ბიზნესისა და ტექნოლოგიების უნივერსიტეტი აცხადებს კონკურსს „სამეცნიერო პრემია – ინოვაციები და ციფრული ტრანსფორმაცია“

შპს ბიზნესისა და ტექნოლოგიების უნივერსიტეტი აცხადებს სამეცნიერო პრემიას მეცნიერების, ტექნოლოგიებისა და ინოვაციებში მოღვაწეობის წახალისების, სამეცნიერო კარიერის განვითარებისათვის პერსონალის მოტივაციის ამაღლებისა და ბტუ-ს პრიორიტეტული დარგების განვითარების პოპულარიზაციის მიზნით. 

ბტუ-ს მიერ დაწესებული სამეცნიერო პრემია გაიცემა ინოვაციებსა და ციფრული ტრანსფორმაციების დარგში. პრემია გაიცემა ერთჯერადად, კონკურსის წესით. ბტუ-ს მიერ დაწესებული პრემიის ოდენობა განისაზღვრება 5000 ლარით.

კონკურსის ადმინისტრირების გრაფიკი:

• საკონკურსო დოკუმენტაციის ელექტრონული წარდგენის ბოლო ვადა 15.05.2026;
• განაცხადების შესაბამისობის დადგენა საკონკურსო მოთხოვნებთან 18-22.05.2026;
• საკონკურსო კომისიის შექმნა და მათთვის განაცხადების დაგზავნა 25-29.05.2026;
• საკონკურსო კომისიის სხდომა 8-12.06.2026;
• გამარჯვებული აპლიკანტების გამოვლენა და დამტკიცება 12.06.2026;
• გამარჯვებული აპლიკანტების დაჯილდოვება – ივნისი

კონკურსში მონაწილეობის პირობები:

კონკურსში მანაწილეობის მიღება შეუძლია: ბტუ-ს აფილირებულ პერსონალს; ბტუ-ს არააფილირებულ და/ან მოწვეულ პერსონალს, რომელიც არ არის აფილირებული საქართველოს არცერთ სხვა უმაღლეს საგანმანათლებლო დაწესებულებასთან. 

კონკურსში მონაწილეობისათვის აუცილებელია შემდეგი დოკუმენტების წარმოდგენა:

• განცხადება კონკურსში მონაწილეობის შესახებ;
• Curriculum Vitae განახლებული ბოლო 3 წლის განმავლობაში ბტუ-ს სახელით გამოქვეყნებული სამეცნიერო ნაშრომების სიით (1,2,3), რომლებიც გამოქვეყნებულია ადგილობრივ და საერთაშორისო რეფერირებად, რეცენზირებად ჟურნალებში. პატენტის ან სხვა ინტელექტუალური საკუთრების შემთხვევაში არსებობის შემთხვევაში – მათი დამადასტურებელი დოკუმენტი 

(1. მონოგრაფიების, სახელმძღვანელოების, სტატიების, საკონფერენციო თეზისების ჩამონათვალი უნდა დასტურდებოდეს ელექტრონული ბმულების მითითებით;

2. უპირატესობა მიენიჭება იმ სამეცნიერო პუბლიკაციებს, რომლებიც ინდექსირებულია საერთაშორისო სამეცნიერო ბაზებში (Scopus, WoS, Erich plus, Index Copernicus, Google Scholar);

3 ე.წ. პრედატორ (PREDATORY JOURNALS) ჟურნალებში გამოქვეყნებული სამეცნიერო სტატიები არ მიიღება მხედველობაში, გადამოწმებისათვის  იხ. ლინკი https://beallslist.net/ );

• სამოტივაციო წერილი;
• კონკურსანტის შეხედულებისამებრ დამატებითი დოკუმენტაცია შესაძლებელია წარმოდგენილ იქნას CV-ის დანართის სახით;

კონკურსში მონაწილეობის მისაღებად კონკურსანტმა საკონკურსო დოკუმენტაციის პაკეტი უნდა გამოაგზავნოს ელ.ფოსტაზე: info@btu.edu.ge.

განცხადება კონკურსში მონაწილეობის თაობაზე, კონკურსანტის CV  და სამოტივაციო წერილი უნდა გაერთიანდეს ერთ PDF ფორმატის ფაილში სათაურით: კონკურსანტის გვარი_სამეცნიერო პრემია, ხოლო ნებისმიერი დამატებითი დოკუმენტი სათაურით: კონკურსანტის გვარი_დამატებითი საბუთები.

კონკურსზე რეგისტრირებული განაცხადების შეფასება

კონკურსზე რეგისტრირებული განაცხადების შეფასებას ახორციელებს ბტუ-ს რექტორის ბრძანებით დამტკიცებული კომისია შემდეგი კრიტერიუმების მიხედვით: 

თანაბარი ქულების დაგროვების შემთხვევაში უპირატესობა მიენიჭება იმ საკონკურსო განაცხადს, რომელიც მაღალ ქულას დააგროვებს პირველ კრიტერიუმში. აღნიშნულ კრიტერიუმში თანაბარი ქულების დაგროვების შემთხვევაში გადაწყვეტილებას იღებს საკონკურსო კომისია.

გისურვებთ წარმატებას!