ბიზნესისა და ტექნოლოგიების უნივერსიტეტი აცხადებს ღია კონკურსს აკადემიური თანამდებობების დასაკავებლად

შპს ბიზნესისა და ტექნოლოგიების უნივერსიტეტი აცხადებს ღია კონკურსს  აკადემიური თანამდებობების დასაკავებლად, შემდეგი მიმართულებებით:

1. კომპიუტერული მეცნიერებები: პროფესორი – 02 ვაკანსია; ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
2. ხელოვნური ინტელექტი: პროფესორი – 02 ვაკანსია; ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
3. პროგრამირება და პროგრამული ინჟინერია: პროფესორი – 01 ვაკანსია; ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
4. მონაცემთა დამუშავება და ანალიზი: პროფესორი – 01 ვაკანსია; ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
5. საერთშორისო სამართალი: პროფესორი – 02 ვაკანსია; ასოცირებული პროფესორი – 01 ვაკანსია;
6. ინფორმაციული და კიბერუსაფრთხოება: პროფესორი – 02 ვაკანსია; ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
7. ფინანსები: ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
8. ეკონომიკა: ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია;
9. მდგრადი განვითარება: ასოცირებული პროფესორი – 02 ვაკანსია; ასისტენტ-პროფესორი – 02 ვაკანსია. 

საკვალიფიკაციო მოთხოვნები და შერჩევის კრიტერიუმები ბტუ-ს „აკადემიური თანამდებობის დასაკავებლად კონკურსის ჩატარების დებულების“ შესაბამისად:

1. აკადემიური ნიშნით კონკურსში მონაწილეობისთვის საკონკურსო მოთხოვნებია:

• პროფესორის აკადემიური თანამდებობა: დოქტორის აკადემიური ან მასთან გათანაბრებული სამეცნიერო ხარისხი, სამეცნიერო-პედაგოგიური საქმიანობის არანაკლებ 6 წლის გამოცდილება, ბოლო 5 წლის განმავლობაში შესაბამის დარგში საერთაშორისო რეფერირებად რეცენზირებად გამოცემებში გამოქვეყნებული სამეცნიერო პუბლიკაცია/პუბლიკაც იები და/ან გამოცემული სამეცნიერო ნაშრომ(ებ)ი;
• ასოცირებული პროფესორის აკადემიური თანამდებობა: დოქტორის აკადემიური ან მასთან გათანაბრებული სამეცნიერო ხარისხი, სამეცნიერო-პედაგოგიური საქმიანობის არანაკლებ 3 წლის გამოცდილება, ბოლო 5 წლის განმავლობაში შესაბამის დარგში საერთაშორისო რეფერირებად რეცენზირებად გამოცემებში გამოქვეყნებული პუბლიკაცია/პუბლიკაციები და/ან გამოცემული ნაშრომ(ებ)ი;
• ასისტენტ-პროფესორის აკადემიური თანამდებობა: დოქტორის აკადემიური ან მასთან გათანაბრებული სამეცნიერო ხარისხი, ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაცია/პუბლიკაციები.

2. პროფესიული ნიშნით კონკურსში მონაწილეობისთვის საკონკურსო მოთხოვნებია:

• ასოცირებული პროფესორის აკადემიური თანამდებობა: მაგისტრის ან მასთან გათანაბრებული აკადემიური ხარისხი, უსდ-ში არანაკლებ 3 წლის პედაგოგიური მუშაობის გამოცდილება, შესაბამის დარგში არანაკლებ 5 წლის პროფესიული გამოცდილება, სპეციალური მომზადება ან პუბლიკაციები.
• ასისტენტ-პროფესორის აკადემიური თანამდებობა: მაგისტრის ან მასთან გათანაბრებული აკადემიური ხარისხი; შესაბამის დარგში არანაკლებ 3 წლის პროფესიული გამოცდილება, სპეციალური მომზადება ან პუბლიკაციები.

