Femtech

ქალთა როლის გაძლიერება ტექნოლოგიებში, პროგრამული ენების შესასწავლი უფასო კურსები მთელი ქვეყნის მასშტაბით, ქალთა დასაქმება ტექნოლოგიურ ინდუსტრიებში, ციფრული წიგნიერების დონის გაუმჯობესება და ფემტექ სექტორში პროგრამისტი ქალების მხარდაჭერა, ეს ის ჩამონათვალია, რომელსაც ბიზნესისა და ტექნოლოგიების უნივერსიტეტი (BTU) თავის პარტნიორებთან ერთად, ინიციატივა 5.0-ს ფარგლებში ახორციელებს Femtech ის მიმართულებით.

კოდინგის სკოლა ქალებისთვის, BTU-ში უკვე 2 წელია ფუნქციონირებს, ადგილობრივი და საერთაშორისო პარტნიორების ჩართულობით: აშშ-ის საელჩო საქართველო, გაეროს ქალთა ორგანიზაცია, ორგანიზაცია ,,ქალები მომავლისთვის’’, Microsoft, ტექნოლოგიების საერთაშორისო ცენტრები Webiz და StrategEeast.

ინიციატივის ფარგლებში რამდენიმე პროექტი, საქართველოში ეტაპობრივად ხორციელდება.
აშშ-ის საელჩო საქართველოში მხარდაჭერით
ხორციელდება პროექტი Women in Tech, რომელიც 2020 წლის ოქტომბერში დაიწყიპროექტი დაფინანსებულია აშშ-ის საელჩოს დემოკრატიის კომისიის მცირე გრანტების პროგრამის ფარგლებში. 

Women in Tech- ის ფარგლებში შერჩეული ბენეფიციარებისთვის სრული დაფინანსებით ხორციელდება 6 თვიანი ინტენსიური გადამზადების პროგრამა, ბანაკები/ვორქშოფები თბილისში, თელავში, ქუთაისსა და ბათუმში, იდეათონი, ასევე შეიქმნება საგანმანათლებლო ვებ-პლატფორმა, მომზადდება პოდკასტები, მომზადდება ვიდეო გაკვეთილები, ჩატარდება ფორუმები, ვებინარები, საინფორმაციო შეხვედრები და სხვა აქტივობები. 

6 თვიანი გადამზადების პროგრამის ფარგლებში ბენეფიციარები სწავლობენ დინამიური ვებ გვერდების შექმნას და მათ მართვას, HTML & CSS, Javascript ES6, Angular & Typescript- ის ენების შესწავლით. გადამზადება 6 თვის განმავლობაში გაგრძელდება ფიზიკურ ან/და დისტანციურ ფორმატში 20 ბენეფიციარისთვის. გადამზადებულთა დასაქმებას კოდინგის სკოლა ქალებისთვის დაეხმარება. ბენეფიციარებს შეეძლებათ დასაქმება Junior Angular დეველოპერად, Markup დეველოპერად ან Junior Javascript დეველოპერად.

საქართველოს სამ ქალაქში თელავში, ქუთაისსა და ბათუმში (დისტანციური ფორმატი) ჩატარდება ვორქშოფები, ტექნოლოგიებში ქალთა როლის გაძლიერების მიზნით. აღნიშნული შეხვედრები ემსახურება ტექნოლოგიების მიმართულებით ქალთა ცნობიერების ამაღლებას.

შეხვედრის მონაწილე წევრებს საშუალება ექნებათ სრულფასოვანი ინფორმაცია მიიღონ შემდეგი მიმართულებით:

  • თანამედროვე ტექნოლოგიური ტრენდები
  • პროგრამული უზრუნველყოფა
  • ვებ აპლიკაციების შექმნა;
  • წამყვან პროგრამულ ენებზე მუშაობის გამოცდილება მათ შორის (HTML; CSS; JavaScript; Typescript; Angular; NodeJs)


ინიციატივა 5.0 ფარგლებში ბიზნესისა და ტექნოლოგიების უნივერსიტეტი და კომპანია Microsoft აბიტურიენტი გოგოებისთვის ჩაატარებენ DigiGirlz-ის კამპანიას, რომელიც საშუალებას მისცემს გოგონებს მაიკროსოფტის თანამშრომლებისგან მიიღონ ინფორმაცია ტექნოლოგიების მიმართულებით და ჩაერთონ პრაქტიკულ ვორკფოპებში კომპიუტერებისა და ტექნოლოგიების მიმართულებით.

