კონკურსი ასოცირებული პროფესორის პოზიციაზე ინგლისური ენის მიმართულებით

ბიზნესისა და ტექნოლოგიების უნივერსიტეტი აცხადებს ღია კონკურსს ასოცირებული პროფესორის აკადემიური თანამდებობის დასაკავებლად ინგლისური ენის მიმართულებით

ბიზნესისა და ტექნოლოგიების უნივერსიტეტის ასოცირებულ პროფესორად ინგლისური ენის მიმართულებით 3 (სამი) წლის ვადით შეიძლება არჩეულ იქნეს პირი რომელსაც აქვს:
ა) მაგისტრის ან მასთან გათანაბრებული ხარისხი ინგლისურ ენასა და ლიტერატურაში და უნივერსიტეტში პედაგოგიური მუშაობის არანაკლებ 5 (ხუთი) წლის გამოცდილება;
ბ) უპირატესობა მიენიჭებათ კანდიდატებს, რომლებიც ფლობენ საერთშორისო სერთიფიკატებს CELTA, DELTA.

პროფესორის თანამდებობაზე ასარჩევმა კანდიდატმა უნდა წარმოადგინოს:
ა) განცხადება საკონკურსო კომისიის სახელზე (დადგენილი ფორმის მიხედვით);
ბ) კონკურსანტის ანკეტა, (შევსებული დადგენილი ფორმის მიხედვით);
გ) პირადობის მოწმობის ასლი;
დ) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი (უცხო ქვეყანაში მიღებული განათლების ან/და სამეცნიერო ხარისხის აღიარების კანონმდებლობით დადგენილი წესით გაცემული დოკუმენტი, ასეთის არსებობის შემთხვევაში);
ე) სამეცნიერო-პედაგოგიური მუშაობის გამოცდილების დამადასტურებელი დოკუმენტი (ასეთის არსებობის შემთხვევაში);
ვ) სამეცნიერო პუბლიკაცია (ასეთის არსებობის შემთხვევაში);
ზ) სწავლებისა და კვლევების კონცეფცია/გეგმა. საკონკურსო დოკუმენტების მიღება იწარმოებს ელექტრონული სახით 2017 წლის 24 აგვისტოდან 2017 წლის 24 სექტემბრამდე, ელექტრონულ მისამართზე: [email protected]; კონკურსის შედეგები განთავსდება ბიზნესისა და ტექნოლოგიების უნივერსიტეტის ვებგვერდზე (www.btu.edu.ge) 2017 წლის 2 ოქტომბერს.