ონლაინ ბიზნეს კლინიკა

 

სტარტაპებისთვის, მცირე და საშუალო ზომის ბიზესისთვის, BTU-ს ონლაინ ბიზნეს კლინიკა აგრძელებს ფუნქციონირებას. 

კლინიკა დაფუძნდა საქართველოში სამეწარმეო ეკოსისტემის მხარდაჭერის მისიის საპასუხოდ და ფუნქციონირებს მეწარმეთათვის საკონსულტაციო მომსახურების გაწევის და მხარდაჭერის მიზნით. ბენეფიციარებს, სრულიად უსასყიდლოდ, შეუძლიათ გაიარონ ონლაინ კონსულტაცია სტარტაპის ბიზნეს მოდელის, სტრატეგიული დაგეგმვის, ციფრული ტრანსფორმაციის და პროცესების დიჯიტალიზაციის, საერთაშორისო ბაზრებზე კომერციალიზაციის, ფინანსებთან წვდომის თუ სხვა აქტუალური თემების გარშემო.

ონლაინ ბიზნეს კლინიკის საკონსულტაციო ჯგუფი შედგება ბიზნესისა და ტექნოლოგიების უნივერსიტეტის აკადემიური და მოწვეული პერსონალისგან, მეწარმეობის ადგილობრივი და ბრიტანელი ექსპერტებისგან და ეკოსისტემის პარტნიორი ორგანიზაციების წარმომადგენლებისგან.

ონლაინ კონსულტაცია გაიმართება კვირაში ერთხელ და მას უხელმძღვანელებს ბიზნესის და ტექნოლოგიების უნივერსიტეტის ასოცირებული პროფესორი მეწარმეობის მიმართულებით, თამთა გველესიანი.

ონლაინ კონსულტაციები ბიზნეს კლინიკის ფარგლებში გაიმართება 2020 წლის მაისის ჩათვლით და მოიცავს შემდეგ საკითხებს:

  • ბიზნეს პროცესების გაციფრულება, დისტანციური სერვისების შეთავაზება;
  • სტარტაპის მართვის სტრატეგიული დაგეგმვა;
  • სტარტაპის ბიზნეს მოდელის დაგეგმვა, ფინანსური მოდელის დაგეგმვა;
  • მეწარმის წვდომა ფინანსებთან, ფინანსირების ალტერნატიული გზები;
  • მარკეტინგული სტრატეგიის დაგეგმვა და განხორციელება, ადგილობრივი და საერთაშორისო ბაზრები;
  • სხვა აქტუალური საკითხები სტარტაპის ყოველდღიურ საქმიანობაში.
მსურველ ბენეფიციარს, რეგისტრაციის გავლა შეუძლია მითითებულ ბმულზე


alt

BTU-ს ბიზნეს კლინიკა დისტნაციურ რეჟიმზე გადასვლის დღიდან სრულიად უფასოდ უწევს ონლაინ კონსულტაციას მცირე და საშუალო ბიზნესის წარმომადგენლებსა და მეწარმეებს.

ამ მოკლე პერიოდში ჩატარდა:

30 ინდივიდუალური კონსულტაცია სტარტაპის/მცირე და საშუალო ბიზნესისთვის;
118 სტარტაპერისთვის ვორკშოპი: ბიზნესის ონლაინ მართვა;
63 მეწარმესთვის ტრენინგი: ციფრული მარკეტინგი და გაყიდვები.

 ონლაინ ბიზნეს კლინიკა ელოდება ყველა მსურველს, ვისაც ესაჭიროება ონლაინ კონსულტაცია სტარტაპისთვის და მცირე/საშუალო ბიზნესისთვის.


alt

ტრენინგის მიზანია ხელი შევუწყოთ და დავეხმაროთ სტარტაპებსა და მცირე და საშუალო ზომის ბიზესს, თავიანთი პროდუქტისა თუ სერვისის ონლაინ გაყიდვად და ციფრული მარკეტინგის ეფექტიანად გამოყენებაში.

ტრენინგი ჩატარდა 13 და 14 აპრილს, საერთაშორისო კრეატიული სააგენტო ADM-ის თანადამფუძნებლების მიერ. 

 

• რა განსხვავებაა ტრადიციულ და ციფრულ მარკეტინგს შორის
• როგორ შეიცვალა 2017 წლის შემდგომ Facebook-ის ალგორითმი
• რა ტენდენციებია 2020 წელს Facebook-ზე
• პოსტების ტიპები და მათი მნიშვნელობა
• Instagram VS Facebook
• Digital მარკეტინგის ტერმინები და მათი მნიშვნელობა
• რეკლამის ტიპები



• როგორ გავაკეთოთ Facebook Shop-ი და დავაკავშიროთ საიტზე WooCommerce-თან
• როგორ დავაყენოთ Facebook Pixel და რაში გამოვიყენოთ
• როგორ მუშაობს Google Ads
• როგორ მოვახდინოთ Google-ში გვერდის პოზიციონირება
• როგორ გავხადოთ User ადაპტირებული ვებ-გვერდი
• რა უწყობს ხელს ონლაინ გაყიდვების ზრდას ვებ-გვერდიდან
• Facebook vs Google
• SEO ოპტიმიზაციის რეკომენდაციები



alt

უფასო ტრენინგი ჩვენი ბიზნეს კლინიკის ყველა ბენეფიციარისთვის: ელექტრონული ვაჭრობა - Amazon, Etsy, Ebay.


alt

უფასო ტრენინგი მეწარმე ქალთა გაძლიერებისთვის

ფინანსური გეგმის შემუშავება, ფინანსების მართვა და წვდომა ფინანსებთან - უფასო ტრენინგს ბენეფიციარი მეწარმე ქალები ბიზნესისა და ტექნოლოგიების უნივერისტეტისგან მიიღებენ. გაეროს ქალთა გაძლიერების პრინციპების ხელმომწერი BTU, COVID-19 -ის პანდემიის პირობებში ვებინარს გაეროს ქალთა ორგანიზაციის ტექნიკური მხარდაჭერით, SavvY Consulting-თან პარტნიორობით გამართავს.

გადამზადდება პირველი 100 ბენეფიციარი, რომელიც გაივლის რეგისტრაციას.
ტრენინგი ჩატარდება 23 აპრილს 19:00 საათზე. ტრენინგის დასრულების შემდეგ, მასალა განთავსდება სოციალურ მედიაში და იქნება ხელმისაწვდომი ყველა მსურველისთვის. ტრენინგს ჩაატარებს: SavvY Consulting-ის მმართველი პარტნიორი: მარიამ ქოიავა - HBX, ჰარვარდის ბიზნეს სკოლა, ACCA-ს წევრი.

ქალთა როლის გასაძლიერებლად მეწარმეობის და ტექნოლოგიების მიმართულებით, ბიზნესისა და ტექნოლოგიების უნივერსიტეტი არაერთ პროექტს ახორციელებს. ასეთებია კოდინგის სკოლა ქალებისთვის, იდეათონი ქალთა სამეწარმეო აქტივობის მხარდასაჭერად და სხვა.