BTU’s Participation in the First EaP Women in Tech Meeting

ბიზნესისა და ტექნოლოგიების უნივერსიტეტის (BTU) წარმომადგენლებმა მონაწილეობა მიიღეს პირველ EaP Women in Tech შეხვედრაზე, რომელიც გაიმართა კიშინიოვში, მოლდოვაში, GIZ აღმოსავლეთ პარტნიორობის ფონდის მიერ მხარდაჭერილი პროექტის „ელექტრონული მმართველობა და დიჯიტალიზაცია აღმოსავლეთ პარტნიორობის ქვეყნებში“ ფარგლებში.

ღონისძიების მიზანი იყო სხვადასხვა დაინტერესებული მხარეების შეკრება აღმოსავლეთ პარტნიორობის ქვეყნებიდან, რათა ხელი შეუწყოს მათ შორის ცოდნის გაცვლას და სწავლას, წაახალისოს მათი თანამშრომლობა და დიალოგი და წარმოაჩინოს მოლდოვას წარმატებული პრაქტიკა ქალთა ტექნიკურ სფეროში ჩართულობის მიმართულებით.

სამუშაო ვიზიტის დროს, აზერბაიჯანის, სომხეთის, საქართველოს და მოლდოვის ინსტიტუტების წარმომადგენლებმა (როგორც სახელმწიფო სექტორის წარმომადგენლებმა, ასევე კერძო სექტორის წარმომადგენლებმა) გამართეს დისკუსიები iHUB კიშინიოვში, Tekwill in Chişinău, Tekwill Bălți და ისარგებლეს ქალთა ჩართულობის პრაქტიკის გაცვლის შესაძლებლობით. BTU-ს გუნდის წევრებმა წარმოადგინეს სხვადასხვა ინიციატივა, რომლებიც სპეციალურად შექმნილია და ემსახურება ქალთა გაძლიერებას საქართველოში.

პროგრამა ასევე მოიცავდა ინსპირაციულ სესიებს, რომელსაც ხელი შეუწყო მოლდოვის ICT კომპანიების ასოციაციამ (ATIC), მონაწილეებს მიეცათ შესაძლებლობა დასწრებოდნენ „შეხვედრას დორინ რეჩანთან – მოლდოვის რესპუბლიკის პრემიერ მინისტრთან“, ასევე გალა ღონისძიებაზე, რომელიც ეძღვნებოდა 7 Tekwill-ის წელს.

პროექტი „ციფრული მმართველობა და დიჯიტალიზაცია აღმოსავლეთ პარტნიორობის ქვეყნებში“ მიზნად ისახავს გააძლიეროს და დააკავშიროს შესაბამისი აქტორები და ხელისუფლება, რომლებიც ჩართული არიან ელექტრონულ მმართველობასა და საჯარო სერვისების გაციფრულებაში.