სესიები კიბერუსაფრთხოების შესახებ (დასრულებულია)

სესიები კიბერუსაფრთხოების შესახებ – პროექტი გულისხმობდა 2 თვიან სესიებს, რომელიც მოიცავდა ეროვნული კიბერუსაფრთხოების სტრატეგიით განსაზღვრულ ყველა ძირითად მიმართულებას და უზრუნველყოფდა ძირითადი სახელმწიფო თუ კერძო სექტორის აქტორების, დარგის ექსპერტების ჩართულობას.

• კიბერსივრცის გამოყენება თანამედროვე კონფლიქტებში ყოველდღიური რეალობაა. რუსეთი, ირანი, ჩინეთი, ჩრდილოეთ კორეა…გავლენა გლობალურ პოლიტიკაზე; დესტრუქციული კიბერპოტენციალი ქსელების მწყობრიდან გამოყვანიდან არჩევნების შედეგებით მანიპულაციამდე; რა კიბერსაფრთხეებთან უწევს კონფრონტაცია საქართველოს; რას ემუქრება კიბერომი;

• დისკუსიაზე მთავარი ყურადღება დაეთმო 2008 წლის რუსეთ-საქართველოს ომის კიბერგანზომილებას, 2008-14 წწ. ასევე განხილული იყო, კიბერშპიონაჟის ფაქტები, სხვა გახმაურებული კიბერშეტევები, მათი ტექნოლოგიური და პოლიტიკური მხარე. რა გვასწავლა ომმა კიბერსივრცეში, კიბერუსაფრთხოების მდგომარეობა მაშინ და ამჟამად.

• დისკუსიის მცირე მიმოხილვა: სახელმწიფო უწყებებისა თუ ბიზნეს-ორგანიზაციის არსებობა კიბერაქტივობების გარეშე წარმოუდგენელია. იგი გამოიყენება არა მარტო ყოველდღიური ფუნქციების შესასრულებლად, არამედ უზრუნველყოფს ჩართულობას და სათანადო ინფორმირებულობას, წარმოადგენს კავშირის ძირითად საშუალებას. კიბერსივრცის მზარდი გამოყენების პროპორციულად იზრდება რისკები. სამწუხაროდ, იმუნიტეტი კიბერსაფრთხეებზე არ არსებობს, თუმცა სწორი საგანმანათლებლო პოლიტიკით კიბერსაფრთხეების დიდი ნაწილის პრევენცია მცირე დანახარჯებითაცაა შესაძლებელი. კიბერინციდენტების 80-90% მომხმარებლის დაბალი ცნობიერების ბრალია. End User-ის მიერ გამოწვეული ფინანსური ზარალი ასეულ მილიონობით დოლარს უტოლდება. თანამშრომელი კიბერუსაფრთხოების ყველაზე მოწყვლადი რგოლია,
  თუმცა შესაბამისი განათლების მიცემის შემდეგ, იგი შეიძლება თავდაცვის ყველაზე მყარ დასაყრდენად იქცეს.

• რა უნდა იცოდეს ტოპ მენეჯერმა კიბერუსაფრთხოების შესახებ – კიბერუსაფრთხოება მცირე და საშუალო ბიზნესისთვის: საუკეთესო პრაქტიკა, მიდგომები, პერსპექტივები.

• დისკუსიის მთავარი თემა იყო, თუ როგორ ვებრძოლოთ კიბერბულინგს, რა უნდა იცოდეს თინეიჯერმა, მშობელმა, პედაგოგმა ან სკოლის უსაფრთხოების მუშაკმა კიბერბულინგის, „მკვლელი“ თამაშებისა და ინტერნეტ-საფრთხეების შესახებ.