ერაზმუს+ საერთაშორისო კრედიტ-მობილობის პროგრამის სრულად დაფინანსებული გაცვლითი პროგრამები ბიზნესისა და ტექნოლოგიების უნივერსიტეტის მაგისტრატურის საფეხურის პირველი და მეორე სემესტრის სტუდენტებისთვის!

ერაზმუს+ საერთაშორისო კრედიტ-მობილობის პროგრამის ფარგლებში მოქმედი გაცვლითი პროგრამები:

 

კილის გამოყენებით მეცნიერებათა უნივერსიტეტი, გერმანია

ინგლისურენოვანი სასწავლო მიმართულება: ინფორმაციული სისტემების მართვა-DevOps (განაცხადის გაკეთების შესაძლებლობა აქვთ სტუდენტებს, რომლებსაც ბაკალავრიატის ხარისხი მინიჭებული აქვთ საინფორმაციო ტექნოლოგიების მიმართულებით).

სავალდებულო წინაპირობა: ინგლისური ენის მინიმუმ B2 დონეზე ფლობა (დადასტურებული შესაბამისი სერტიფიკატით/ცნობით- აღებული უკანასკნელი 2 წლის მანძილზე)

მობილობის პერიოდი: 2022/2023 სასწავლო წლის გაზაფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 850 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე. 

 

ცვიკაუს გამოყენებით მეცნიერებათა უნივერსიტეტი, გერმანია

ინგლისურენოვანი სასწავლო მიმართულება: ბიზნესის ადმინისტრირება და თანამედროვე ტექნოლოგიები

გერმანულენოვანი სასწავლო მიმართულებები: ბიზნესის ადმინისტრირება და თანამედროვე ტექნოლოგიები, ინფორმაციული სისტემების მართვა- DevOps

სავალდებულო წინაპირობა: ინგლისური ან გერმანული ენის მინიმუმ B2 დონეზე ფლობა (დადასტურებული შესაბამისი სერტიფიკატით/ცნობით – აღებული უკანასკნელი 2 წლის მანძილზე)

მობილობის პერიოდი: 2022/2023 სასწავლო წლის გაზაფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 850 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე.

 

ტუშას უნივერსიტეტი, იტალია

ინგლისურენოვანი სასწავლო მიმართულება: ბიზნესის ადმინისტრირება და თანამედროვე ტექნოლოგიები

სავალდებულო წინაპირობა: ინგლისური ენის მინიმუმ B2 დონეზე ფლობა

მობილობის პერიოდი: 2022/2023 სასწავლო წლის გაზაფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 850 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე. 

 

პოზნანის ეკონომიკისა და ბიზნესის უნივერსიტეტი, პოლონეთი

ინგლისურენოვანი სასწავლო მიმართულება: ბიზნესის ადმინისტრირება და თანამედროვე ტექნოლოგიები

სავალდებულო წინაპირობა: ინგლისური ენის მინიმუმ B2 დონეზე ფლობა (დადასტურებული შესაბამისი სერტიფიკატით/ცნობით – აღებული უკანასკნელი 2 წლის მანძილზე)

მობილობის პერიოდი: 2022/2023 სასწავლო წლის გაზაფხულის სემესტრი

სტიპენდია მოიცავს: უფასო სწავლა, ორმხრივი საერთაშორისო მგზავრობის ხარჯების ანაზღაურება, ყოველთვიური სტიპენდია: 800 ევროს ოდენობით (კვებისა და დაბინავების ხარჯების დასაფარად)

მასპინძელი უნივერსიტეტის მიერ შემოთავაზებული ინგლისურენოვანი საგნების ჩამონათვალი იხილეთ შემდეგ ბმულზე.

 

სააპლიკაციო პროცესი:

დაინტერესებულმა სტუდენტებმა არაუგვიანეს ა/წ 31 ოქტომბრის 12:00 საათისა უნდა შეავსონ სარეგისტრაციო ფორმა და გადმოგზავნონ სააპლიკაციო დოკუმენტაციის სრული ჩამონათვალი შემდეგი ელ-ფოსტის მისამართზე: [email protected]

 

• მეილის სათაურში ქართულ ენაზე მიუთითეთ: სახელი და გვარი, სწავლის საფეხური (მაგისტრატურა);
• მეილის ტექსტში მიუთითეთ: სახელი და გვარი (ლათინურად, როგორც პასპორტში გაქვთ), სწავლის საფეხური (Master), აკადემიური მოსწრების საშუალო ქულა (როგორც ნიშნების ფურცელში გაქვთ), სასურველი უნივერსიტეტების ჩამონათვალი, უცხოური ენა (ინგლისური ან გერმანული);
• მეილზე დანართის სახით გადმოაგზავნეთ ქვემოთ მოცემული სააპლიკაციო დოკუმენტაცია PDF ფორმატში; თითოეულ მათგანს დაარქვით შესაბამისი სახელი ინგლისურად (მაგ.: Name & Surname_Motivation)

