვებთ წარმატებას!