ჩვენ, კურსდამთავრებულებს ვთავაზობთ მრავალფეროვან სერვისებს, რომლებიც მიმართულია მათი უწყვეტი პროფესიული განვითარების მხარდაჭერისა და კარიერულ წინსვლაში ხელშეწყობისკენ. ჩვენი სერვისები მოიცავს მორგებულ დასაქმების შესაძლებლობებზე წვდომას, უწყვეტი განათლების პროგრამებში მონაწილეობას, კარიერულ კონსულტაციას და დასაქმების ფორუმებში ჩართულობას. გარდა ამისა, კურსდამთავრებულებს ვიწვევთ Alumni Networking Events-ში, რაც ქმნის ფასდაუდებელ შესაძლებლობებს პროფესიული ქსელის გაფართოებისთვის, გამოცდილების გაზიარებისა და ინდუსტრიის ლიდერებთან ურთიერთობისთვის, რათა BTU-სთან მათი კავშირი მტკიცედ შენარჩუნდეს კურსის დამთავრების შემდეგაც.
უწყვეტი განათლების პროგრამა
ბიზნესისა და ტექნოლოგიების უნივერსიტეტში, ყველა კურსდამთავრებულისთვის მოქმედებს უწყვეტი განათლების პროგრამა, რომლის ფარგლებშიც, მთელი სიცოცხლის განმვლობაში, სრულიად უფასოდ, ხელმისაწვდომი იქნება უნივერსიტეტში ყველა მოქმედი პროგრამის სასწავლო კურსები.
Alumni Networking Event
კარიერული განვითარების ცენტრი კურსდამთავრებულებისთვის აორგანიზებს Alumni Networking ღონისძიებას, რომლის მიზანია შეიქმნას კურსდამთავრებულების მყარი პროფესიული ქსელი. ღონისძიება მოიცავს ინტერაქტიულ სესიებს, რომლის ფარგლებშიც კურსდამთავრებულები შეძლებენ გააზიარონ პროფესიული გამოცდილება, განიხილონ ინდუსტრიის მიმდინარე ტრენდები და დაამყარონ მნიშვნელოვანი კავშირები.
ტრენინგები და მასტერკლასები
კარიერული განვითარების ცენტრი სტუდენტებისა და კურსდამთავრებულებისთვის გეგმავს და აორგანიზებს ტრენინგებსა და მასტერკლასებს, რომელთა მიზანია პროფესიული და პიროვნული განვითარების ხელშეწყობა. შეხვედრები ორიენტირებულია როგორც პრაქტიკულ უნარებზე — ინდუსტრიის რეალური მაგალითებითა და პრაქტიკული დავალებებით, ისე რბილ კომპეტენციებზე: კომუნიკაცია, გუნდური მუშაობა, ლიდერობა, პრეზენტაციის უნარი და კრიტიკული აზროვნება.
სტუდენტებისთვის ეს არის შესაძლებლობა უკეთ გაიაზრონ საკუთარი კარიერული გზა და მოემზადონ წარმატებული დასაწყისისთვის, ხოლო კურსდამთავრებულებისთვის — კვალიფიკაციის ამაღლება, ახალი ცოდნის მიღება და არსებული კარიერის კიდევ უფრო გაძლიერება.
პროფესიული კარიერული კონსულტაცია
კარიერული განვითარების ცენტრი სტუდენტებსა და კურსდამთავრებულებს მთელი წლის განმავლობაში სთავაზობს ინდივიდუალური ფორმატის, პროფესიულ კარიერულ კონსულტაციებს.
პროფესიული კარიერული კონსულტაციისთვის, გთხოვთ, დაგვიკავშირდეთ ელ-ფოსტაზე: career@btu.edu.ge
იპოვე სასურველი დასაქმების შესაძლებლობა
კარიერული განვითარების ცენტრი სტუდენტებსა და კურსდამთავრებულებს მუდმივად უზიარებს ინფორმაციას დასაქმებისა და სტაჟირების შესაძლებლობების შესახებ. შეთავაზებული პოზიციები მჭიდროდ არის დაკავშირებული მათ აკადემიურ პროგრამებთან და პროფესიულ ინტერესებთან, რაც უზრუნველყოფს მიღებული თეორიული ცოდნის პრაქტიკაში გამოყენებასა და კარიერული განვითარების მხარდაჭერას.
დასაქმების ფორუმი - BTU Alumni for BTU Students
BTU Alumni for BTU Students ბიზნესისა და ტექნოლოგიების უნივერსიტეტის ინიციატივაა, რომლის ფარგლებშიც კურსდამთავრებულები რიგ შემთხვევაში წარმოადგენენ თავიანთ დაარსებულ სტარტაპებს ან უშუალოდ დამსაქმებელ კომპანიას, სტუდენტებს უზიარებენ ინფორმაციას სტაჟირების შესაძლებლობებისა და სხვადასხვა ღია პოზიციების შესახებ.