წარმოსადგენი დოკუმენტები:

1. 1. განცხადება საკონკურსო კომისიის თავმჯდომარის სახელზე (ბტუ-ში დადგენილი ფორმის მიხედვით);
   2. შევსებული კონკურსანტის ანკეტა (ბტუ-ში დადგენილი ფორმის მიხედვით);
   3. პირადობის დამადასტურებელი დოკუმენტი (პირადობის მოწმობის/ID ბარათი). უცხო ქვეყნის მოქალაქეობის შემთხვევაში – პასპორტის/პირადობის მოწმობის ასლი და სანოტარო წესით დამოწმებული ქართულენოვანი თარგმანი;
   4. უმაღლესი განათლების დამადასტურებელი დოკუმენტი. უცხოეთში მიღებული განათლების/კვალიფიკაციის დამადასტურებელი დოკუმენტის შემთხვევაში წარმოსადგენია უცხოეთში მიღებული განათლების/კვალიფიკაციის საქართველოში აღიარების დოკუმენტი;
   5. საკონკურსო მოთხოვნებთან შესაბამისობის დამადასტურებელი დოკუმენტები/ამსახველი ინფორმაცია:

• პროფესორის აკადემიურ თანამდებობაზე აკადემიური ნიშნით კონკურსში მონაწილე პირებისთვის სავალდებულოა: დოქტორის აკადემიური ან მასთან გათანაბრებული სამეცნიერო ხარისხის, სამეცნიერო-პედაგოგიური საქმიანობის არანაკლებ 6 წლის გამოცდილების, ბოლო 5 წლის განმავლობაში შესაბამის დარგში საერთაშორისო რეფერირებად რეცენზირებად გამოცემებში გამოქვეყნებული სამეცნიერო პუბლიკაცია/პუბლიკაციების და/ან გამოცემული სამეცნიერო ნაშრომ(ებ)ის დამადასტურებელი დოკუმენტაცია;
• ასოცირებული პროფესორის აკადემიურ თანამდებობაზე აკადემიური ნიშნით კონკურსში მონაწილე პირებისთვის სავალდებულოა: დოქტორის აკადემიური ან მასთან გათანაბრებული სამეცნიერო ხარისხის, სამეცნიერო-პედაგოგიური საქმიანობის არანაკლებ 3 წლის გამოცდილების, ბოლო 5 წლის განმავლობაში შესაბამის დარგში საერთაშორისო რეფერირებად რეცენზირებად გამოცემებში გამოქვეყნებული პუბლიკაცია/პუბლიკაციების და/ან გამოცემული ნაშრომ(ებ)ის დამადასტურებელი დოკუმენტაცია;
• ასოცირებული პროფესორის აკადემიურ თანამდებობაზე პროფესიული ნიშნით კონკურსში მონაწილე პირებისთვის სავალდებულოა: მაგისტრის ან მასთან გათანაბრებული აკადემიური ხარისხის, უსდ-ში არანაკლებ 3 წლის პედაგოგიური მუშაობის გამოცდილების, შესაბამის დარგში არანაკლებ 5 წლის პროფესიული გამოცდილების დამადასტურებელი დოკუმენტაცია;
• ასისტენტ-პროფესორის აკადემიურ თანამდებობაზე აკადემიური ნიშნით კონკურსში მონაწილე პირებისთვის სავალდებულოა: დოქტორის აკადემიური ან მასთან გათანაბრებული სამეცნიერო ხარისხის, ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაცია/პუბლიკაციების დამადასტურებელი დოკუმენტაცია.
• ასისტენტ-პროფესორის აკადემიურ თანამდებობაზე პროფესიული ნიშნით კონკურსში მონაწილე პირებისთვის სავალდებულოა: მაგისტრის ან მასთან გათანაბრებული აკადემიური ხარისხის, შესაბამის დარგში არანაკლებ 3 წლის პროფესიული გამოცდილების დამადასტურებელი დოკუმენტაცია;

უცხოეთის ორგანიზაციის/დაწესებულების მიერ გაცემული დოკუმენტის (ცნობა, სხვ.) შემთხვევაში,  დოკუმენტის ნოტარიულად დამოწმებული ქართულენოვანი თარგმანი;