 

სააპლიკაციო დოკუმენტაცია:

• CV-ის ევროპული ფორმატი (ინგლისურ ენაზე) 
• ცნობა სტუდენტის სტატუსის შესახებ (ინგლისურ ენაზე)
• ნიშნების ფურცელი (ინგლისურ ენაზე)
• მოტივაციის წერილი (ინგლისურ ან გერმანულ ენაზე)
• სარეკომენდაციო წერილი (ინგლისურ ენაზე)
• ინგლისური ან გერმანული ენის ცოდნის დამადასტურებელი დოკუმენტი/სერტიფიკატი (ინგლისურენოვანი სტუდენტებისთვის საკმარისია უნივერსიტეტში ჩაბარებული ენის კომპეტენციის დასადგენი ტესტირების ცნობა – მინიმუმ B2 დონე –  გაცემული სასწავლო პროცესის მართვის სამსახურის მიერ) *
• პასპორტის ასლი
• შევსებული სასწავლო ხელშეკრულება (დანართი 1 , დამოწმებული მხოლოდ სტუდენტის ხელმოწერით) (იხილეთ სასწავლო ხელშეკრულების შევსების გზამკვლევი)
• ბაკალავრის დიპლომი და დიპლომის დანართი
• სასურველი უნივერსიტეტების ჩამონათვალი 

 

კანდიდატთა შესარჩევი პროცესი:

• დოკუმენტაციის შეგროვება, online სარეგისტრაციო ფორმის შევსება და სააპლიკაციო დოკუმენტების [email protected]ზე გადმოგზავნა სტუდენტის მიერ;

• დოკუმენტაციის შემოწმება/eligibility check საგარეო ურთიერთობების სამსახურის მიერ;

• გასაუბრება კანდიდატთა შესარჩევ კომისიასთან;

• კანდიდატებიდან სტიპენდიატების საბოლოო შერჩევა მასპინძელი უნივერსიტეტის მიერ.

 

კანდიდატთა შერჩევის კრიტერიუმები:

• აკადემიური მოსწრება: 0-10
• მოტივაცია: 0-10
• ზეპირი პრეზენტაცია/ენობრივი კომპეტენცია: 0-10

 

მნიშვნელოვანი დეტალები: 

• COVID-19 პანდემიის პირობებში, შესაძლოა, შეიცვალოს სტუდენტის გამგზავრების პერიოდი და განისაზღვროს შემდეგი სახით: ნაცვლად 2022/2023 სასწავლო წლის გაზაფხულის სემესტრისა, 2023/2024 წლის შემოდგომის სემესტრი.  

 

დამატებითი ინფორმაცია:

• 2022 წლის თებერვალში საერთაშორისო ურთიერთობების სამსახურმა 47 ევროპულ უნივერსიტეტთან ერთად მოამზადა ახალი საპროექტო განაცხადები ერაზმუსის ახალ 2021-2027 წლიან პროგრამაზე, რომელთა შედეგებიც 2022 წლის ოქტომბერში გახდება ცნობილი. მიმდინარე უნივერსიტეტების სიას შეიძლება დაემატოს ახალი უნივერსიტეტებიც. გთხოვთ, თვალყური ადევნოთ განცხადებას;
• გაეცანით გზამკვლევს, რომელიც დეტალურად აღწერს მიმდინარე კონკურსში მონაწილეობის პროცესს;
• გაეცანით კონკურსების მიმდინარეობის მნიშვნელოვან თარიღებს;
• სტიპენდიებისა და სააპლიკაციო პროცედურების შესახებ  საინფორმაციო შეხვედრა გაიმართება ა/წ 13 ოქტომბერს 13:00 საათზე  ბიზნესისა და ტექნოლოგიების უნივერსიტეტის მეოთხე სართულის სივრცეში. შეხვედრაზე რეგისტრაცია მიმდინარეობს შემდეგი ბმულის მეშვეობით;  
• დამატებითი კითხვების შემთხვევაში მოგვწერეთ [email protected]ზე.

 

* მაგისტრატურის საფეხურის სტუდენტებს, რომლებსაც არ აქვთ ინგლისური ან/და გერმანული ენის ცოდნის დამადასტურებელი დოკუმენტი (და არც BTU-ში აქვთ ჩაბარებული ინგლისური/გერმანული ენის გამოცდა), შესაძლებლობა აქვთ ა/წ 17 ოქტომბერს დაწერონ ტესტი. რეგისტრაციისთვის მოგვწერეთ მეილზე: [email protected]ზე არაუგვიანეს ა/წ 13 ოქტომბრისა.