კიბერუსაფრთხოების ლაბორატორია

ბიზნესისა და ტექნოლოგიების უნივერსიტეტში 2017 წლიდან არსებობს კიბერუსაფრთხოების ლაბორატორია.


BTU Cyber Lab

ინიციატივა 5.0-ს ფარგლებში, საერთაშორისო პარტნიორების, სახელმწიფო სტრუქტურებისა და კერძო კომპანიების ჩართულობით, BTU Cyber Lab მომდევნო ერთი წლის განმავლობაში განახორციელებს: პროექტებს, კონკურსებს, ჰაკათონებს, ფორუმებს კიბერჰიგიენის და კიბერეთიკის გარშემო ცნობიერების ასამაღლებად, საგანმანათლებლო რესურსების შესაქმნელად, კვლევებს კიბერუსაფრთხოების უზრუნველსაყოფად სხვადასხვა ეკონომიკური სექტორების დიგიტალიზაციის პროცესში და სხვა. 

ინიციატივის ფარგლებში გაიმართება ჰაკათონი, ჩატარდება #SaferInternet Day კამპანია თბილისსა და რეგიონებში, შეიქმნება MOOCs რესურსი, მათ შორის დაიგეგმება ვებინარი რეგიონებში სამიზნე ჯგუფებისთვის; EU-ის დღის წესრიგის გათვალისწინებით შეიქმნება და განვითარდება ბროშურები და სახელმძღვანელოები ონლაინ უსაფრთხოების, მედია წიგნიერებისა და მოზარდების კიბერჰიგიენის შესახებ; 

მსმენელების საჭიროებებზე მორგებული ვორკშოფები და კონკურსები კიბერუსაფრთხოების საკითხებზე სკოლებსა და უნივერსიტეტებში ჩატარდება.

2021 წლის გაზაფზულზე გაიმართება ფორუმი EU-ის პოლიტიკის თემატიკაზე. 

სხვადასხვა აქტივობების პარალელურად, თეგეტა მოტორსთან თანამშრომლობით, ბიზნესისა და ტექნოლოგიების უნივერსიტეტში ჩატარდა კიბერუსაფრთხოების ჰაკათონი, რომლის ფარგლებშიც BTU-ს სტუდენტებმა თეორიული მასალის ათვისების შემდეგ იმუშავეს პრაქტიკულ ნაწილზე.


გარდა ამისა, Google Developers Student Clubs (BTU) ახალგაზრდებისთვის კიბერუსაფრთხოების ორ დღიან ჰაკათონს - Capture The Flag მასპინძლობს

მაქსიმუმ ორი ადამიანისგან დაკომპლექტებული გუნდები ერთმანეთს ამოცანების ამოხსნაში შეეჯიბრებიან.

 

ჰაკათონის პარტნიორია: საქართველოს კიბერუსაფრთხოების ჯგუფი, Entrepreneur და CyberTV.