6. სასწავლო კურსის სილაბუსი:

• კომპიუტერული მეცნიერებები: კომპიუტერული მეცნიერების თეორიული საფუძვლები/რიცხვითი მეთოდები/შესავალი კომპილერებში;
• ხელოვნური ინტელექტი: ხელოვნური ინტელექტის საწყისები/მანქანური სწავლება/ღრმა დასწავლა/კომპიუტერული ხედვა/ბუნებრივი ენის დამუშავება (NLP)/ნეირონული ქსელები/პროცესების ავტომატიზაცია/შესავალი ელექტრონიკასა და რობოტიქსში/ციფრული ტრანსფორმაცია/განმტკიცების სწავლა (Reinforcement learning);
• პროგრამირება და პროგრამული ინჟინერია: პროგრამირების პარადიგმები/პროგრამირება (Python)/ვებ პროგრამირება (Front End Development)/დაპროგრამება JVM პლატფორმაზე/ობიექტზე ორიენტირებული პროგრამირება (C# ენის ბაზაზე)/სტრუქტურული დაპროგრამება/ვებ პროგრამირება React პლატფორმაზე/ვებ პროგრამირება (Back End Development)/პროგრამული უზრუნველყოფის ავტომატიზირებული ტესტირება/პროგრამული უზრუნველყოფის ტესტირების საფუძვლები/პროგრამირების ფუნქციონალური ენა (elixir/lisp/clojure/haskell);
• მონაცემთა დამუშავება და ანალიზი: მონაცემთა სტრუქტურები და ალგორითმები (C, I)/ მონაცემთა სტრუქტურები და ალგორითმები (C++, II)/ მონაცემთა სტრუქტურები და ალგორითმები (გაღრმავებული კურსი)/მონაცემთა ბაზების საწყისები/მონაცემთა ბაზების ადმინისტრირება/Big Data ანალიტიკა/MS Power BI ანალიტიკა/მონაცემთა ანალიტიკა (Python)/ოპერაციათა კვლევა;
• საერთშორისო სამართალი: საერთაშორისო სამართალი/საერთაშორისო ჰუმანიტარული სამართალი;
• ინფორმაციული და კიბერუსაფრთხოება: კიბერუსაფრთხოება/ინფორმაციული უსაფრთხოება/მონაცემთა უსაფრთხოება/ინფორმაციული უსაფრთხოების მენეჯმენტი/კიბერუსაფრთხოების სტრატეგიის საფუძვლები/პერსონალურ მონაცემთა დაცვა/კიბერუსაფრთხოების მართვა/კიბერ ომი/უსაფრთხოების გამოწვევები, საფრთხეები და თანამედროვე ტექნოლოგიები;
• ფინანსები: რაოდენობრივი მეთოდები ფინანსებში/ფინანსური მენეჯმენტი/კორპორაციული ფინანსები/ინვესტიციები/რისკების მართვა/ფინანსური ინსტიტუტები და ბაზრები/მდგრადი ფინანსები/მწვანე დაფინანსება/დერივატივების მართვა/ფინანსური მოდელირება/ფინანსური პროგნოზირება;
• ეკონომიკა: ეკონომიკის პრინციპები/მიკროეკონომიკის საფუძვლები/მაკროეკონომიკის  საფუძვლები/ ეკონომიკის განვითარება და ტენდენციები;
• მდგრადი განვითარება: ბიზნესი და მდგრადი განვითარება/მდგრადი დაფინანსება/პასუხისმგებლიანი ბიზნეს ქცევა და ბიზნესის მდგრადი განვითარება/ცირკულარული ეკონომიკა და მდგრადი განვითარება.

უმაღლესი განათლების შესახებ საქართველოს კანონის 32-ე მუხლის მე-2 პუნქტის შესაბამისად, სავალდებულოა, შერჩეულმა კანდიდატებმა ხელშეკრულების გაფორმებამდე წარმოადგინონ ცნობა „სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ“. საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის პირი არ არის ნასამართლევი ან/და პირი, რომელსაც იმავე კანონის საფუძველზე სასამართლოს არ აქვს ჩამორთმეული საგანმანათლებლო დაწესებულებაში საქმიანობის უფლება.

