მობილობა

საერთაშორისო მობილობა ბიზნესისა და ტექნოლოგიების უნივერსიტეტის ინტერნაციონალიზაციის სტრატეგიის ერთ-ერთი მნიშვნელოვანი მიმართულებაა. Erasmus+ პროგრამის, ორმხრივი თანამშრომლობის შეთანხმებების, ორი სადიპლომო პროგრამებისა და საერთაშორისო აკადემიური პარტნიორობის ფარგლებში, BTU ყოველწლიურად სტუდენტებს, აკადემიურ და ადმინისტრაციულ პერსონალს სთავაზობს საერთაშორისო განათლებისა და პროფესიული განვითარების მრავალფეროვან შესაძლებლობებს.

უნივერსიტეტის სტუდენტებს შესაძლებლობა აქვთ, სწავლა გააგრძელონ ევროპისა და მსოფლიოს სხვადასხვა ქვეყნის პარტნიორ უნივერსიტეტებში, მიიღონ საერთაშორისო აკადემიური გამოცდილება, განივითარონ ინტერკულტურული კომპეტენციები და ჩაერთონ ორ სადიპლომო საგანმანათლებლო პროგრამებში. აკადემიური და ადმინისტრაციული პერსონალისთვის საერთაშორისო მობილობა მოიცავს სწავლების, პროფესიული გადამზადების, სამუშაო პროცესზე დაკვირვების (Job Shadowing), გამოცდილებისა და საუკეთესო პრაქტიკის გაზიარების შესაძლებლობებს, რაც ხელს უწყობს პროფესიული კომპეტენციების განვითარებასა და საერთაშორისო ინსტიტუციური თანამშრომლობის გაღრმავებას.

ამავდროულად, BTU აქტიურად მასპინძლობს უცხოელ სტუდენტებს, პროფესორებსა და ადმინისტრაციულ პერსონალს მსოფლიოს სხვადასხვა პარტნიორი უნივერსიტეტიდან. საერთაშორისო მობილობა ხელს უწყობს მულტიკულტურული აკადემიური გარემოს განვითარებას, საერთაშორისო გამოცდილებისა და ცოდნის გაზიარებას, ერთობლივი საგანმანათლებლო ინიციატივების განხორციელებასა და უნივერსიტეტის საერთაშორისო აკადემიურ სივრცეში ინტეგრაციის გაძლიერებას.

საერთაშორისო მობილობის პროცესების გამარტივების, გამჭვირვალობისა და ხელმისაწვდომობის უზრუნველყოფის მიზნით, BTU-ის ტექნოლოგიურმა გუნდმა შექმნა სპეციალიზებული ციფრული პლატფორმა – btumobility.ge, რომელიც აერთიანებს სტუდენტებისა და აკადემიური და ადმინისტრაციული პერსონალის ორმხრივი საერთაშორისო მობილობის შესაძლებლობებს.

პლატფორმა წარმოადგენს საერთაშორისო მობილობის მართვის ერთიან ციფრულ სივრცეს, რომელიც მოიცავს Erasmus+ პროგრამის, ორმხრივი გაცვლითი შეთანხმებების, ორი სადიპლომო პროგრამებისა და სხვა საერთაშორისო პარტნიორობის ფარგლებში გამოცხადებულ შესაძლებლობებს. მისი საშუალებით დაინტერესებულ პირებს შეუძლიათ მიიღონ დეტალური ინფორმაცია მიმდინარე კონკურსების, პარტნიორი უნივერსიტეტების, ხელმისაწვდომი მობილობის მიმართულებების, მონაწილეობის პირობების, შერჩევის კრიტერიუმებისა და განაცხადების წარდგენის ვადების შესახებ.

პლატფორმა უზრუნველყოფს განაცხადების ელექტრონულად წარდგენას, საჭირო დოკუმენტაციის ატვირთვასა და შერჩევის შესაბამის ეტაპებში დისტანციურად მონაწილეობას. ციფრული პროცესების ინტეგრაციისა და ავტომატიზაციის გზით, btumobility.ge ხელს უწყობს საერთაშორისო მობილობის ადმინისტრირების ეფექტიანობის ზრდას, პროცედურების გამჭვირვალობასა და სტუდენტებისა და პერსონალისთვის ერთიანი, მოქნილი და მომხმარებელზე ორიენტირებული მომსახურების უზრუნველყოფას.