ხელოვნური ინტელექტი და მანქანური სწავლება - გადამზადების კურსი ქალებისთვის.
ასევე, აშშ-ის საელჩოს მხარდაჭერით ხორციელდება, გადამზადების პროგრამა, გულისხმობს ქალების გადამზადებას ხელოვნური ინტელექტის და მანქანური სწავლების მიმართულებით. მონაწილე ყველა ბენეფიციარისთვის, სასწავლო კურსი სრულად ფინანსდება აშშ-ის საელჩოს დემოკრატიის კომისიის მცირე გრანტების პროგრამის ფარგლებში. კურსი მიზნად ისახავს, შეასწავლოს ბენეფიციარს ნეირონული ქსელების ფუნდამენტები და აჩვენოს მისი გამოყენების არეალები. 


BTU-ს მონაწილეობით, სილიკონ ველის აქსელერატორი, აშშ-ს ბაზრის წვდომის ცენტრი (usmac), usaid-ის ეკონომიკური უსაფრთხოების პროგრამასთან და გაეროს ქალთა ორგანიზაციასთან თანამშრომლობით, ქართველი მეწარმე ქალებისთვის, სწრაფი ეკონომიკური ზრდის პროგრამას იწყებს. 


პროგრამა ქართული სტარტაპების ქალ ხელმძღვანელებს განვითარებაში დაეხმარება. ბიზნესისა და ტექნოლოგიების უნივერსიტეტის, მეწარმეობის ცენტრი სრულად დააფინანსებს ერთი სტარტაპის მონაწილეობას usmac-ის სილიკონ ველის უმსხვილეს აქსელერატორიში მონაწილეობას. ასევე, გამარჯვებულ გუნდს სთავაზოვს სხვადასხვა სახის მხარდაჭერას, მათ შორის იურიდიული, ფინანსური და ტექნიკური, მიმართულებით რათა ხელი შეუწყოს მის წარმატებას მსოფლიო ბაზარზე.

 

BTU-ს ჩართულობით, საერთაშორისო ორგანიზაცია woman in tech-ის წარმომადგენლობა საქართველოში უკვე ჩამოყალიბდა.

ბიზნესისა და ტექნოლოგიების უნივერსიტეტი wit-თან თანამშრომლობით განახორციელებს პროექტებს და აქტივობებს, რომელიც ხელს შეუწყობს ქალებისთვის სხვადასხვა შესაძლებლობის შექმნას, ტექნოლოგიების სფეროში.




ინიციატივის ფარგლებში განხორციელებული აქტივობები

- სტატია IPN - BTU “ინიციატივა 5.0-ის“ შესრულებას ტექნოლოგიებში ქალთა როლის გაძლიერებით იწყებს
- სტატია IPN - „ქალები მომავლისთვის“ BTU-ს „ინიციატივა 5.0-ის“ ახალი პარტნიორია
- სტატია Entrepreneur - ქალების როლის გაძლიერება ტექნოლოგიებში, BTU-ს ინიციატივა 5.0 დაიწყო
- სტატია IPN - BTU ტექნოლოგიებში ქალთა როლის გასაძლიერებლად ვორქშოპებს საქართველოს სამ ქალაქში იწყებს
- ვიდეო Entrepreneur - ქალთა როლის გაძლიერება ტექნოლოგიებში
- გადაცემა იმედის დილა 
- გადაცემა ბიზნესპარტნიორი