კონკურსის ვადები:

• საკონკურსო საბუთების მიღება:  14.08.2023 – 21.08.2023 (18:00 საათი);
• კონკურსის I ეტაპი (საკონკურსო საბუთების შესწავლა და შედეგების გამოცხადება): 22.08.2023 – 29.08.2023;
• კონკურსის I ეტაპის შედეგების გასაჩივრება: 30.08.2023 (18:00 საათი);
• საპრეტენზიო კომისიის შექმნა: 31.08.2023
• კონკურსის I ეტაპის შედეგების საპრეტენზიო განაცხადების განხილვა და განხილვის შედეგების განთავსება ბტუ-ს ოფიციალურ ვებგვერდზე: 01.09.2023 – 04.09.2023;
• კონკურსის II ეტაპი (საკონკურსო კომისიასთან გასაუბრება – სწავლების და/ან კვლევის კონცეფციის წარდგენა): 05.09.2023 – 11.09.2023;
• კონკურსის საბოლოო შედეგების გამოცხადება: არაუგვიანეს 12.09.2023;
• კონკურსში გამარჯვებულთა აკადემიურ თანამდებობებზე დანიშვნის შესახებ ბრძანების გამოცემა: არაუგვიანეს 15.09.2023.

დამატებითი პირობები:

კონკურსანტი უნდა აკმაყოფილებდეს შესაბამისი აკადემიური თანამდებობისთვის დადგენილ მოთხოვნებს და მის მიერ წარმოდგენილი დოკუმენტებით და „კონკურსანტის ანკეტაში“ მითითებული ინფორმაციით უნდა დასტურდებოდეს ამ მოთხოვნებთან შესაბამისობა. საკონკურსო საბუთების შესწავლისას საკონკურსო კომისია დაეყრდნოს კონკურსანტის მიერ წარმოდგენილ დოკუმენტებს და „კონკურსანტის ანკეტაში“ მითითებულ ინფორმაციას. კონკურსანტი პასუხიმგებელია  „კონკურსანტის ანკეტაში“ მითითებული ინფორმაციის უტყუარობაზე.  თანაბარქულიანი კონკურსანტების შემთხვევაში უპირატესობა მიენიჭოს კონკურსანტს, რომელსაც უდასტურდება საზღვარგარეთ (ევროპის ქვეყნებში/აშშ-ში) მიღებული განათლება/კვალიფიკაცია და წარდგენილი სასწავლო კურსის ინგლისურ ენაზე გაძღოლის კომპეტენცია. ამასთან, საინფორმაციო ტექნოლოგიების სფეროს ვაკანსიების შემთხვევაში – დარგობრივი საერთაშორისო აღიარებული სერტიფიკატის არსებობას.

საკონკურსო კომისიასთან გასაუბრების (სწავლების/კვლევის ხედვის წარდგენის) რეგლამენტად თითოეული კონკურსანტისთვის განსაზღვრულია არაუმეტეს 20 წუთი.

საბუთების წარდგენა იწარმოებს ელ.ფორმით,  ბტუ-ს ელ.ფოსტაზე – [email protected] გაგზავნით.

საკონკურსო საბუთების და საპრეტენზიო განცხადებების მიღებისა და დაინტერესებულ პირთა ინფორმირებისათვის სამუშაო დღეებია: ორშაბათი-პარასკევი, 10:00  სთ–დან 18:00 სთ–მდე.

კონკურსთან დაკავშირებული კითხვების შემთხვევაში დაგვიკავშირდით: [email protected]

კონკურსანტთა ინფორმირებისთვის კონკურსის ყველა ეტაპის შედეგები განთავსდება ბტუ-ს ვებგვერდზე – https://btu.edu.ge/

კონკურსანტთა შეფასების ფორმები:

კონკურსანტის შეფასება

სასწავლო კურსის სილაბუსის შეფასება

სწავლებისა და კვლევის კონცეფციის შეფასება